Ulttyq quramany jattyqtyrýǵa daıynmyn – E.Zankoves

Qurlyqtyq hokkeı lıgasynda el namysyn qorǵaıtyn Astananyń «Barysy» bıylǵy maýsymdy ala-qula bas­tady. Tipti alǵashqy úsh oıynda qarsylastaryna jol berip, jankúıerlerin biraz jabyrqatyp alǵan bolatyn. Osydan keıin klýb basshy­lyǵy Andreı Nazarovtyń ornyna bas jattyqtyrýshy etip Belarýs mamany Edýard Zankovesti taǵaıyndady. Taıaýda jańa jattyqtyrýshyǵa kókeıimizde júrgen keıbir suraqtardy qoıǵan edik. – Edýard Konstantınovıch, sizdiń «Barys­qa» kelgenińizge bir aıdyń júzi boldy. Oıyn­shylar­men til tabysyp úlger­dińiz be? – Alǵashqy kúnnen bastap oıyn­­shylarmen, komandanyń lı­­der­­lerimen jaqyn tanysyp, ara­lasýǵa erekshe kóńil bóldim desem, qatelespeımin. Buǵan meniń aǵylshyn tilin bilýim de oń áserin tıgizdi. Sondyqtan bul máselede esh­qan­daı kedergi bolǵan joq. Bar­lyǵy meniń kóńilimnen shyqty. Tipti, búginde aldaǵy baǵyt-baǵ­dary­­myzdy da aıqyndap aldyq. Qazir sol oılaǵanymyzdy júzege asyrý úshin jumys isteý­demiz. Basty maqsatymyz – lıga­nyń pleı-off kezeńine shyǵý. Bul – klýb bas­shy­lyǵynyń da aldymyzǵa qoıyp otyrǵan mindeti. – Qansha degenmen, komandany jańa maý­symǵa basqa maman daıyndady. Bul kóz­degen maq­satyńyzǵa qol jetkizýge keder­gisin tıgizedi dep oılamaısyz ba? – Árıne, kez kelgen jat­tyq­ty­rý­shynyń jańa maýsymǵa komandasyn óz taktıkasy, óz tá­sili boıynsha daıyndaǵysy ke­le­tini túsinikti. Alaıda, olardyń osylaı orta joldan qosylýy – jıi kezdesetin jaǵdaı. Sondyqtan biz árdaıym daıyn bolýymyz kerek. Sondaı-aq, ol komandanyń sol maýsymdaǵy nátıjesine tolyǵymen keıin kel­gen jattyqtyrýshy ǵana jaýap beretini túsi­nik­ti. Demek, men «Barysqa» kelerde osyndaı jaýap­ker­shilikterdi sezine otyryp sheshim qabyldadym. – Ázirge týrnır kestesinde kósh sońyn­da kele jatyrsyzdar. Bul jaǵdaı psıho­logııa­lyq turǵyda oıynshylarǵa keri áserin tıgizbeı me? – Dál qazir men týrnır kes­tesine qarap júrgen joqpyn. Oǵan ýaqytym da joq. О́ıtkeni, biz­diń qazir­gi basty mindetimiz – óz oıyn órnegimizdi taýyp, sony jetil­dirý. Búginde osy baǵytta ter tó­gý­­de­­miz. Kóńil qýantarlyǵy sol, al­ǵash­­qy sátke qara­ǵanda, komanda­myz oıynynda oń óz­geris­­ter baı­­qal­a­dy. Buǵan oıynshylardyń óz ist­erine degen adaldyǵy men jat­tyqtyrýshylar qura­­my­­nyń bilik­tiligi kóp septigin tıgizý­de. Qazir maý­symnyń tek basy ǵana. Alda áli talaı oıyn bar. Sondyqtan, týr­nır kestesindegi jaǵ­­daıy­­­myz­dy jaq­sartýǵa múmkindik mol dep esepteı­min. – Sizdiń «Avangardtyń» jat­tyq­tyrýshysy retinde «Barys­pen» birneshe ret kezdes­kenińiz­di jaqsy bilemiz. Ásirese, 2014-2015 jylǵy maýsymnyń pleı-off kezeńindegi tartysty jankúıerler áli umyta qoı­ǵan joq. Biraq sodan beri «Barys» sapynda aıtarlyqtaı ózge­ris­ter boldy. Sonyń ishinde bıyl birqatar jańa oıynshy kel­di. Olardyń keıbiri eresekter sapyna endi qosylǵan jas hokkeı­shiler. Buǵan qatysty ne deısiz? – «Chıkago Blek Hoýks» komandasynda skaýt retinde jumys istegenimde osy Qurlyqtyq hokkeı lıgasyna jaýapty boldym. Sol kezde «Barystyń» oıyn júıesi qalyptasqan, aýyzbirshiligi kúshti, óte jaqsy komanda ekenin baıqadym. Komandada kez kelgen sátte sheshim qabyldaı alatyn, ásirese oıynshy basymdyǵyn sátti júzege asyratyn sheber hok­keıshiler jetip-artylady. Alaıda, bıylǵy maýsymda klýb quramy biraz jańarǵan. Arasynda jas, tájirıbesi az oıynshylar da bar. Keıde mundaı joǵary deńgeıdegi saıystarda bul úlken qatelik bolyp sanalatyny jasyryn emes. О́ıtkeni, kásibı biliktiligi joǵary, tájirıbesi mol oıynshylarmen oń nátıjege jetý ońaıyraq. – Búginde maýsym basynda komanda quramynda bolmaǵan Talǵat Jaılaýov, Martın Sen-Per syndy oıynshylar qaıtadan qatarǵa qosylyp jatyr. Osyǵan qarap, kezinde Andreı Nazarovtyń nazarynan tys qalǵan Konstantın Rýdenko, Maık Landın men Mıhaıl Rah­manovtyń da oralýy múmkin deýge bola ma? – Meniń bilýimshe, búginde Maık Landın Shveı­sarııanyń komandasynda oınaıdy. Son­dyqtan jýyq arada onyń orala qoıýy ekitalaı. Al Mıhaıl Rahmanov týraly naqty esh nárse aıta almaımyn. О́ıtkeni, ol qazir О́skemenniń «Torpedosynda» ter tógip júr. О́kinishke qaraı, «Barys» pen «Torpedonyń» oıyn kestesiniń uqsastyǵyna baılanysty ol komandanyń kezdesýlerin qaraýǵa múmkindik bolar emes. – Bizde ádette «Barys» pen Qa­zaq­stan ulttyq quramasyn bir maman jattyqtyratynyn bilesiz... – Osyǵan deıin mundaı táji­rı­beni eshqashan qoldamaǵan edim. Alaıda, «Barys» hokkeı­shileri­niń toqsan paıyzy Qazaqstan ulttyq qurama­syn­da oınaıtynyn eskersek, buǵan kelisýge bo­lady. Bul másele Qazaqstan hokkeı federasııasy at­qarý­shy komıtetiniń kezekti otyrysynda sheshi­ledi dep kútilýde. Al másele maǵan qatysty bol­sa, men eki mindetti qatar alyp júrýge daıynmyn. – Áńgimeńizge rahmet. Jumy­syńyzǵa sáttilik tileımiz. Áńgimelesken  Elaman QOŃYR ASTANA