Qanat Islamnyń qarsylasy qazaqstandyq tilshilerge suhbat beredi

20 qazan kúni kásipqoı boksshy Qanat Islamnyń qarsylasy Patrık Alloteı Almatyǵa keledi, dep habarlaıdy Egemen-aqparat. Almaty qalalyq dene tárbıesi jáne sport basqarmasynyń aqparatyna sáıkes, Patrık Alloteı men onyń komandasy 20 qazan kúni Almatyǵa keledi. Al 21 qazan kúni saǵat 11:00-de «Suńqar» halyqaralyq tramplın kesheninde baspasóz maslıhaty ótedi. Onda Qanat Islam men Patrık Alloteı tilshilerdiń barlyq suraqtaryna jaýap beretin bolady. Esterińizge sala keteıik, 29 qazanda Almatyda «Almaty arena» sport kesheninde Qanat Islam men Patrık Alloteıdiń jekpe-jegi ótedi. Qanat Islam óziniń «WBA fedelatin» chempıondyq belbeýin qorǵap, jartylaı orta salmaqta «WBO intercontinental» tujyrymynyń chempıondyq belbeýi men «UBC» tujyrymynyń álem chempıony ataǵy úshin judyryqtasady. Qanat Islam osy ýaqytqa deıin  21 kezdesý ótkizip, bárinde jeńiske jetken. Onyń 18-in nokaýtpen utqan. Sportshynyń laqap aty - «Qazaq». Qarsylasy - ganalyq boksshy Patrık Alloteı. Ol kásipqoı boksta osy ýaqytqa deıin 36 kezdesý ótkizip, ekeýinde ǵana utylǵan, qalǵan jekpe-jekterin jeńispen aıaqtady. Sondaı-aq 24 kezdesýinde qarsylastaryn nokaýtpen utqan. «Qarsylasym osal emes. Ol da «jeńsem» degen nıetpen kele jatyr. Biraq, men kásibı rıngte alǵash ret óz elimizde jergilikti jankúıerler aldynda sharshy alańǵa shyqqaly otyrmyn. Men olardy uıatqa qaldyrmaımyn dep oılaımyn. Almatyda kúndiz-túni jattyǵyp jatyrmyn. Qazir jumys josparym bári oıdaǵydaı», - degen bolatyn Qanat Islam. Aıta keteıik, «Almaty arena» sport kesheninde ótetin atalmysh keshte óziniń kásibı bokstaǵy alǵashqy kezdesýin álem chempıony, Rıodaǵy Olımpıada oıyndarynyń qatysýshysy Jánibek Álimhanuly da ótkizedi. Sonymen qatar el namysyn Janqosh Turarov, Rýslan Myrsataev, Alı Ahmetov, Aıdar Sháribaev, Aıdos Erbosynuly qorǵaıtyn bolatyn. Boks keshine bıletter baǵasy 1 myńnan 10 myń teńgege deıin.