Tigin sehyndaǵy tabysty tirlik

Búgingi kezge deıin elimizde jeńil ónerkásip salasy kenjelep qaldy degen pikir qalyptasyp kelgen bolatyn. Áıtse de, qazirgi kúni óndiristiń bul túri eńsesin tikteı bastaǵanyn kóremiz. Káne, oı tarazysyna salyp kóreıikshi?! Aıtalyq jeńil ónerkásiptiń eń bas­ty kórsetkishi – kıim-keshek tigý isin jolǵa qoıý úshin úlken fabrıka ashý mindeti bola qoıar ma eken?! Árıne, tipti de mundaı qajettilik joq. Kerisinshe, bul baǵyt shaǵyn jeke kásipkerlikti damytýǵa óte yń­ǵaıly ekeni baıqalady. Bir súısi­nerlik jaǵdaı, Oral qala­synda osy oraıdaǵy shaǵyn kásip­ker­lik ny­sandary jaýynnan ke­ıingi sańy­raýqulaqtaı kókteı dúrkirep ósip keledi. Sondaı kásiporyndardyń biri, tipti biri emes-aý biregeıi – «Týjılkın A.B.» jeke kásipkerligi deýge bolady. Búginde elimizde «Bız­nes­tiń jol kartasy-2020» baǵ­dar­­lamasynyń shapaǵaty men ıgi­ligin kórip otyrǵan shaǵyn, orta ári iri bıznes ıeleri jetkilikti. Bir sóz­ben aıtqanda, bul aýqymy óte joǵa­ry baǵdarlama. Kıim-keshek tigý­di maqsat etken jergilikti jeke kásip ıeleri de osy baǵdarlama sheń­­berin­degi qoldaý-kómektiń ıgi­li­gin kóre bastady. Onyń bul tar­maǵy «Damý-О́ndiris» dep atalady. Bir sózben aıtqanda, bul jeke kásip­kerlik sýbektilerin qoldaý baǵ­dar­lamasy bolyp tabylady. Búgin­gi materıalymyzǵa arqaý bolyp tartylǵan shaǵyn nysan ıel­eri osyn­daı qarjylaı kómektiń arqa­syn­da tek sońǵy bir jyldyń ishinde ónim kólemin ájeptáýir ósirýge qol jetkizdi. Tigin sehy arnaıy kıim tigýge mamandanǵan. Buǵan qosa tentter men brezent jabyndar da tigiledi. Sonymen qatar, áskerıler men kúzet qyzmetindegilerge arnalǵan kıimderge arnaıy logotıpter men japsyrmalar salynady. Ony tigin sehynyń sheberleri sándep ór­nekteıdi. Kompanııa óz ónimderin ob­lys aýmaǵynda ótkizedi. Negizgi serik­testeri bıýdjettik uıymdar men jeke tulǵalar bolyp tabylady. Bul jóninde gazet tilshisine «Týjılkın A.B» jeke kásipkerli­giniń menedjeri Tatıana Shevsova óz oı-pikirin bylaısha jetkizdi. – 2015 jyly aqpan aıynda aımaqtyq úılestirý keńesi jeke kásip­kerliktiń «Damý-О́ndiris» baǵ­darlamasy boıynsha alty paıyz­­dyq jeńildikpen nesıeleýdi kózdeıtin jobany maquldady. Biz osy jobaǵa qatysqandy jón kórdik. Sóıtip, nesıelik qarajatqa úlken atele ashý úshin ǵımarat, sonymen qatar seh pen atelege qajetti qural-jab­dyqtar satyp alyndy. Buǵan qosa kıim pishý ústeli men tigin mashınalary satyp alynyp, ornatyldy. Búginde Oraldyń ekinshi shaǵyn aýdanynda ornalasqan meken-jaıdaǵy jańa tigin sehynda Oń­tústik Koreıa óndirisshilerinen shyq­qan lazerli órnek salý mashınasy jumys istep tur. Bul tehnıkanyń kómegimen kóılek-kónshekter kestelenip ádemilenedi. Buǵan qosa qajetti pishindegi oıý-ór­nekter jasalady. Jobany júzege asyrý maqsatynda ondaǵan jańa jumys oryndary qurylǵan. Tigin sehyndaǵy mamandardyń kóńil kúıi joǵary. Biz olarmen tildesken kezimizde tiginshi brıgadır Aıman Saýytova bylaısha pikir bildirdi. – Jeke kásipkerlik sehynda tiginshi bolyp eńbek etýdemin. Tapsyrystardyń túsýine qaraı arnaıy kıimder tigemiz. Jalaqymyz tyndyrǵan isimizge baılanysty turaqty túrde tólenedi. Zeınetaqy qorynyń aýdarymdary jóninde de osylaı deı alamyn. Mundaǵy jumysym ózime unaıdy. Ujym men basshylyq arasynda túsinistik pen ózara kelisim qalyptasqan. Mine, osylaısha Oraldaǵy jańa tigin sehtardyń biri qyzý jumys ústinde. Temir QUSAIYN, «Egemen Qazaqstan» ORAL