Almaty oblysynda aǵaıyndy úsh jigit iz-tússiz joǵaldy

Almaty oblysy Uzynaǵash aýylyndaǵy mal bazarǵa 40 bas iri-qarany alyp shyqqan aǵaıyndylar sol kúıi aýyldaryna oralmaǵan. Jigitterdiń áldebireýlermen baǵaǵa kelisip, mal tıelgen eki júk kóligimen taýǵa qaraı ketkenin kórgender bar. Tek sol kólikterdiń biri bos kúıinde taý arasynan tabylsa, ekinshisin tipti órtep jiberipti. Bul týraly KTK telearnasy habarlady. Joǵalǵandardyń bazardan maldaryn tıep minip ketken kólikteriniń biri qazir Almaty oblysyndaǵy aýyl arasyndaǵy joldardyń birinen tabylǵan. Jem-shóbi ishinde sol kúıi jatyr. Qazir polısııa qyzmetkerleri kólikten saýsaq izderin alýda. Kóliktiń aldyńǵy memlekettik nómiri alyp tastalynǵan. Artqy nómirin de sheshpek bolǵany kórinip tur. Ishinde kıim-keshek, maldyń qorshaýy da tur. Tek iri-qaranyń ózi men ıeleri joq. Jarqynbek, Qadilbek, Muqııat esimdi úsh aǵaıyndy jigit bazarǵa 40 bas sıyrdy ótken demalysta ákelgen eken. Sodan beri eshqaısynan habar joq. «Malyn qaıtemiz endi.  Ol adamdar qatelesken shyǵar, jaza basqan shyǵar. Olardy jazaǵa tartpaımyz. Uldarymyz otbasyna aman-esen oralsa bolǵany. Balalary ýlap- shýlap jatyr, óte aýyr halde, analary aýrýhanaǵa túsip qaldy», deıdi joǵalǵandardyń ákesi Tursyn Ámirbaıuly. Kýágerlerdiń aıtýynsha, aǵaıyndylar 40 bas iri-qarany túgel satyp alamyn degen adammen 6 mıllıon teńgege kelisken eken. Biraq, álgi satyp alýshy «aqsha úıde» degen syltaýmen jigitterdi ózimen erte ketken. Egemen-aqparat