Almatylyqtar shetelde emdelýge jylyna 500 mln dollar jumsaıdy - Baıbek

Almatylyqtar shet elde em alý úshin jylyna 500 mln dollar jumsaıdy. Bul týraly qazaqstandyq-vengrııalyq bıznes-forýmda Almaty ákimi Baýyrjan Baıbek aıtty, dep habarlaıdy QazAqparat tilshisi. «Densaýlyq saqtaý aýqymdy sala, óıtkeni almatylyqtar shet elde em alýǵa jylyna 500 mln dollar jumsaıdy», - dedi Baýyrjan Baıbek. Qala basshysy Almatyda 50 shıpajaı, úlken klınıkalyq-aýrýhanalyq áleýet bar ekenin aıtyp, majarstandyq kásipkerlerdiń nazaryn osy salaǵa aýdarýǵa shaqyrdy. Sonymen qatar, ákim medısınalyq týrızmdi damytýǵa kóńil bólingeli otyrǵanyn aıtty. «Bizge shet elden ota jasatýǵa keletinder jeterlik. Sebebi, bizde AQSh-tan arzan», dedi qala basshysy. О́z sózinde Baýyrjan Baıbek majar kásipkerlerin Almatyǵa kelip, kásip ashýǵa shaqyryp, atqarýshy bılik tarapynan barlyq jaǵdaı jasalatynyn aıtty. Onyń aıtýynsha, qala bıligi shahardy Turǵyn-úı kommýnaldyq sharýashylyq, transport, qaýipsizdik salasynda ınnovasııalyq, «aqyldy qala» jasaýǵa yntaly ekenin, sonymen qatar, elektr qýatyn únemdeý tehnologııasyna kóńil bólinip jatqanyn jetkizdi.