Jańa tehnologııalar men ǵylymı ınnovasııalar máseleleri talqylandy

Elordada Innovasııa, tehnologııa jáne bilim máseleleri jónindegi Azııa Parlamentaralyq forýmy bastaldy. Jıynǵa qatysýǵa 20-dan astam eldiń  parlamentarııleri men sarapshylary, sondaı-aq, halyqaralyq uıymdardyń ókilderi keldi.  Atalǵan aýqymdy jıyndy Qazaqstannyń Parlamenti Májilisi Bilim, ǵylym jáne mádenıet máseleri jónindegi ıslam uıymymen (ISESKO) jáne Islam Damý Bankimen birlese uıymdastyrdy. Forýmnyń maqsaty – Islam yntymaqtastyq uıymyna múshe-memleketterdiń ǵylymı jáne bilim berý áleýetin kóterý. Eki kúnge sozylatyn forýmnyń alǵashqy kúni, ıaǵnı búgin bilim, tehologııa jáne ınnovasııa salalaryndaǵy saıasat máselesi talqylandy. Sonymen qatar, jahandaný aıasyndaǵy bilim men ǵylym salalaryn damytý úshin zańnamalyq bazany qalyptastyrý jaıy,  ulttyq baǵdarlamalar men basymdyqtardy iske asyrýdaǵy ulttyq ınstıtýttarmen qarym-qatynas joldary men ondaǵy parlamentarııanyń róli máseleleri qarastyryldy. Jıyn barysynda Ázerbaıjan, Aljır, Bangladesh, Egıpet, Úndistan, Indonezııa, Pákistan, Gambııa men Malı respýblıkalarynan kelgen ǵalymdar men sarapshylar, parlament ókilderi óz oı-paıymdarymen, tájirıbelerimen bólisti.  Sarapshylar ásirese, «jasyl» ekonomıka taqyrybyna aıryqsha nazar aýdaryp, bul oraıda, EKSPO-2017 halyqaralyq kórmesiniń negizgi basymdyqtarymen jáne ustanymdarymen tanysty. «Qazirgi tańda elimizde Prezıdenttiń 5 ınstıtýsıonaldyq reformasyn oryndaý boıynsha «100 naqty qadam» Ult jospary júzege asyrylyp keledi.  Ult josparynda kórsetilgendeı, bizdiń elde ınnovasııa saıasaty, ekonomıkalyq damý básekege qabiletti qoǵam qurýdyń negizgi baǵyty bolyp sanalady. Bizdiń elimiz ındýstrııalyq-ınnovasııalyq damý boıynsha alǵashqy besjyldyqty tabysty oryndady. Qazirgi ýaqyta bul baǵdarlamanyń ekinshi kezeńi tıimdi júrgizilýde. Al ol baǵdarlamanyń zań jaǵynan qamtamasyz etilýinde Qazaqstan Parlamentiniń qosqan úlesi zor. Sondyqtan, bizdiń elimiz jańa tehnologııalar men  ınnovasııalyq ǵylymdy damytý jolynda árqashan álem elderimen birigip,  jumys isteýge daıyn.  Osy oraıda, Elbasynyń  Islam yntymaqtastyq uıymynyń  ǵylym jáne tehnologııa boıynsha sammıtin kelesi jyly Astana qalasynda ótkizý týraly usynysynyń mańyzy óte zor», – dedi Qazaqstan Parlamenti Májilisi Tóraǵasy Nurlan Nyǵmatýlın óziniń sózinde. Forýmnyń ekinshi kúni aımaqtyq damý boıynsha tehnologııalar men ınnovasııa, ǵylym salalarynda memleketter arasyndaǵy áriptestikti damytý jaıy sóz bolady.  Bul rette, Úndistan, BAÁ, Morokko, Tájikstan elderiniń halyqaralyq úzdik tájirıbesi qaralady. Eki kúndik talqylaý nátıjesinen keıin bilim, tehnologııalar men ınnovasııa salalaryndaǵy parlamentaralyq áriptestikti nyǵaıtý boıynsha Astana deklarasııasynyń qortyndy qujaty qabyldanbaq. Láıla EDILQYZY