Jergilikti polısııa jaıaý júrmeıdi

Elbasy Ońtústikke kelgen bir saparynda «Shymkent – Qazaqstannyń Astana, Al­ma­tydan keıingi úshinshi qalasy bolady» degen bolatyn. Qala aýqymy keńeıdi, Tóle bı, Saıram jáne Ordabasy aýdanynan qalaǵa jaqyn ornalasqan eldi mekender qosyldy. Halyqtyń sany bir mıllıonǵa jeteǵabyl oblys ortalyǵynda tártipti nyǵaı­tý úshin Jergilikti polısııa qyzmeti qurylǵan bolatyn. Jaqynda oblys ákimi B.Atam­qulov OQO IID Jergilikti polısııa qyzmetiniń jeke quramasyna jańa kólikterdiń kiltin berdi. Táýelsizdiktiń 25 jyldyǵyna arnalǵan is-sharalarda 73 «KIA-Rio» markaly mashınalar jol-patrýldik polısııa qyz­met­kerlerine berilse, ýchaskelik polısııa qyzmetkerleri VAZ-2121010 markaly bes mashınaǵa ıe boldy. Polısııa qyzmetkerlerin Táýelsizdik merekesi qarsa­ńyn­daǵy jaqsy jańalyqtarymen quttyqtaǵan aımaq basshysy qurylǵanyna bir jyl bolǵan Jergilikti polısııa qyzmetiniń halyq arasynda úlken bedelge ıe ekendigin atap ótti. Aldaǵy ýaqytta da el seniminen shyǵýlaryna tilektestigin bildirdi. Qoǵamdyq tártip saqshylary ózderine artylǵan jaýapkershilik údesinen shyǵatyndyqtaryn aıtyp, alańnan saltanatty sherýmen júrip ótti.  Baqtııar TAIJAN, «Egemen Qazaqstan» Ońtústik Qazaqstan oblysy