Botanıkalyq baq bap tileıdi

Elimizde álemniń ár qıyry­nan ákelingen tropıkalyq, sýbtro­pıkalyq ǵajaıyp ósimdikterdi ósirý­men eki ǵana mekeme aına­lys­sa, onyń biri Qyzyljar óńi­rin­de ornalasqan. Osydan bir ǵasyr buryn Petropavl et-kon­servi kombınaty janynan boı kótergen jyly­jaıda búginde eki myń­ǵa jýyq ekzotıkalyq ósimdik jaı­qala ósip tur. Palmanyń, papo­rotnık, kıparıstiń neshe túrin kez­destirýge bolady. Osynda jar­ty ǵasyrǵa jýyq eńbek etken baǵ­ban Ravıl Rıaza­pov­tyń baqtyń saq­­talyp, gúldenip-kórkeıýine sińir­­gen eńbegi zor. Tylsym tabı­ǵat­­tyń «tilin» taba bilip, naǵyz tro­pıkalyq meken­jaıǵa aınaldyrdy. Alaıda, baqtyń basynan daý-damaı arylmaı-aq qoı­dy. Birese jekeniń qolyna beril­se, birese kúshtegendeı bolyp kom­mýnal­dyq menshikke qaıtaryldy. Qaı-qaısy­sy bolsyn jarylqaı qoı­ǵan joq. Basshylyq aýysqany­men, túıin­di problemalar sheshil­megen kúıi qala bergen. Solardyń biri kúr­deli jóndeýge qatysty edi. Alty jyl buryn qalpyna keltirilse de, sapasyz atqarylǵan jumystar saldarynan qaıtadan qıraı bastaǵan. Bıyl aımaq basshysy oǵan arnaıy baryp, shetin máse­lelerdi kórgen­nen keıin tıis­ti oryndarǵa tapsyrma bergen. Qaǵaz­bastylyq degendi qoı­sań­shy! Jóndeý isine 20 mıllıon teńge bólingenimen, ruqsat qujat­taryn jınaýǵa 3,5 aı ýaqyt ketken. Qylyshyn súıretken qys taıap qal­ǵanda irgeniń kirpish qalaýyn almastyrý, vıtrajdardy, shy­ny­p­aketterdi aýystyrý, sýaǵar­lar jasaý, shatyryn jóndeý sııaq­ty san-salaly mindetter tur. «Qyzyl­jar oranjereıasy» memle­kettik kásipornynyń basshysy Artýr Rıazapovtyń aıtýynsha, «Eńbek-Qyzyljar», «Mıras Group», «Stroı Integramm» sııaq­ty seriktestikter jumysqa bel­sene kirisip ketken. О́mir ESQALI, «Egemen Qazaqstan» Soltústik Qazaqstan oblysy