40 jylda – 115 mıllıard dollar

Jaqynda Saýd Arabııasy Koroldiginiń Qazaqstan Respýblıkasyndaǵy Tótenshe jáne ókiletti elshisi Gýrm ben Saıd ál-Malhan Koroldiktiń 85-shi Ulttyq kúnine oraı resmı qabyldaý jasady. Bul kúni Saýd Arabııasy Koroldiginiń negizin qalaýshy marqum Abdýlazız ben Abdýrrahman ál Saýd Saýd Arabııasynyń halqyn bir týdyń astyna jınap, tutas memleket retinde biriktirgen bolatyn.  Saýd Arabııasy Koroldigi qurylǵaly beri damý jolynda kóptegen qadamdar jasap, qazirgi tańda halqyna jáne onda turatyn azamattarǵa eń joǵary deńgeıde qyzmet kórsetetin elge aınaldy. Qazirgi kezde aldyńǵy qatarly medısınalyq jáne bilim berý mekemeleri, 47 jergilikti jáne halyqaralyq áýejaı qyzmet etedi. Sondaı-aq, zamanaýı ǵylymdarǵa arnalǵan zertteý ortalyqtary quryldy. Saýd Arabııasy Qos kıege qyzmet etýdi árqashan ózine mártebe sanaıdy. Qajylar men ýmra jasaýshylarǵa mindetterin barynsha jeńil atqarý maqsatynda kóptegen jeńildikter jasalynýda. Koroldik álemdegi eń kóp gýmanıtarlyq jáne damý jolynda kómek kórsetetin 10 iri memlekettiń biri bolyp tabylady. BUU-nyń statıstıkasy boıynsha, bul el ótken jyly 6-shy oryndy ıelendi. Sońǵy 40 jylda kórsetken kómeginiń jalpy kólemi 115 mıllıard dollardan asqan. Osy jyldar ishinde Koroldik álemniń 90-nan astam eline kómek kórsetipti. Saýdııalyq elshi qabyldaýda sóılegen sózinde eki el arasyndaǵy yntymaqtastyqqa erekshe toqtaldy. «Saýd Arabııasy Koroldiginiń Koroli, Qos kıeniń saqshysy Sálman ben Abdýlazız ál Saýd pen Qazaqstan Respýblıkasynyń Prezıdenti Nursultan Nazarbaevtyń basshylyǵy aıasynda eki el arasynda ekijaqty dostyq qarym-qatynas ornaǵan. Sonyń arqasynda yntymaqtastyq jańa satyǵa kóterildi», – dedi elshi. Elshi, sondaı-aq, sońǵy bir jyldaǵy eki eldiń qatynastarynan habardar etti. Onyń aıtýynsha, Er-Rııad qalasynda Birikken qazaq-saýd komıssııasynyń 4-shi otyrysy ótti. Komıssııaǵa qazaqstandyq taraptan Investısııalar jáne damý mınıstri tóraǵalyq etedi. Koroldiktiń Saýda jáne óndiris mınıstri 135 adamnan quralǵan úkimettik delegasııany bas­tap, Qazaqstanǵa saparmen kelip qaıtty. Sonymen qatar, eki el tarapynan kóptegen salalarda kelisimsharttar men túsinistik memorandýmdarynyń jobalary aıasynda talqylaý úderisi júrip jatyr. «Osy jyly Qazaqstan qajylary Almaty áýejaıynan Mádıne jáne Jıdda qalalaryna tikeleı reıspen alǵash ret sapar shekti. Bul qajylardyń Qazaqstannan Saýd Arabııasyna deıingi saparynyń ýaqyty edáýir qysqardy degendi bildiredi. Másele Qazaqstannyń quzyrly organdarymen jaqsy yntymaqtastyqtyń nátıjesinde júzege asty», – dedi Gýrm ben Saıd ál-Malhan. Álısultan QULANBAI, «Egemen Qazaqstan» Sýretti túsirgen Orynbaı BALMURAT