Qazaqstan Respýblıkasy Ulttyq ekonomıka mınıstrliginiń buıryǵy №108

2015 jylǵy 19 aqpan,   Astana qalasy Kondomınıým obektisiniń ortaq múlkin kútip-ustaý qaǵıdalaryn bekitý týraly «Turǵyn úı qatynastary týraly» Qazaqstan Respýblıkasy Zańynyń 10-2-babynyń 10-10) tarmaqshasyna sáıkes buıyramyn: 1. Qosa berilip otyrǵan Kondomınıým obektisiniń ortaq múlkin kútip-ustaý qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkelgen soń kúntizbelik on kún ishinde merzimdik baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýyn; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý salaǵa jetekshilik etetin Qazaqstan Respýblıkasy Ulttyq ekonomıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr E.DOSAEV Qazaqstan Respýblıkasy Ulttyq ekonomıka mınıstriniń 2015 jylǵy 19 aqpandaǵy №108 buıryǵymen bekitilgen Kondomınıým obektisiniń ortaq múlkin kútip-ustaý qaǵıdalary 1. Osy Kondomınıým obektisiniń ortaq múlkin kútip-ustaý qaǵıdalary (budan ári – Qaǵıdalar) «Turǵyn úı qatynastary týraly» 1997 jylǵy 16 sáýirdegi Qazaqstan Respýblıkasy Zańynyń (budan ári – Zań)  10-2-babynyń 10-10) tarmaqshasyna sáıkes ázirlendi jáne Qazaqstan Respýblıkasynyń turǵyn úı qoryna kiretin turǵyn úılerde kondomınıým obektisiniń ortaq múlkin kútip-ustaý prosesinde týyndaıtyn qatynastardy retteıdi. 2. Qaǵıdalarda mynadaı negizgi uǵymdar paıdalanylady: ǵımaratty (qurylysty, jabdyqty, kommýnıkasııany, turǵyn úı-kommýnaldyq maqsattaǵy obektilerdi) aǵymdaǵy jóndeý – ǵımarattyń (qurylystyń, jabdyqtyń, kommýnıkasııanyń, turǵyn úı-kommýnaldyq maqsattaǵy obektilerdiń) jaramdylyǵy nemese jumys qabiletin qalpyna keltirý, normatıvtik jáne tehnıkalyq qujattamada belgilengen kólemde shektelgen nomenklatýranyń quramdas bólikterin aýystyra nemese qalpyna keltire otyryp, onyń resýrsyn ishinara qalpyna keltirý úshin oryndalatyn jumys; ǵımaratty (qurylysty, jabdyqty, kommýnıkasııany, turǵyn úı-kommýnaldyq maqsattaǵy obektilerdi) kúrdeli jóndeý – ǵımaratty (qurylysty, jabdyqty, kommýnıkasııany, turǵyn úı-kommýnaldyq maqsattaǵy obektilerdi) qajet bolǵan jaǵdaıda konstrýktıvtik elementter men ınjenerlik jabdyq júıelerin aýystyra otyryp, onyń resýrsyn qalpyna keltirý, sondaı-aq paıdalaný kórsetkishterin jaqsartý maqsatynda jóndeý; jer ýchaskesi – turǵyn úıge (turǵyn ǵımaratqa) Qazaqstan Respýblıkasynyń Jer kodeksinde belgilengen tártippen bekitilip berilgen jer aýmaǵy; kondomınıým obektisin kútip-ustaý – kondomınıým obektisin basqarý organymen jasasqan shartqa sáıkes servıstik qyzmet sýbektisi iske asyratyn uıymdastyrýshylyq jáne tehnıkalyq is-sharalar jıyntyǵy; kondomınıým obektisin basqarý organy – kondomınıým obektisin basqarý jónindegi fýnksııalardy júzege asyratyn jeke nemese zańdy tulǵa; merdiger – jumysty nemese kórsetiletin qyzmetterdi merdigerlik shart jáne (nemese) memlekettik kelisimshart boıynsha oryndaıtyn jeke nemese zańdy tulǵa; ortaq múlik – dara (bólek) menshiktegi úı-jaılardan basqa, kondomınıým obektisiniń bólikteri (abattandyrý elementterin jáne ortaq paıdalanylatyn basqa da múlikti qosa alǵanda, kireberister, baspaldaqtar, lıftiler, tóbeler, shatyrlar, jertóleler, páterden tys ne úıge ortaq ınjenerlik júıeler men jabdyqtar, abonenttik poshta jáshikteri, jer ýchaskesi); servıstik qyzmet sýbektisi – kondomınıým obektisin kútip-ustaý jónindegi qyzmetti júzege asyratyn jeke nemese zańdy tulǵa. 3. Kondomınıým obektisiniń ortaq múlkin kútip-ustaýdy servıstik qyzmet sýbektisi kondomınıým obektisin basqarý organymen jasasatyn Zańnyń 10-2- babynyń 10-6) tarmaqshasyna sáıkes kondomınıým obektisin basqarý organy shartynyń úlgilik nysanyna sáıkes júzege asyrady. Shart jasaý aldynda úı-jaılardyń (páterlerdiń) menshik ıeleri servıstik qyzmet sýbektileriniń kandıdatýralaryn jalpy jınalysta qaraıdy jáne Zańnyń 10-2-babynyń 9) tarmaqshasyna sáıkes úı-jaılardyń (páterlerdiń) menshik ıeleriniń úlgi nysanyndaǵy hattamasyna sáıkes servıstik qyzmet sýbektisin aıqyndaý týraly hattama jasaıdy. 4. Kondomınıým obektisin basqarý organy qurylǵan kúninen bastap on bes jumys kúni ishinde árbir kondomınıým obektisine ekinshi deńgeıdegi bankte aǵymdaǵy shot ashady, oǵan úı-jaılardyń (páterlerdiń) menshik ıeleriniń osy kondomınıým obektisiniń ortaq múlkin kútip-ustaýǵa jáne aǵymdaǵy jóndeýge jumsalatyn jarnalary (tólemderi) aýdarylady jáne osy kondomınıým obektisiniń ortaq múlkin kúrdeli jóndeýge jumsalatyn somalardy jınaqtaý úshin ekinshi deńgeıdegi bankte jınaq shotyn ashýǵa mindetti. 5. Kondomınıým obektisiniń ortaq múlkin kútip-ustaý: 1) aǵymdaǵy jáne kúrdeli jóndeýdi qurylys normalaryna, ekologııalyq talaptar men normatıvterge, sanıtarııalyq-tehnıkalyq qyzmet kórsetý jónindegi is-sharalarǵa sáıkes júrgizý; 2) kommýnaldyq qaldyqtardy jınaý oryndarynda ekologııalyq qaýipsizdik normalaryn saqtaý; 3) kondomınıým obektisiniń ortaq múlkin, úıge ortaq ınjenerlik júıeler men jabdyqtardy, jer ýchaskesin aǵymdaǵy tehnıkalyq, sanıtarııalyq kútip-ustaý; 4) kondomınıým obektisiniń ortaq múlkin kútip-ustaýǵa arnalǵan shyǵystar smetasyn esepteý; 5) kondomınıým obektisiniń ortaq múlkin ne onyń jekelegen qurylys konstrýksııalaryn, úıge ortaq ınjenerlik júıeler men jabdyqtaryn kúrdeli jóndeý arqyly júzege asyrylady. 6. Kondomınıým obektisin basqarý organy men servıstik qyzmet sýbektisiniń arasynda shart jasalǵan kezde kórsetiletin qyzmetterdiń tizbesine mynadaı jumystardy keshendi oryndaý qamtylady: 1) kondomınıým obektisiniń konstrýksııalary men ınjenerlik jabdyqtarynyń tehnıkalyq jaı-kúıin josparly jáne jospardan tys tekserip qaraý (gaz, lıft jabdyqtary men qoqys jınaǵyshtardy qospaǵanda, olarǵa tıisti uıymdarmen jeke sharttar jasalady); 2) qoqys jınaǵyshtardy, úı mańyndaǵy aýmaqtardy sanıtarııalyq tazartý, qoqysty áketý (kárizi joq úılerde – aýladaǵy dárethananyń qazylǵan shuńqyrlaryn tazartý, jınaý jáne ákteý); 3) kógaldandyrý; 4) jertólelik úı-jaılar men ortaq paıdalanylatyn basqa da oryndardy dezınfeksııalaý, deratızasııalaý, dezınseksııalaý; 5) kóktemgi-jazǵy jáne qysqy maýsymdarǵa daıyndyq; 6) avarııalardy joıý; 7) jeldetkish arnalary men tútindikterdi tazartý; 8) kondomınıým obektisiniń ortaq múlkin aǵymdaǵy jóndeý; 9) kondomınıým obektisiniń ortaq múlkin kúrdeli jóndeý; 10) ortaq paıdalanylatyn oryndarda ortalyq jylytý, sýmen jabdyqtaý, sý burý, elektrmen jabdyqtaý, jeldetý júıelerine qyzmet kórsetý. 7. Kondomınıým obektisiniń ortaq múlkin kútip-ustaýǵa arnalǵan aı saıynǵy jarnanyń mólsheri úı-jaılardyń (páterlerdiń) menshik ıeleriniń jınalysynda bekitiledi. 8. Úı-jaılardyń (páterlerdiń) menshik ıeleri: 1) kondomınıým obektisiniń ortaq múlkin, sondaı-aq jer ýchaskesin paıdalanady jáne basqarady; 2) kondomınıým obektisiniń ortaq múlkiniń saqtalýy men qaýipsiz paıdalanylýyn qamtamasyz etedi; 3) kondomınıým obektisiniń ortaq múlkinkútip-ustaýǵa jumsalatyn shyǵystarǵa qatysady; 4) kondomınıým obektisiniń ortaq múlkin kúrdeli jóndeýge qarajat jınaqtaý úshin aı saıyn kondomınıým obektisin basqarý organynyń jınaq shotyna úı-jaılardyń (páterlerdiń) menshik ıeleriniń jınalysynda aıqyndalatyn mólsherdegi, biraq turǵyn (turǵyn emes) úı-jaıdyń paıdaly alańynyń bir sharshy metrine arnalǵan eseppen respýblıkalyq bıýdjet týraly zańda tıisti qarjy jylyna arnalyp belgilengen aılyq eseptik kórsetkishtiń 0,02 eselengen mólsherinen kem bolmaıtyn somany engizýge mindetti; 5) kondomınıým obektisiniń jer ýchaskelerindegi jasyl ekpelerdiń saqtalýyn jáne ózderiniń kúshterimen ne shart negizinde mamandandyrylǵan kásiporyndardy jaldaý arqyly olarǵa tıisti kútim jasaýdy qamtamasyz etedi; 6) kondomınıým obektisiniń ortaq múlkin rekonstrýksııalaýdy, qaıta josparlaýdy, qaıta jabdyqtaýdy jáne konstrýktıvtik sheshimderdi ózgertýdi oǵan ruqsat berý qujattary bolǵan jaǵdaıda ǵana júrgizedi; 7) kondomınıým obektisin basqarý organyna jeke jáne zańdy tulǵalarmen kondomınıým obektisiniń ortaq múlkine qyzmet kórsetý jáne jóndeý jumystaryn oryndaý jóninde sharttar jasasýdy tapsyrady; 8) úı-jaılardyń (páterlerdiń) menshik ıeleriniń tekserý komıssııasyna kondomınıým obektisiniń ortaq múlkin kútip-ustaý jáne jóndeý jóninde oryndalǵan jumystardyń sapasyn baǵalaýdy júzege asyrýdy tapsyrady. 9. Jınaq shotynda jınaqtalǵan aqshany jumsaý jalpy jınalystyń osy kondomınıým obektisiniń úı-jaılar (páterler) menshik ıeleriniń jalpy sanynyń kópshilik daýsymen qabyldanǵan jáne jınalystyń hattamasynda bekitilgen sheshimi boıynsha ǵana júzege asyrylady. 10. Jergilikti atqarýshy organdardyń turǵyn úı ınspeksııalary kondomınıým obektisiniń ortaq múlkin kúrdeli jóndeýdiń jekelegen túrleriniń tizbesin, kezeńin jáne kezektiligin aıqyndaıdy. 11. Úı-jaılardyń (páterlerdiń) menshik ıeleriniń jınalysynda kondomınıým obektisiniń ortaq múlkine kúrdeli jóndeý júrgizýge arnalǵan shyǵystar smetasy bekitilgennen keıin merdigerleri kondomınıým obektisiniń ortaq múlkin kúrdeli jóndeýdi nemese onyń jekelegen túrlerin júrgizýge kirisedi. Turǵyn úı ınspeksııalary kondomınıým obektisin basqarý organy usynǵan, turǵyn úı kómeginiń qatysýymen qarjylandyrylatyn kondomınıým obektisiniń ortaq múlkin kúrdeli jóndeýdiń jekelegen túrlerin júrgizýge arnalǵan shyǵystar smetasyn kelisedi. 12. Kondomınıým obektisiniń ortaq múlkin kúrdeli jóndeý boıynsha oryndalǵan jumystardy qabyldaý úshin kondomınıým obektisin basqarý organynyń,úı-jaılardyń (páterlerdiń) menshik ıeleriniń,memlekettik sáýlet-qurylys baqylaý organdary men turǵyn úı ınspeksııasy ókilderiniń qatysýymen komıssııa qurylady. 13. Kondomınıým obektisiniń ortaq múlkin kútip-ustaǵan kezde jalpy jınalysta úı-jaılardyń (páterlerdiń) menshik ıeleriniń kópshilik daýysynyń sheshimi boıynsha turǵyn úıge (turǵyn ǵımaratqa) irgeles jatqan aýmaqty maqsaty boıynsha paıdalanbaýǵa jáne aǵashtar men butalardy qaıta otyrǵyzýǵa nemese shabýǵa ruqsat etiledi. Úı-jaılardy (páterlerdi) ózgertken (qaıta jabdyqtaǵan, qaıta josparlaǵan) kezde turǵyn úı-jaılar (páterler) menshik ıeleriniń jalpy sanynyń keminde úshten ekisiniń mindetti jazbasha kelisimi, mynadaı: ózgerister tireýish konstrýksııalaryn qozǵaǵan; ózgerister ortaq múlikti qozǵaǵan jaǵdaılarda talap etiledi. Joǵaryda atalǵan ózgerister ózgertiletin úı-jaılarmen (úı bólikterimen) japsarlas basqa da úı-jaılar (úı bólikteri) menshik ıeleriniń ǵana múddelerin qozǵaǵan jaǵdaıda, tek atalǵan adamdardyń ǵana jazbasha kelisimin alý talap etiledi. 14. Qaıta josparlaýdy jáne qaıta jabdyqtaýdy qosa alǵanda, menshik ıesiniń úı-jaıdy ortaq múlikke qaýip tóndiretin nemese ony nasharlatatyn jumystar júrgizýmen baılanysty ózgertýine tyıym salynady. 15. Úı-jaılardyń (páterlerdiń) menshik ıeleri tikeleı qyzmet kórsetýshimen ne kondomınıým obektisin basqarý organymen jasalǵan sharttyń negizinde úı-jaılardyń (páterlerdiń) menshik ıeleriniń jalpy jınalysy kondomınıým obektisin basqarý organynyń qyzmet kórsetýshimen osyndaı shart jasasýy týraly sheshim qabyldaǵan jaǵdaıda, úıge ortaq muqtajdarǵa paıdalanylatyn kommýnaldyq qyzmetter úshin shyǵystardy kóteredi. 16. Úıge ortaq muqtajdarǵa jumsalatyn kommýnaldyq qyzmetter sany úıge ortaq esepke alý quraldary kórsetkishteriniń negizinde, al olar bolmaǵan jaǵdaıda – belgilengen qýat boıynsha ne tabıǵı monopolııalar jáne retteletin naryqtar salasynda basshylyqty júzege asyrýshy memlekettik organ bekitken tutyný normalary boıynsha aıqyndalady. Buıryq Qazaqstan Respýblıkasynyń Ádilet mınıstrliginde 2015 jylǵy 26 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10528 bolyp engizildi.