Qazaqstandaǵy jobalardy ınvestısııalaýǵa yntaly

Qazaqstan Respýblıkasynyń Syrtqy ister mınıstri Erlan Ydyrysov elimizge alǵash ret kelgen Gonkongtyń qarjy jónindegi hatshysy (qarjy mınıstri) Djon Sangpen kezdesti. Kezdesý barysynda E.Ydyrysov Qa­zaq­stannyń negizgi syrtqy saıası basymdyqtary men elimizde ınves­tı­sııalyq klımatty jaqsartý jáne arnaıy ekonomıkalyq aımaqtar qurý úshin qoldanylyp jatqan sharalar týraly aıtyp berdi. Ol Qazaqstan Gon­kongtyń qarjy ındýstrııasyndaǵy táji­rıbesin zerdeleýge múddeli ekenin atap ótti. Suhbattasýshylar «As­tana» halyqaralyq qarjy ortalyǵy qyzmetkerleriniń Gonkong qarjy mekemelerinde arnaıy trenıngterden ótý múmkindigin de talqylady. Djon Sang óz kezeginde Gonkongtyń isker toptary Qazaqstandaǵy saýda, lo­gıs­tıka jáne qyzmet kórsetý sala­lar­yn­d­aǵy ınnovasııalyq jobalardy qar­jylandyrýǵa daıyn ekenin málimdedi. Sonymen qatar, taraptar Qazaq­stan men Gonkong arasyndaǵy ınvestı­sııa­lardy ózara qorǵaý jáne kótermeleý, qosarlanǵan salyq salýdy boldyr­maý, sondaı-aq salaaralyq jáne vedom­stvo­aralyq ekijaqty qujattardy qabyldaý máselelerin qarastyrdy. «Egemen-aqparat»