«Pedagog bolý – óz ýaqytyńdy aıamaý»...

Bul ómirde adamnyń taǵdyryn aıqyn­daıtyn eki nárse bar: biri – ómirlik jary bolsa, ekinshisi – mamandyǵy. Maman­dyq – árbir adamnyń súıip ári qýana jasaıtyn isi, onyń erteńgi bola­shaǵy. Ár adam mamandyǵyna qurmetpen qaraýy kerek. Olaı deıtinim, mamandyq tańdaý úlken jaýapkershilikti qajet etedi. Sonymen qatar ár maman­dyq­­tyń óz erekshelikteri de bar. Izgi maman­dyq­tar­dyń qataryndaǵy pedagog balany oqy­typ-tárbıelep, elin kórkeıter azamat etedi. Men de osy pedagog maman­dyǵyn tańdaǵanymdy maqtanysh etemin. О́ıtkeni pedagogqa bıiktik pen tereńdik uǵymdary tán. Osy eki uǵymdy pedagog sózimen tyǵyz baılanystyramyn. Shyndyǵynda pedagog – muhıt tuńǵıyǵyndaı tereń bilimniń, bıik parasattyń ıesi. Onyń biligi men bilimi taıyz emes, tym tereńde. Al endi ana da, dana da, aqyn da, hakim de – bári-bári de aıaýly da asyl ustazdan tálim alady. Bul – bultartpas aqıqat. Qazaqta «Bir kisi qudyq qazsa, myń kisi sý ishedi», degen qanatty sóz jáne bar. Jer betindegi barsha mamandyq ıelerin bilim nárimen sýsyndatyp, zeıinin ashatyn, san salaly ǵylym syryn uqtyratyn birden-bir maman­dyqtyń bastaýynda pedagogtar turatynyna eshkim daýlasa qoımas. Sanany saralap, aqylmen oılap qarasaq, qashanda ustazy jaqsynyń ustamy jaqsy bolady. Qazir elimizde bilim júıesi túbirimen ózgerdi deýge bolady. Búgingi ustazdar men oqýshylar úshin barlyq jaǵdaı jasalyp otyr. Jańa oqýlyqtar shyǵyp jatyr. Mektepterdiń materıaldyq-tehnıka­lyq bazasy jańardy. Jańa mektepter kóbeı­di. Ár bilim uıasynda ınternet jelisi bar, ınteraktıvti taqtalar orna­tyldy. Nazarbaev zııatkerlik mek­tebi sekildi ozyq bilim uıalary oqý­shy­lar­dyń tolyqqandy ári sapaly bilim alýyna jol ashty. Osyǵan oraı maman­dyqtyń atasy sanalatyn ustazdar da bilimderin jetildirip, shákirtterine sapaly bilim, tálimdi tárbıe berýge umtylyp keledi. О́ıtkeni pedagog bolý júrektiń batyldyǵy degendeı, olar barlyq mamandyq ıesin úıretýshi, tárbıeleýshi. Sebebi odan qandaı da bolmasyn maman­dyq ıesi dáris alyp shyǵatynyn uǵyp otyr. Jan-Jak Rýssonyń «Pedagog bolý – óz ýaqytyńdy aıamaý, basqanyń baqytyn aıalaý» degendeı, ustaz tek shákirtine bilgenin úıretýshi ǵana emes, tula boıy tunǵan ónege, aq ti­leý­li ana tárizdi barlyq adamnyń boıy­nan jaqsylyq izdeıtin izgi nıet ıesi. О́mirdegi kóp mamandyqtardyń ishin­de jan-jaqty bilimdilikti, ıkem­dilik­ti, sheberlikti, erekshe meıirim­dilik­ti qajet ete­tin mamandyq ta – pedagog. Olaı deıtinim, pedagog eńbegi, birin­shiden, adamzat qoǵamy tarıhynda jı­naq­­talǵan ǵylym negizderinen bilim berýge tıis bolsa, ekinshiden, únemi shá­kirt­­terimen qarym-qatynasta bolyp, bilsem, úırensem degen bala armany men onyń syrly taǵdyryna basshylyq etýdi moınyna alǵan maman. Osyndaı qyzy­ǵy da, qıyndyǵy da mol mamandyq ıe­leri, ıaǵnı búgingi pedagogtar shákirtine ǵylym negizderinen málimet berip qana qoımaı, ony dúnıejúzilik bilim, aqparat, ekonomıka keńistigine shyǵýǵa, ıaǵnı qatań báseke jaǵdaıynda ómir súrýge tárbıeleýi kerek. Ol naǵyz pedagogtyń ǵana qolynan keledi. Pedagogtardyń uly atasy Y.Altyn­sarın: «Pedagogıkalyq mamandyq –bul adamtaný, adamnyń kúrdeli jáne qyzyqty, shym-shytyryǵy mol rýhanı jan dúnıesine úńile bilý. Pedagogıkalyq sheberlik pen pedagogıkalyq óner  danalyqty júrekten uǵa bilý bolyp tabylady», degeni bizdiń ustanymyz bola beredi. О́ıtkeni elimizdiń bilim salasyndaǵy oń ózgerister búgingi pedagogtardan dep bilemin. Bilim uıasynyń tiregi muǵalim bolǵandyqtan, jańa oqý jylynyń bastalýynda ustaz týraly oıym­dy ortaǵa salǵandy jón kórdim. Gúlnár EŃSEGENOVA, Q.Dútbaeva atyndaǵy Atyraý gýmanıtarlyq kolledjiniń oqytýshysy ATYRAÝ