Tórt paralımpıadashy sensasııa jasady

Rıo-de-Janeıroda ótip jat­qan Paralımpııalyq oıyn­darda budan bir aı buryn Olım­pıada júldegerleri atanǵan­dar kórsetkishterinen de artyq nátıjege jetip, sensasııa jasa­ǵan sportshylar shyqty. Atap aıtqanda, 1 500 metrge júgirgen 4 bir­deı paralımpıadashy Oıyn­darda osy qashyqtyqta chempıon bolǵan 26 jastaǵy amerıkalyq Mettıý Sentrovıske altyn medal alyp bergen ýaqyttan da jyldam júgirip ótti. Olımpıadada báseke­les­teriniń bárinen desi basym bolý úshin Mettıýge 3:50,00 mınýt jetip jatyr edi. Al arada aı ótken soń sol qashyqtyqta alǵashqy 4 oryndy alǵan paralımpıadashy jigitterdiń bári de budan ozyq nátıje kórsetti. Aıtalyq, Paralımpıadanyń altyn medalin jeńip alǵan al­jır­lik Abdellatıf Baka bul mejeni 3:48,29 mınýtta baǵyndyrdy. Onyń sońyndaǵy efıopııalyq Tamırý Demısse 3:48,49 mınýt kórsetkishimen – kúmis, kenııa­lyq Genrı Kırva 3:49,59 mınýt kórsetkishimen qola medaldarǵa qol jetkizse, aljırlik Fýad Baka 3:49,59 mınýtpen júl­desiz qaldy. Baıqap otyrǵan bol­sa­ńyz­dar, munyń ózi Rıoda top jarǵan Sentrovısti artta qal­dyryp ketedi! Aıtqandaı, Olımpıadada osy qashyqtyqta kúmis medal jeńip alǵan da Aljırdiń Mahlýfı Taýfık esimdi atleti edi. Ol buǵan 3:50,11 mınýt nátıjesimen jetti. Ras, Sentrovıstiń jeke úzdik kór­setkishi bulardyń bárinen ál­de­qaıda joǵary – 3:30.40 mınýt. Degenmen, faktiniń aty fakt. Olardyń sol joly múmkin­digi shekteýli sportshylardan qalyp qoıǵandary shyndyq.   Rýslan IGILIK