Foto: aikyn.kz
QazUJǴA vıse-prezıdenti, akademık Kárimbek Qurmanálıev «Ǵylym jáne ınnovasııa qundylyqtary – basty baǵdar» atty baıandama jasap, Ata zań jobasyndaǵy zamanaýı ǵylym men sala dástúrine basymdyq beretin baptardyń mán-mańyzyna toqtaldy. Konstıtýsııanyń qoǵam talqylaýyna usynylǵan mátininde basty ıdeıa retinde ǵylym, bilim, ınnovasııanyń alynýy otandyq ǵylymǵa serpin beretinin aıryqsha atap ótti. Sondaı-aq
ol adam kapıtalyn damytý, bilimdi órkendetý, ǵylym men ınnovasııany ilgeriletý elimizdiń strategııalyq baǵyty dep tanylǵany elimizdiń álemge tanylýyna, jastardyń osy salaǵa kelip, eleýli nátıje kórsetetinine ujymnyń senimdi ekenin jetkizdi.
Ǵylymı jıynda Ulttyq jaratylystaný ǵylymdary akademııasynyń akademıkteri Vladımır Shkolnık, Erenǵaıyp Omarov, Tileýken Ahmetov, Erjan Kóldeev, Ábdikerim Zeınýllın sóz alyp, Konstıtýsııanyń jańa jobasynda alǵash ret Ádiletti Qazaqstannyń zań men tártip ustanymy, memleketshildik dástúr, ekologııalyq jaýapkershilik baıyptalǵany, ǵylym men ınnovasııanyń basty qundylyq retinde aıqyndalǵany – elimizdiń ıdeologııalyq parasatyn, áleýmettik-ekonomıkalyq áleýetin arttyrýda aıryqsha kezeńge jol ashylatynyn dálelmen aıtty.
Basqosýda Qazaqstan Ulttyq jaratylystaný akademııasynyń akademıkteri jańa Konstıtýsııanyń jobasyn qoldaıtynynyn jetkizip, mátindegi jekelegen baptardy jetildirýge baılanysty oılaryn komıssııa qaraýyna joldaǵanyn habarlady.
