Komıtetterge jańa tóraǵalar saılandy

Senattyń kezekti jalpy otyrysy palata bıýrosy kún tártibine engizbegen uıymdastyrý máselelerinen bastaldy. Otyrysty ashyp, júrgizgen Senat Tóraǵasy Qasym-Jomart Toqaev olardy ózi aıtyp otyrdy. Aldymen Tóraǵa Senat depýtaty bolyp taǵaıyndalǵan Da­rıǵa Nazarbaevany jańa qyzmeti­men quttyqtady. Odan keıin E­l­basynyń Jarlyǵymen Nurlan Ora­zalınniń depýtattyq ókilettigi toq­tatylatyny jarııalandy. Nurlan Myrqasymulyna Senat de­pýtattyǵyn abyroımen atqar­ǵany úshin rızashylyǵymyzdy bil­diremiz. Palata bıýrosynyń sheshi­mimen ol Prezıdenttiń refor­ma­laryn zańnamalyq turǵyda qam­ta­masyz etýge jáne qazaqstandyq parlamentarızmdi damytýǵa qosqan úlesi úshin Senattyń Qurmet gramotasymen marapattaldy, dedi Q.Toqaev. Odan ári Tóraǵa Senat depý­tat­tarynyń quramyndaǵy ózgeristerge baı­lanysty otyrystyń kún tárti­bine engiziletin uıymdastyrý máse­lelerin jarııalady. Aldy­men óziniń atyna senatorlar Asqar Beısenbaevtyń, Ik­ram Adyrbekovtiń, Talǵatbek Abaı­dil­dınniń, Aqan Bıjanovtyń atynan atqaryp júrgen qyzmetterinen bosatý týraly ótinish túskenin aıtty. Sóıtip, A.Beısenbaev – Senat Tóraǵasynyń orynbasary, I.Adyrbekov – Halyqaralyq qa­tynastar, qorǵanys jáne qaýip­sizdik komıtetiniń tóraǵasy, T.Abaı­dildın – Ekonomıkalyq saıasat, ınnovasııalyq damý jáne kásip­kerlik komıtetiniń tóraǵasy, A.Bı­janov – Áleýmettik-mádenı damý jáne ǵylym komıtetiniń tór­aǵasy qyzmetterinen sena­tor­lar- dyń daýys berýimen bosatyldy. Se­nat Tóraǵasynyń orynbasary qyz­metine Qasym-Jomart Kemel­uly Bektas Beknazarovty usyndy. Pa­lata depýtattary bul kandıda­týrany biraýyzdan qoldady. Bo­saǵan komıtet tóraǵalyǵyna tıi­sinshe Darıǵa Nazarbaeva, Asqar Beısenbaev, Birǵanym Áı­ti­mova saılandy. Al tóraǵa qyz­metinen bosaǵan senatorlar óz­deriniń qala­ýymen buryn basshy­lyq jasa­ǵan komıtetterdiń mú­shesi boldy. Sonymen qatar, sena­tor Ma­rat Taǵymov óziniń ótini­shi boıyn­sha Ekonomıkalyq saıa­sat, ınnova­sııa­lyq damý jáne ká­sip­kerlik ko­mıtetinen Konstıtý­sııa­lyq zań­nama, sot júıesi jáne qu­qyq qor­ǵaý organdary komıtetine aýysty. Sóıtip, jańa basshylar belgili bolǵannan keıin otyrys kún tárti­bindegi máselelerdi qaraýǵa kóshti. Aldymen Almaty oblysynan ja­ńadan saılanǵan senator Nurlan Qylyshbaevty palata Áleýmettik damý jáne ǵylym komıtetine múshe etip saılady. Kún tártibindegi ekinshi má­se­le Respýblıkalyq bıýdjettiń atqa­rylýyn baqylaý jónindegi esep komıtetiniń jańa múshelerin taǵaı­yndaýǵa arnaldy. Senat taǵaı­yndaǵan burynǵy múshelerdiń óki­lettik merzimderi aıaqtalýyna baıla­nysty Esep komıtetiniń eki jańa músheleri etip tóraǵa Alek­sandr Gorıaınovty jáne Talǵat Ja­qandy bes jylǵa taǵaıyndaýdy usyndy. Eki kandıdatýrany da Se­nat qoldady. Kún tártibindegi sońǵy másele – Qa­zaqstan men Aý­ǵan­stan Úkimet­teri arasyndaǵy aza­mattyq qorǵanys, tóten­she jaǵdaılardyń aldyn alý jáne olardy joıý sala­syndaǵy yntymaqtastyq týraly kelisimdi ratıfıkasııalaý týraly zań jobasyn qabyldaýǵa arnaldy. Bul másele boıynsha Ishki ister mınıstri Qalmuhanbet Qasymov baıandama jasap, zań jobasynyń qajettiligi týraly aıtyp berdi. Keli­simge eki eldiń Memleket bas­shylarynyń qatysýymen 2015 jylǵy 20 qarashada Asta­nada qol qoıylǵan. Atal­ǵan kelisimniń kúshine enýi tó­tenshe jaǵdaılarǵa monıtorıng jáne boljaý jasaý salasynda tájirıbe almasýǵa, qaýip týyndaǵan jaǵdaıda tur­ǵyn­dardy daıyndaýǵa, eki memle­kettiń oqý oryndarynda aza­mattyq quqyq qorǵaý sala­syndaǵy mamandardy oqytý jáne turaqty negizde bir­les­ken konferensııalar men se­mınarlar ótkizýge múm­kin­dik beredi, dedi mınıstr. Senatorlar arasynan Sergeı Plotnıkov Aýǵan­stannyń azamattyq qorǵa­nys salasynyń mamanda­ryn daıarlaý men qaıta oqy­tý Qazaqstannyń qaı qala­syndaǵy qandaı JOO-da iske asyrylatyn bolady jáne onyń shyǵyndaryn kim kóteredi dep surady. Q.Qa­symov oǵan mamandardyń Kókshetaýdyń tehnıkalyq ınstıtýtynda oqylatynyn, al shyǵyndar halyqaralyq uıymdardan arnaıy bólingen granttardyń esebinen jabylatynyn aıtty. Budan basqa suraqtar bolmaǵan soń qosymsha baıan­dama jasaý úshin sózdi Halyq­aralyq qatynastar, qorǵanys jáne qaýipsizdik komıtetiniń múshesi Muh­tar Altynbaev aldy. Sena­tor kelisimde tóten­she jaǵ­daı­lardyń árkelki túrlerin eskere oty­ryp, olardyń aldyn alý jáne joıýǵa arnalǵan naqty is-sha­ralardyń tizbesi kórsetil­genin jáne komıtette onyń jan-jaqty qaralǵanyn jet­kizdi. Zań jobasyn talqy­laýda senator Georgıı Kım sóı­lep, onyń Memleket basshysy kózdegen Qazaqstan men Aýǵanstan arasyndaǵy yntymaqtastyqty tereńdete túsý máselesine yqpal etetinin aıta kelip, áriptesterinen qoldaýdy ótindi. Sóıtip, zań qabyldandy. Kún tártibindegi máseleler aıaqtalǵan soń senatorlar ortalyq atqarýshy organdarǵa arnaǵan ózderiniń depýtattyq saýaldaryn jarııalady. Jaqsybaı SAMRAT, «Egemen Qazaqstan»