Qostanaı oblysynyń ákimi Arhımed Muhambetov «Qostanaı» tennıs ortalyǵynda Rıo Olımpıadasynyń kúmis júldegeri Vasılıı Levıt pen eki márte Olımpıada oıyndarynyń qola júldegeri Ivan Dychkoǵa kólik kiltterin tapsyrdy.
Ivan Dychko London jáne Rıo Olımpıadalarynda qola medaldarǵa qol jetkizgen aıtýly boksshy. Sondaı-aq Rıoda altynǵa bergisiz óner kórsetken Vasılıı Levıt te qostanaılyq, ol Oıyndarǵa Astana qalasynyń atynan barǵan bolatyn.
«Elimizdiń sportshylary ákelgen 17 medaldiń ekeýi qostanaılyqtardyń eńbegi. Biz Vasılııdi shynynda Tıshenkony jeńdi dep bilemiz. Qostanaılyq jerlesteri Vasılııge altyn medal daıyndady, munyń ózi patrıotızm jáne boksshyǵa degen úlken qurmet», dedi óńir basshysy.
Sonymen birge, osy saltanatta Arhımed Muhambetov jasóspirimder arasynda grek-rım kúresinen álem chempıony Temirlan Shaduqaevqa 1 mıllıon, onyń jattyqtyrýshysy Mıhaıl Dosmaǵambetovke 500 myń teńge tabys etti.
Názıra JÁRIMBETOVA,
Qostanaı
