Qyzylorda oblysynyń ákimi úzdik muǵalimdermen kezdesti

«Bilim ınemen qudyq qazǵandaı» bolǵanda, sol jolda baǵyt-baǵdar berip, jón siltep, jol kórsetetin birden-bir adam – ustaz. Qazaq «Ustazy jaqsynyń – ustanymy jaqsy» degende osyny meńzese kerek. Balaǵa úıretýden jalyqpaıtyn, eńbegim elenbedi dep qamyqpaıtyn, shákirttiń qarym-qabiletin anyqtaıtyn mamandyq ıelerin qalaı dáriptesek te, qurmet kórsetsek te artyqtyq etpeıdi. Ustazdar merekesine oraı Qy­zyl­orda oblysynyń ákimi Qy­rymbek Kósherbaev aımaqtaǵy ja­ńa­shyl pedagogtar men ardager-ustazdardy qabyldady. Oǵan Qy­zyl­orda qalasy jáne aýdandardan kelgen 3 bilim ardageri men 38 jańa­shyl muǵalim qatysty. Kezdesý barysynda Syr­darııa aýdanynan kelgen 80 jastaǵy Muqash Júsipova, 75 jastaǵy Jal­aǵash aýdanynyń muǵalimi Áltaı Pir­manov jáne qyzylordalyq 70 jastaǵy Saılaýkúl Demesinova us­taz­dyq ómirindegi ulǵatty jolyn áń­gime­lep, qyzyqty estelikterimen bólisti. Jańashyl ustazdar bilim berý júıesindegi ádister jaıynda sóz qozǵap, aımaqtaǵy bilim salasynyń ózekti máseleleri jóninde oılaryn ortaǵa saldy. – Baýyrjan Momyshulynyń «Bolashaqtyń basshysyn da, danasyn da, ǵalymyn da ustaz ósiredi. О́mirge urpaq bergen analardy qalaı ardaqtasaq, sol urpaqty tárbıeleıtin ustazdardy da solaı ardaqtaýǵa mindettimiz» degen qanatty sózi bar. Jas urpaqtyń boıyna jaqsy qasıetterdi, Otanǵa degen súıispenshilikti darytyp, ómirdiń qyr-syryn tanytatyn, ardaqty ustazdar, sizdersizder. El Táýelsizdiginiń 25 jyldyǵynda ustaz eńbegin erekshe baǵalap, atap ótýdi zańdylyq dep bilemin. Me­reıli merekelerińiz qutty bolsyn, – degen aımaq basshysy ardager-us­tazdardy marapattap, baǵaly syılyqtar tabystady. Sondaı-aq, oblys ákimi bilim berý salasynyń jańashyl maman­daryn quttyqtap, arnaıy syı-sııa­pattarmen marapattady. Kezdesý sońynda marapattalǵan ustazdar qaýymy aımaq basshysyna alǵysyn bildirdi. Sondaı-aq, ustazdar merekesiniń aıasynda Nartaı Bekejanov atyn­daǵy Qazaq mýzykalyq drama teatrynda «Qaldyrǵan iziń máńgilik...» taqyrybynda saltanatty shara ótti. Jıynda oblys ákimi Qyrymbek Kósherbaev aldymen aımaqtaǵy bilim salasyndaǵy aýqymdy ju­mystarǵa toqtalyp, muǵalimderdi merekelerimen quttyqtady. – Sońǵy tórt jylda Qyzyl­orda oblysynda bilim berý salasynyń bıýdjeti eki esege artty. Bıylǵy jyldyń ózinde bilim berý salasyna oblys bıýdjetiniń 38 paıyzy, naqtyraq aıtsaq, 75 mıllıard teńge bólindi. «Ser­pin» baǵdarlamasy boıynsha 3 829, Reseıdiń úzdik joǵary oqý oryn­daryndaǵy 390 tú­lektiń Syr eliniń jastary ekendigi bizdi qýantady. Bilim berýdi tárbıemen jańasha ushtastyryp, onyń sapasyn kóterý – mártebesi bıik, mańyzy zor, jalpyulttyq múdde. Sol uly iste abyroılaryńyz as­qaq bolsyn, mártebeli ustazdar, – dedi Qyrymbek Eleýuly. Sonymen qatar, «Úzdik mu­ǵalim-2016» atalymy boıynsha M.Mámetova atyndaǵy gýma­nı­­tarlyq kolledjdiń muǵalimi Gúljaına Ábıeva, daryndy bala­larǵa arnalǵan №4 mekteptiń muǵa­limi Shahızat Beısenova, №3 mektep-gımnazııanyń muǵalimi Sal­tanat Tájetaeva jáne Nazarbaev Zııatkerlik mektebiniń muǵali­mi Jadyra Ájibaeva 2 mıllıon teńgege ıe boldy. Aıta keteıik, oblysta jalpy orta bilim beretin mektepterde barlyǵy 18 423 muǵalim qyzmet etedi. Onyń ishinde birinshi jáne joǵary sanatty muǵalimderdiń úlesi 45,5 paıyzdy quraıdy. Erjan BAITILES, «Egemen Qazaqstan» QYZYLORDA