Prezıdent Qostanaı oblysynyń agroónerkásip keshenin baǵalady

Elbasy Qostanaıǵa jumys sapary aıasynda «О́teýlın» sharýa qojalyǵynda boldy, dep habarlaıdy Egemen-aqparat. Memleket basshysy aýyl sharýashylyǵy ónimin óndirýmen jáne ótkizýmen aınalysatyn agrarlyq kásiporyn qyzmetimen, sondaı-aq egin alqabynyń jaı-kúıimen tanysty. Qazaqstan Prezıdentine Qostanaı oblysyndaǵy astyq jınaý naýqany men agroónerkásip keshenin damytý baǵytynda atqarylyp jatqan jumystar jóninde baıandaldy. Sonymen qatar, Nursultan Nazarbaev aýyl sharýashylyǵy salasy eńbekkerlerimen áńgimelesti. – Qostanaı oblysy aýyl sharýashylyǵy taýaryn eń kóp kólemde shyǵaratyn óńir bolyp sanalady. Memleket aýyl sharýashylyǵyna qoldaý kórsetýin jalǵastyra beredi. Osy salany ǵylymnyń qazirgi zamanǵy jetistikterin eskerip, ozyq sheteldik tájirıbeni zerdeleı otyryp jetildirý qajet. Bul aýyl sharýashylyǵyn sapalyq turǵydan jańa deńgeıge kóterýge múmkindik beredi, – dedi Memleket basshysy. Agrarlyq sala eńbekkerleri Qazaqstan Prezıdentine óńirge jan-jaqty qoldaýy jáne aýyl sharýashylyǵy salasynda júrgizip otyrǵan tıimdi saıasaty úshin alǵystaryn bildirdi. Sońynda Nursultan Nazarbaev jınalǵandarǵa jemisti jumys pen zor tabys tiledi. Egemen-aqparat