2008 jyly ótken jazǵy Olımpıada oıyndarynda úsh qarǵyp sekirý boıynsha saıysqa túsken grekııalyq jeńil atlet Hrısopııa Devetsı Olımpıada júldesin HOK-qa qaıtarady. Halyqaralyq jeńil atletıka federasııasy shyǵarǵan sheshimdi búgin, 28 qyrkúıekte Inside The Games basylymy málimdedi.
Beıjıiń Olımpıadasynda Hrısopııa Devetsı úsh qarǵyp sekirý boıynsha qola júldege ıe bolǵan edi. Atalmysh synda qazaqstandyq jeńil atlet Olga Rypakova tórtinshi orynǵa taban tiregen bolatyn. Hrısopııa Devetsı Olımpıada júldesin qaıtarǵan jaǵdaıda, Olımpıadanyń qola medali Olga Rypakovaǵa beriledi. Olga Rypakova Beıjiń Olımpıadasynyń qola júldesin ıemdense, ózi qatysqan úsh Olımpıadanyń júldegeri atanady.
Qaıta tekseris barysynda Devetsıdiń 2007 jylǵy taldamasynan anabıologııalyq steroıd tabylǵandyǵy anyqtaldy. 2009 jyly Hrısopııa Devetsı dopıng tekseriske qarsylyq tanytyp, sporttaǵy karerasyn aıaqtaǵan.
Halyqaralyq jeńil atletıka federasııasy 40 jastaǵy Hrısopııa Devetsıdi 2019 jylǵa deıin barlyq jarystan shettetti. Sonymen qatar, Hrısopııa Devetsıdiń 2007 jyldyń 31 tamyzy men 2009 jyldyń 30 tamyzy aralyǵynda qatysqan barlyq jarystaryndaǵy nátıjeleri joqqa shyǵarylady.
Halyqaralyq dopıngke qarsy agenttiktiń jańa erejesi boıynsha sportshylardyń synamalary jarystan keıin 10 jyl kóleminde saqtalady. Halyqaralyq Olımpıada komıteti osyǵan deıin Hrısopııa Devetsıden bólek, Beıjiń Olımpıadasynyń úsh júldegerinen medaldaryn qaıtaryp alǵan bolatyn.
Áıgerim TOQSANBEK
