Jylyna 255 mıllıon shyny ydys shyǵarady

«EvroKrıstall» JShS osynsha shyny ydys shyǵardy О́tken ǵasyrdyń sekseninshi jyldarynyń aıaǵynda áskerı boryshymyzdy Sahalın aralynyń Anıva qalasynda ótkerdik. Keıin bilsek, dańqty kompozıtor Shámshi Qaldaıaqov aǵamyz da osy Anıvada jaýynger bolypty.  Irgede uly muhıt teńseledi. Keńes Odaǵynyń ataǵy jer jaryp turǵan shaǵy. Sol kezderi Japonııa men AQSh birlesken áskerı kúshi Sahalınge taıaý aralda oqý-jattyǵý jıynyn ótkizetin boldy da, bizdiń polkty teńiz jaǵalaýyna ákeldi. Tankterimizdi qazylǵan orǵa kómip, oqpanyn ashyq teńizge qaratyp on kún jattyq. Ister is joq, teńiz jaǵasynda júresiń. Japon araly jaqtan tolqyn aıdap túrli zattar aǵyp keledi. Shaǵyn dastarqannyń kólemindeı jaıylyp-búktelip teńiz kapýstasy jatady. Bilme­gen­ge kóseý tań, adam aǵzasyna kerekti ıodtyń kókesi osy kapýstada ekenin keıin bilip jatyrmyz ǵoı. Áldekimder ishindegisin sarqyp iship, laqtyrǵan shyny bótelkeler jaǵalaýǵa shyǵyp qalady. Syrtqy pishini keremet. Biz úırengen baqa bas bótelkelerdiń qasynda ádemi múlikteı kórinedi. «Shirkin-aı, osyndaı ydys­tar bizdiń elde de shyǵarylar ma eken». Aıtyp turǵanyń maqtaǵanda aıaǵyn jer-kókke tıgizbeıtin ortaq Otanyń – KSRO, júregi – Máskeý. Solar shyǵarmasa Qazaqstannyń shamasy jetpeıdi dep oılaısyń. Úlken bir alyp ımperııanyń qolynan kele me eken dep júrgen sol shyny ydystardyń kókesin búginde Shymkenttegi «EvroKrıstall» JShS bir ózi shyǵaryp jatyr. О́ndiris ornynda bolǵanymyzda shólmekterdiń qalaı quıylatynyn kórip taǵy da tańǵaldyq. Alyp qondyrǵynyń eteginen jylt etip túımedeı shoq bólinedi de aǵyndap baryp bir tyǵynǵa kiredi. Quıyndaı quıǵytyp otyryp taǵy birer jerge at shaldyryp baryp, uzynsha tútikten shólmek bolyp úrilip shyǵady. Bir shoq – bir shól­mek. Árıne, bári minsiz emes. Ishin­degi jalyny áli basylmaǵan shól­mekter sýytý sehynan ótken soń ki­ná­raty barlary jelimen kele ja­typ ózi sypyrylyp túsip qalady. Úlken bızneske memlekettik qoldaý kerek. «Bıznestiń jol kartasy-2020» baǵdarlamasy boıynsha «Qazaqstan Damý bankinen» paıyzy tómen qarjy alǵan seriktestikte 250-den astam adam jumys jasap jatyr. Investısııalyq qýaty 3,9 mlrd teńge quraıtyn zaýyt joǵary sapaly shyny ydystaryn ártúrli pishinde shyǵarady. О́ndiristik jáne medısınalyq ydystardy 190 ml-dan 2 lıtrge daıyndaı alatyn, ári ártúrli tús, pishinmen árleıtin qondyrǵylarmen jabdyqtalǵan zaýyt osy qalpynda myqty óndiris oshaqtarynyń biri. О́ndiristik shynynyń hımııalyq jáne fızıkalyq qasıetterin saqtaıtyn zerthana jumys jasaıdy. Germanııadan aldyrylǵan «Neýe» qondyrǵysy tapsyrýshynyń qalaýyna qaraı shynylardy túrli pishinde daıyndap beredi. Álemdegi jetekshi óndirýshilerdiń qazirgi avtomattandyrylǵan qondyrǵylarymen jabdyqtalǵan zaýyttyń óndiristik qýaty jylyna 225 mln dana shyny ydystar daıyndaýǵa jetedi. Shynylardyń sapasyn bekitetin lazerlik skanerleý qondyrǵysy joǵary tehnologııa tıimdiligin arttyrady. Kásiporyn qyzmetkerleri Rýstam Sahov pen Bekzat Berdimuratov osynda atqarylyp jatqan jumystardy ár qondyrǵynyń qyzmetin taldaı otyryp baıandap berdi. Ońtústiktiń kásipkerleri buryn shyny ydystarǵa tapsyrysty ózge memleketterge berer edi. «Evrokrıstall» ondaı qıyndyqtan qutqardy. Qondyrǵylarynyń tehnıkalyq dárejesi men óndiris ornynyń qýaty halyqaralyq sapa standarty ISO-9000 jáne ekologııalyq qaýipsizdik ISO-14000 talaptaryna saı keletin zaýytpen jumys jasaýǵa kórshiles respýblıka kásipkerleri talaptanyp jatyr. Úlken óndiris osylaı órkenin jaıyp keledi. Baqtııar TAIJAN, «Egemen Qazaqstan» Ońtústik Qazaqstan oblysy