Búgin Almatyda qalanyń 1000 jyldyq mereıtoıyna arnalǵan saltanatty sharalar bastaldy dep habarlaıdy Egemen-aqparat. Osydan az ýaqyt buryn shahardaǵy Birinshi Prezıdent baǵynda ALMAfest-2016 atty alma festıvali ashyldy. Oǵan qala ákimi Baýyrjan Baıbek te qatysty. Baıbektiń aıtýynsha, ALMAfest-2016 festıvali jyl saıyn jaqsy tanyla túsýde, osylaısha ol qalanyń brendine aınalyp keledi. Bul festıval Almatynyń alma otany retindegi ataǵyn qaıtadan shyǵaratyn bolady deıdi qala basshysy. Ákim 150 tonna alma qoıylǵan jármeńkeni aralady. Bıyl jármeńkege 33 sharýa qojalyǵy buryn-sońdy bolmaǵan dárejede kóp alma túrlerin alyp keldi. Tilshimizdiń habaryna qaraǵanda, turǵyndar búgin almany bazardaǵy baǵadan birshama tómen baǵamen satyp alyp jatyr
ALMAfest-2016 2010 jyldan beri ótkizilip keledi. Bul Almatynyń qala kúninde bolatyn úlken mádenı jáne oıyn-saýyq sharasy. Birinshi Prezıdent baǵynda festıval kezinde Alma Art, Alma Family, Alma Master, Alma Auen, Alma Bazar sııaqty birneshe alańqaılar ashylady. Onda konsertter, kórmeler, jármeńkeler bolady. Al Alma Drive atty alańda ulttyq sport saıystary ótedi. Alma Bazar – festıvaldiń basty alańqaıy. Mundaǵy kórmege almanyń jańa ári dámdi suryptary qoıylyp, kelýshilerdiń dám tatýy úshin usynylady.
Búgin qalanyń ár jerinde túrli sharalar ótedi. Keshkisin qala turǵyndary úshin Apple Fire otshashý merekelik shoýy kórsetiledi. Salıýtter qalanyń úsh núktesinde – saǵat 21.00-de Kóktóbede, "Astana" alańynda jáne "Almaty Arena" muz aıdynynda atylady. Merekelik is sharalardyń qaı jerde ótetinin tómendegi afıshadan kórýge bolady.
