Marsqa baryp-qaıtý quny 1 mlrd dollarǵa baǵalandy

«SpaceH» kompanııasynyń basshysy Ilon Mask Marsqa 1 mıllıon adamdy jetkizýdi josparlap otyr. Ol óziniń josparlary týraly Meksıkada ótken Halyqaralyq ǵarysh federasııasynyń Marsty ıgerý josparyna baılanysty 67-shi kongresinde aıtty. Masktyń oıynsha, keleshekte Jerde tirshilik joıylady, sondyqtan adamdar Marsqa baryp ómir súrýi tıis. Ol 2035 jylǵa qaraı qyzyl planetaǵa 80 kúnde ushyp barýǵa bolatyn múmkindik týady dep esepteıdi. «Keleshekte Mars planetasynda tirshilik paıda bolady. Sol sebepti oǵan 1 mln-ǵa jýyq adamdy jiberemek oıymyz bar. Adamdar Marsqa baryp, kolonııa qurady. Bul olardyń óz-ózderin qamtamasyz etýi úshin qajet. Degenmen, onda ózindik órkenıet qalyptastyrý úshin shamamen 40 nemese 100 jyldaı ýaqyt kerek», dedi Ilon Mask. Qazirgi esep boıynsha, Marsqa baryp-qaıtý bir adam úshin 1 mlrd dollarǵa baǵalanyp otyr. Biraq bılet baǵasy keıin 100 ben 200 myń dollarǵa deıin tómendeıdi. Bul jolaýshynyń ózimen birge alyp ushatyn júginiń salmaǵyna baılanysty. Ilon Masktyń aıtýynsha, qazirgi tańda ózi basqaratyn kompanııa 100-ge jýyq adam, sondaı-aq, 450 tonna júk alyp usha alatyn ǵarysh kemesin jasap jatyr. Ǵarysh kemesi keminde 12 ret ushýǵa jaramdy bolady.   Nurbaı Shákim