Atyraýdyń Astanadaǵy kúnderi bastalady

Keshe Prezıdent janyndaǵy Ortalyq kommýnıkasııa­lar qyzmetinde «Qýatty óńir – qýatty Qazaqstan» taqyrybymen Atyraý oblysynyń Astana qalasyndaǵy kúnderiniń ótýine oraı brıfıng uıymdastyryldy. Brıfıngte Atyraý oblysy áki­miniń orynbasary Álibek Naýtıev bi­rin­shi kezekte óńirdiń damýy, atqa­rylyp jatqan jumystar jóninde keńinen áńgimelep berdi. – Atyraý oblysy – áleýmettik-eko­nomıkalyq damý kórsetkishteri qarqyndy ósip kele jatqan aımaq­tar­­dyń biri. Tek munaı óndirisi ǵana emes, ózge de túrli salalarda il­geri­leýshilik bar. Oblystyń jalpy óńirlik ónimi osy jyldyń birin­shi toqsanynda 1,18 trln teńgeni qura­sa, ónerkásip óniminiń kólemi 2,52 trln teńgege jetti. Aımaqta ındýs­trııalyq-ınnovasııalyq damý baǵ­darlamasy sheńberinde 5,1 myń jumys orny quryldy, sondaı-aq, jalpy quny 2,5 trln teńgeni quraıtyn 49 ınvestısııalyq joba iske asyrylýda. Negizgi kapıtalǵa ınvestısııa kólemi 53,1 paıyzǵa ósip, 1 093,1 mlrd teńgeni qurady. Osy kezeńge deıin 273,8 myń sharshy metr turǵyn úı iske qosyldy. Bul baǵyttaǵy jumystar odan ári jalǵasa bermek. Osy jyldyń 1 qyrkúıegine memlekettik bıýdjetke 503,5 mlrd teńge salyq pen basqa da mindetti tólemder tústi, – dedi oblys ákiminiń orynbasary. Onyń aıtýynsha, negizgi salada Atyraý munaı óńdeý zaýyty jumys isteýde. Bul zaýyt jańǵyrtýdan ótken. «Teńizshevroıl» kompanııasy 30 mlrd dollarǵa jýyq qarjyǵa jańǵyrtýdyń úshinshi kezeńin bastamaq. Al Qashaǵan jobasy qazan aıynda iske qosylady dep kútilýde. Sonymen qatar, ol áleýmettik sa­lalardaǵy atqarylyp otyrǵan jumys­tarǵa toqtala kelip, bilim berý sek­toryndaǵy ıgi isterdi atap ótti. – Oblysta 192 mektep bar. Osy mektepterge birinshi synypqa barǵan balalar 100 paıyz oqýlyqtarmen qam­ta­masyz etildi. Munan bólek, 1-4-synyp oqýshylaryn tegin tamaq­pen qamtamasyz etý úshin oblys bıýd­jetinen 1 mlrd 190 mln teńge bólin­di. Sonyń nátıjesinde 51 myń 560 bala tegin tamaqpen qamtamasyz etile­tin bolady. Árıne, oblysta bilim sala­syndaǵy problemaly máseleler de joq emes. Apatty jaǵdaıdaǵy 6 mektep bar. Onyń 5-eýiniń qurylysy bas­talyp, úsheýiniń qurylysy bıyl aıaq­ta­lady. Bireýi 2017 jyldyń sońyn­da tolyq bitedi. Osylaısha, apat­ty mektepterden arylamyz, – dedi Á.Náýtıev. Al Atyraý oblystyq Aýyl sharýashylyǵy basqarmasynyń basshysy Syrym Rysqalıev óz kezeginde óńirde atalǵan salaǵa qatysty júıeli jumystar júrgizilip otyrǵanyn, so­nyń nátıjesinde birqatar kórsetkishterge qol jetkizilgenin, 17-18 qyrkúıekte Astanada ótetin jármeńkege qyzý daıyndyqpen kelgenderin jetkizdi. – Buryn Atyraý oblysy Astanaǵa tek balyq ónimderin jiberetin bolsa, endi elordalyqtarǵa aýyl sharýa­shylyǵy ónimderimizdi usyna alamyz. Olardyń ishinde kókónis, sút, et ónimderi, jumyrtqa, shujyq, salattar bar, – dedi basqarma basshysy. Onyń aıtýynsha, bıyl atyraýlyqtar Astanaǵa mol tartýmen kelip otyrǵan kórinedi. Naqtylaı aıtqanda, atyraýlyqtar Astanaǵa 36 taýar óndirýshilerdiń qatysýymen 90 tonnadan astam ónim ákelgen. – Atyraý oblysy jergilikti óndi­rýshilerdiń ónimderin elordaǵa ákeldi. Keshe ǵana júk tıelgen 14 júk kóli­gi qalaǵa jetti. Bizdiń ákelgen ónim­derimiz 90 tonnadan asady. Onyń ishindegi negizgi ónim – balyq 36 tonnany quraıdy. Munan bólek, 38 tonna baqsha daqyldaryn, sút, et ónimderin jáne jumyrtqa ákeldik», – dedi ol. Basqarma basshysynyń sózine qaraǵanda, óńirde sońǵy 3-4 jylda aýyl sharýashylyǵy salasyna 17 mlrd teńgege jýyq qarajat bólinip, 14 joba iske asqan. О́ńirdi sút ónimderimen qamtamasyz etý de birshama jaqsarǵan. Sondaı-aq, osydan 3 jyl buryn óńirde ishki naryqty jumyrtqamen qamtamasyz etý 13 paıyz ǵana bolsa, búginde bul kórsetkish 100 paıyzdan asyp otyr, – dedi ol. Sonymen, búgin jáne erteń, ıaǵnı 17-18 qyrkúıekte Atyraý oblysynyń Astanadaǵy kúnderi ótedi. Shara barysynda Atyraý oblysy boıynsha 260-qa jýyq ónerpaz, 10 shyǵarmashylyq top óz ónerlerin usynady. Olardyń ishinde D.Nurpeıisova atyndaǵy akademııalyq ult aspaptar orkestri, N.Jantórın atyndaǵy oblystyq fılarmonııa, M.О́temisuly atyndaǵy Qazaq drama teatrynyń ujymy, sonymen qatar, Atyraý oblystyq tarıhı-ólketaný mýzeıi bar. Joǵaryda atalǵan ujymdardyń qatysýymen búgin saǵat 18:00-de Beıbitshilik jáne kelisim saraıynda «Ǵasyrlardan syr shertken – Atyraý» atty kórme uıymdastyrylady, al 19:00-de osy saraıda gala-konsert kópshilik nazaryna usynylady. 18 qyrkúıekte elordadaǵy Jastar saraıynda Sh.Aıtmatovtyń «Máńgúrt» atty pesasy qoıylady. Joldybaı BAZAR, «Egemen Qazaqstan»