Astanada kitaphanashylar kongresi bastaldy

Elordadaǵy Táýelsizdik saraıynda elimiz Táýelsizdiginiń 25 jyldyǵyna baılanysty «Álem. HHI ǵasyr. Oqý arqyly rýhanı úndestik pen mádenıetke» degen taqyrypta Halyqaralyq kitaphanashylar kongresi bastaldy. Eki kúndik sharaǵa Reseı, Grýzııa, Ázerbaıjan, Iran, Tájikstan, Fransııa, Indonezııa elderiniń Ulttyq kitaphanalarynyń, Eýrazııa kitaphanalary assambleıasynyń ókilderi, saıasat jáne qoǵam qaıratkerleri, ǵalymdar, aqyn-jazýshylar, mádenıettanýshylar men baspagerler qatysýda. Sharany Qazaqstan Respýblı­ka­synyń Mádenıet jáne sport mı­nıstr­ligi, Qazaqstan Respýb­lıka­­synyń Tuńǵysh Prezıdenti – El­basynyń kitaphanasy, Ulttyq aka­de­mııa­lyq kitaphana men Ult­tyq kitaphana uıym­dastyrdy. Kon­gres­tiń maqsaty – qoǵam nazaryn kitap­hanalardy damytýǵa, kitap oqýǵa aýdarý. Elektrondy aqpa­rattyq resýrstardy qalyp­tas­tyrý máseleleri boıynsha tájirıbe almasý jáne ony aqparattyq-kitap­hanalyq mekemelerde paıdalaný, kitaphanashy kásibi­niń ımıdjin kóterý máseleleri de kongress maqsatyna kiredi. Kongresti ashyp, quttyqtaý sóz sóılegen Mádenıet jáne sport mınıstri Arystanbek Muha­medıuly halyqaralyq kitap­hanashylar kongresiniń ótkizilýi kitaphanalar arasyndaǵy mádenı, ǵylymı jáne bilimdik baılanystardy nyǵaıtý jolynda erekshe mańyzǵa ıe bolatynyn atap ótti. Kongreste Eýrazııa kitap­hanalary assambleıasynyń bas dırektory, Reseı Memlekettik kitaphanasynyń bólim meń­gerý­shisi Galına Raıkova postkeńestik elderde aqparattyq-mádenı keńistik qalyptastyrý máseleleri boıynsha baıandama jasady. Mundaǵy Eýrazııa kitap­hanalary assambleıasynyń rólin basa aıtqan G.Raıkova sońǵy jyl­dary Reseıde memlekettik deńgeı­de qabyldanǵan qujattar men zań­namalarmen tanystyryp ótti. Al Reseı Ulttyq kitaphanasy­nyń bas dırektory Aleksandr Vıslyı elektrondyq kitap­hana týraly Reseıde zań qabyldanǵa­nyn baıandady. «Kópshilik kitaphana nege kerek, ınternette bári bar emes pe deıdi. Biraq ınternet kitap­hananyń ornyn tolyq­taı almastyra almaıdy. Taıaýda bizde ulttyq elektrondyq kitaphana týraly zań qabyl­dandy. Ol áli kúshine engen joq. Onda elek­trondyq ortada kitaphanalardy damytýǵa qatysty kóp ınnovasııa bar. TMD elderiniń barlyq ulttyq kitaphanalary Reseıde bar elektrondyq kitap­hana dısser­ta­sııasyn paıda­lanady. Reseı ulttyq elek­tron­dyq kitap­hana­synyń damýyna TMD el­deri kitap­hanalarynyń qaty­sý­shy retinde tartylýy sep bolýda», – dedi Aleksandr Vıslyı. Atalmysh iri sharanyń plenar­lyq otyrysynda «Bolashaqtyń kitaphanasy. Uǵym men anyqta­ma­ǵa shaǵyn sholý» degen taqyrypta Ortalyq kitaphana dırektory Atıfe Nýrı (Iran), «Máńgilik El» ulttyq ıdeıasy qazirgi qazaq­standyq qoǵamdy damytýdyń basty baǵyty retinde» degen taqy­ryp­pen Qazaqstan Respýblıkasy Ulttyq ǵylym akade­mııasynyń akademıgi, fıloso­fııa ǵylymdarynyń doktory Ǵarı­folla Esimniń jáne basqalardyń baıandamalary tyńdaldy. Eki kúndik sharada Eýrazııa kitap­ha­nalary assambleıasy múshe­leri­niń HIH jalpy jınalysy, «Bir el – bir kitap» aksııasy. «2016 jyl kita­by – Dýlat Babataıuly shy­ǵar­malary», «Hakim Abaı dana­lyǵy» taqyryptarynda ashyq dárister, kitap kórmeleri ótedi. Kon­gress bes seksııa bo­ıyn­sha jumys istep, usynystar qa­byl­­danady. Sertı­fıkattar tabys etiledi. Eki­jaq­ty memoran­dým­darǵa qol qoıyla­dy. Aıgúl SEIILOVA, «Egemen Qazaqstan» Sýretti túsirgen Orynbaı BALMURAT, «Egemen Qazaqstan»