Ulttyq arnanyń utymdy umtylysy

Prezıdent janyndaǵy Ortalyq kommýnıkasııalar qyzmetinde «Qazaqstan» teleradıokorporasııasynyń televızııalyq kontentin jańǵyrtý» taqyrybynda brıfıng ótti. Jıynda atalǵan korporasııanyń búgingi tynys-tirshiligi, alda turǵan mindetteri jan-jaqty sóz boldy. Brıfıngte «Qazaqstan» RTRK» AQ basqarma tóraıymy Nurjan Mu­ha­medjanova birinshi kezekte qu­rylymnyń qazirgi tańdaǵy qyzmetine, negizgi baǵytyna, bú­ginge deıingi jetis­tikterine, kórse­ti­lim­derdiń sapasynyń artqanyna toq­taldy. Onyń aıtýynsha, 2016-2017 jyldarǵa arnalǵan televı­zııalyq jańa maýsymyn «Bul – meniń Qazaqstanym!» uranymen ashqaly otyrǵan korporasııa kóptegen jumystardy qolǵa almaq. Korporasııanyń baǵdarlamalyq mindetteriniń biri – memlekettiń aq­parattyq saıasatyn tıimdi júzege asyrýǵa, Táýelsiz Qazaqstannyń je­tis­tik­terin, memlekettik baǵdarla­malardyń oryndalý joldaryn jáne nátıjelerin keńinen nasıhattaýǵa, qaıyrymdylyq sharalarǵa qoldaý bildirýge baǵyttalǵan, dedi tóraıym. Ol jańa maýsymda «Qazaqstan» telearnasy óz kórermenderine ja­ńa jobalar men teleserıaldar usynatynyn, halyqtyń kóńi­linen shyqqan, reıtıngi joǵa­ry baǵdarlamalardyń jańa shyǵa­rylymdaryn tamashalaýǵa múmkin­dik bolatynyn jetkizdi. Kópshi­liktiń kóńilinen shyqqan «Aıtý­ǵa ońaı...», «Dara jol», «Áıel ba­qyty», «Tún­gi stýdııa», «Tań­sholpan» syndy baǵdarlamalar ja­ńa turpatta, jańar­ǵan stýdııa­da óz kórermenderine qyzyq­ty taqyryptar usynbaq. Jańa televı­zııalyq maýsymda aqparattyq-sarap­tamalyq baǵdarlamalar blogy kúsheıtiledi. «Suhbat» jobasy tikeleı efırde taraıdy. Baǵdar­lama barysynda qarapaıym adam­dardyń kókeıindegi ózekti másele­ler qozǵalyp, túrli saýaldarǵa Úki­met músheleri, bılik, saıasat já­ne bıznes ókilderi jaýap beretin bolady, dedi Nurjan Jalaýqyzy. Sonymen birge, N.Muha­med­janova efırge «Qoǵamdyq keńes» jobasy shyǵa bastaǵanyn sóz etti. «Qoǵamdyq keńes» jobasyn­da spıkerler tikeleı efırde túr­li taqyrypqa baılanysty pikir almasý maqsatynda suhbat órbite­di, sondaı-aq, «100 naqty qadam» Ult Jospary aıasynda quryl­ǵan qoǵamdyq keńester múshe­leriniń qatysýymen pikirtalas uıymdastyrylady, dedi ol. Buǵan qosa, N.Muhamedjanova jańa maýsymda tulǵalardyń túrli oqıǵalary áńgime arqaýy bolatyn «Oı-tolǵaý» jobasy kópshilik nazaryna usynylatynyn, ony tanymal aqyn Qalqaman Sarın júrgizetinin, taıaý kúnderde halyqaralyq jobalar pishiminde kórermenge jol tartatyn «Qazaqstan» telearnasynyń tuńǵysh ónimi – «Muzart LIVE» mega jobasy efırge shyǵatynyn sóz etti. Brıfıngte atalyp ótkendeı, atalǵan korporasııa elimizdiń tele­vı­zııalyq naryǵyndaǵy serıaldar óndirisiniń kóshbasshysy bolyp otyr. Qazirgi tańda qurylym ki­taphanasynda 62 serıal saqta­lý­da eken. Sonymen birge, korporasııa 100 serııaly «Aıman-Sholpan» dramasyn kórsete bastady. Bul serıaldyń negizgi jelisi otbasy ınstıtýtyn nyǵaıtý ıdeıasy tóńireginde órbıdi. Jıyn barysynda basqarma tór­aıymy qurylymnyń halyq­aralyq yntymaqtastyqty kúsheıtýge jiti kóńil bólip otyrǵanyna nazar aýdardy. «Qazaqstan» teleradıokorporasııasy kontentin jańǵyrtý aıasynda halyqaralyq yntymaqtastyqty da­mytty jáne otandyq kontentti ilge­riletý maqsatynda belsendi jumystar júrgizýde. Atap ótetin bolsaq, «Syr­ǵalym», «Qasym», «Jambyl» jáne basqa da kórkem serıaldardyń lısenzııalyq quqyǵyn bizben qatar, taıaý jáne shetelder ıelenip otyr. Bul korporasııaǵa óz kontentin qarjylandyrý jóninde júıeli túrde jumystar júrgizýge múmkindik beredi. 2015 jyly korporasııa óz quqyqtaryn júzege asyrýdan 5 mıllıon teńge tabys túsirse, osy jyldyń 8 aıynda bul kórsetkish 38 mıllıon teńgege jetti. О́tken aptada «Qazaqstan» RTRK» AQ tapsyrysymen túsirilgen «Áke» serıalynyń bas keıipkeri Ońtústik Koreıada ótken «Seýl Interneıshnl Drama Evords-2016» halyqaralyq kınofestıvalinde «Jyldyń úzdik akteri» dep tanyldy. Osylaısha, korporasııamyz sheteldik naryqtaǵy qazaqstandyq kınoóndiristiń ornyn nyǵaıta otyryp, óz úlesin qosýda, – dedi N. Muhamedjanova. Odan ári spıker korporasııa qu­ra­myndaǵy Qazaq radıosy men «Kazsport», «Balapan» telearnalarynyń jetis­tikterin, aldaǵy josparlaryn atap ótti. Sonymen qatar, taıaýda «Egemen Qa­zaqstan» gazeti men «Qazaqstan» tele­radıokorporasııasy arasynda ózara yntymaqtastyq týraly memoran­dým bekitilgenin málimdedi. Bul me­mo­randým otandyq aqparat keńis­tiginde sapaly ónimder usynýǵa jáne shy­ǵarmashylyq úderisterde ózara qol­daý kórsetýge jol ashady, dedi ol. Nurjan Jalaýqyzy Memleket basshysynyń tapsyrmasymen «Qazaq­stan» telearnasynyń tolyqtaı qazaq tilinde habar taratqa­nyna bıyl 5 jyl tolyp otyr­ǵanyn aıta kelip, 2011 jyldyń qyrkúıek aıynan beri «Qazaq­stan» telearnasynyń aýdıto­rııalyq kórsetkishteri jaǵym­dy ózgeristerge toly bolǵany­na toqtaldy. 2011 jyldyń qyrkúıe­ginde telearnanyń 100 myń+ aýdı­torııasyndaǵy orta táý­liktik úles 4,5 paıyzdy, al 2016 jyl­dyń 8 aıy ishindegi telearnanyń osy sııaqty aýdıtorııalyq úlesi 8,5 paıyzdy qurady. Bul úlestiń 89 paıyzǵa óskenin kórsetedi, dedi basqarma tóraıymy. Brıfıng barysynda «Qazaq­stan» RTRK» AQ tapsyrysymen túsi­ril­gen «Áke» serıalynyń bas keıip­kerin somdaǵan, Ońtústik Koreıa­da ótken «Seýl Interneshnl Drama Evords-2016» halyqaralyq kınofes­tıvalinde osy eńbegi úshin «Jyldyń úzdik akteri» ataǵy berilgen Azat Seıtmetov pen serıal avtory jáne rejısseri Asqar Uzabaev sóz sóılep, ózderine qoldaý bildirgen taraptarǵa alǵystaryn jetkizdi. Joldybaı BAZAR, «Egemen Qazaqstan»