01.03: Apta aıshyqtary

Ulttyń basyna túsken náýbet zamanda anasymen О́zbek­standaǵy naǵashylarynyń qolyna ótken Sabyr Raqymovty kópke deıin kórshi ózbek halqy menshiktep kelgen. Ult asyly óz elinde ardaqtalýy kerek. Jaqynda onomas­tıka­lyq komıtettiń usynysymen qala ortalyǵyndaǵy Sharaf Rashıdov kóshesi endi Sabyr Raqymov kóshesi bolyp ózgerdi. Qala ákimi A.Jetpis­baevtyń osy sheshimine turǵyndar razylyqtaryn bildirip jatyr.

Baqtııar TAIJAN. Shymkent. 

EÝROPA О́KILDERI  О́ŃIRDE BOLDY. Eýropa qurlyǵyndaǵy eń úlken saıası partııa sanalatyn Halyqtyq partııa delegasııasy Qaraǵandyǵa arnaıy kelip, oblystaǵy partııalar men qozǵalystar, úkimettik emes uıymdar jetekshilerimen kezdesti. Meımandardy oblys ákimi Serik Ahmetov qabyldap, aımaqtyń ekono­mıkalyq-áleýmettik jaǵdaıymen tanystyrdy. Delegasııa músheleri Qazaqstanda qandaı ıgilikti jumystar atqary­lyp jat­qanynan habardar ekendigin aıtty. Eýropanyń 26 eliniń 45 saıası par­tııasy ujymdyq múshe retinde tartylǵan uıymnyń memleketter ara­syn­daǵy baılanysty nyǵaıtý, demokratııalyq úrdisterdi tereńdetý baǵy­tyn­daǵy is-sharalary baıandaldy. Aldaǵy ýaqytta mun­daı kezdesýlerdi jıirek ótkizip turýǵa nıet bildirildi.

Aıqyn NESIPBAI. Qaraǵandy. 

ÁŃGIME О́ZEGI – QAZAQSTANDYQ ÚLES.  Oblystyq ákimdik, «Nur Otan» HDP-nyń oblystyq fılıaly jáne «NADLoG» jergilikti úlesti damytý jónindegi ulttyq agenttigi» AQ Elba­synyń jáne Úkimettiń taýarlardy, jumystardy jáne qyzmetterdi satyp alý­daǵy qazaqstandyq úlesti arttyrý boıynsha tapsyrmalaryn júzege asy­rý aıasynda qazaqstandyq úlesti damytýǵa arnalǵan aımaqtyq forým ótkizdi. Forýmda kompanııalardyń kelisim-sharttardy oryndaý, «Tabıǵat paıdalaný operasııalaryn júrgizý jáne olardy óndirý kezinde paıdalanylatyn taýarlar, jumystar jáne qyzmetter  tizimi» aqparattyq júıesiniń erekshelikteri, qazaqstandyq úlesti esepteý ádistemesin jetildirý máseleleri  tal­qylandy. Aımaqtyq forým sheńberinde taýar óndirýshilerdiń kór­mesi uıymdastyryldy. Kórmede 40 kásiporyn óz taýarlaryn, qyz­metterin usyndy.

Satybaldy SÁÝIRBAI. Aqtóbe oblysy. 

AITBAEVTAR ÁÝLETINIŃ ÁN KEShI. Qyzyljar óńirinde Táýelsizdiktiń  20 jyldyǵyna arnalǵan mádenı sharalar bastalyp ketti. Onyń  shymyldyǵyn  Aıtbaevtar áýleti ashty. Bul ónerpaz otbasyny respýblıka jurtshylyǵy jaqsy tanıdy. Aǵaıyndy Erbol, Janat, Talǵat, Qaırat – án men kúıden túrli konkýrstardyń laýreattary. Astanadaǵy óner akademııasynyń túlegi, Qaırat Baıbosynovtyń shá­kirti Janat 7 jyldan beri Maǵjan elinde qazaqtyń dástúrli ánin talmaı na­sıhattap keledi. Osy jyldar ishinde «Shabyt» halyq­aralyq fes­tı­vali­niń laýreaty atanyp, Estaı Berkimbaev atyndaǵy I respýblıkalyq baı­qaýdyń júldesin jeńip aldy. Ol óziniń alǵashqy shyǵarmashylyq keshin bıyl keńinen atalyp ótetin el mereıtoıyna arnady. О́nersúıer qaýym qaıta-qaıta qol soǵyp, oǵan úlken qoshemet kórsetti.

О́mir ESQALI. Soltústik Qazaqstan oblysy. 

EKOLOGIIаLYQ AǴARTÝ ORTALYǴY. Atyraýda «Aqjaıyq» memlekettik tabıǵı rezervaty jumys jasaǵaly kóp  bola qoıǵan joq. Degenmen, mundaı rezervattyń qajettigi baıqalyp otyr. О́ıtkeni, rezervat dırektory Elemes Rahmetovtiń aıtýynsha, jurtshylyqtyń ekologııalyq mádenıetin arttyrýǵa basym baǵyt berilgen. О́tken aptada rezervat basshylyǵy Jaıyq-Kaspıı sý basseıniniń saǵalyq atyraby men jaǵalaýynda balyq sharýashylyǵyn turaqty damytý strategııasyn  jurtshylyqqa tanystyrdy. Bul basqosýda erekshe qorǵalatyn tabıǵı aýmaqta ekologııalyq týrızmdi damytýdyń perspektıvalary men prob­lemalary da qozǵaldy. «Qazir Atyraý jáne Batys Qazaqstannyń ekolo­gııa­lyq aǵartý ortalyǵyn ashýdyń jumystary qolǵa alyndy. Maqsat – erekshe qorǵalatyn aımaqtardy, sırek kezdesetin ań-qustardy qorǵaýdy barynsha keńinen nasıhattaý», deıdi rezervat dırektory Elemes Rahmetov.

Joldasbek ShО́PEǴUL. Atyraý oblysy. 

Týberkýlezben kúres toqtamaıdy. Densaýlyq jáne salamatty ómir salty ortalyǵy oblysta  «Týberkýlezben kúres toqtamaıdy!» degen atpen qurt aýrýyna qarsy keń aýqymdy aksııa bastady.  О́ıtkeni, osy  juqpaly dertke qarsy jumys qansha kúsheıtilgenimen, ony birjolata joıý múmkin bolmaı otyr. Dárigerler  men mamandar aksııa sheńberindegi semınarlar men paıdaly keńester berý jumystaryn jastardan bastady. О́ıtkeni, balalar men eresekterge qaraǵanda jasóspirimder osy  qaýipti dertpen kóp aýyrady. Dári­ger­ler jastarǵa juqpaly aýrýǵa qarsy kútiný, onyń belgilerin der ýa­qy­tynda anyqtaý jóninde keńester berdi. Oblystaǵy týberkýlezge qarsy emdeý oryn­d­arynyń jumysymen tanystyrdy. Aksııa bir aı boıy ja­lǵasatyn bolady.

Názıra JÁRIMBETOVA. Qostanaı. 

APALY-SIŃLILER AÝYLǴA BARADY. О́tken aptada oblys ortalyǵyndaǵy memlekettik pedagogıkalyq ıns­tıtýtta jas mamandardy aýylǵa shaqyratyn baǵdarlama aıasynda  oqý or­ny men aýdandar ákimdikteri arasynda kezdesýler bastaldy. Alǵashqy bolyp qala irgesinde turǵan Pavlodar aýdany ókilderi keldi. Árıne, qala irgesinde turǵan aýyldarǵa barýǵa jastar yntaly. Aýdannyń 4 stýdenti ákim grantymen bilim alýda. Byltyr bul aýdanǵa 53 jas maman barsa, bıyl da dáriger, muǵalim, mal mamandary qajet kórinedi. Solardyń ara­synda   muǵalim mamandyǵy  dıplomyn alatyn apaly-sińlili Nursulý, Kún­sulý Qaıyrbekovalar ózderi týyp-ósken osy aýdanǵa barmaqshy.

Farıda BYQAI. Pavlodar.