Qyzylordada sheteldik maman shubat týraly dáris oqydy

«Agrobiliktilik ortalyǵy» JShS túıe sharýashylyǵy jónindegi úsh kúndik semınarynda otandyq jáne sheteldik sarapshylar teorııalyq-tájirıbelik sabaqtar ótkizdi. Bul týraly Qyzylorda oblysy kásipkerler palatasyna habarlaıdy. Shara barysynda BUU janynan qurylǵan aýyl sharýashylyǵy kásiporyndarynyń túıe sharýashylyǵy jónindegi halyqaralyq deńgeıdegi sarapshysy Bernard Faıe, ál-Farabı atyndaǵy QazUÝ bıotehnologııa kafedrasynyń oqytýshysy, phD doktory, professor Gaýhar Qonysbaeva jáne Qazaq ulttyq argarlyq ýnıversıtetiniń bıotehnologııa jáne taǵam qaýipsizdigi kafedrasynyń meńgerýshisi Ásııa Serikbaeva syndy mamandar dáris oqydy. Semınarda mamandar túıe sharýashylyǵymen jáne túıe sútin qaıta óńdeýmen aınalysatyn fermerler men kásiporyndardy túıe sútin qaıta óńdeý tehnologııasymen tanystyryp, keńester berdi. Semınar qorytyndysy boıynsha qatysýshylarǵa sertıfıkattar tabystaldy. «Oblysta ósimdik sharýashylyǵy boıynsha 24 semınar, mal sharýashylyǵy boıynsha 9 semınar ótkizý josparlanǵan. Statıstıka departamentiniń málimeti boıynsha, oblysta 40 myńdaı túıe bar eken. Semınardy osy baǵyt boıynsha qyzyǵýshylyq tanytýshy tulǵalarǵa aqparat berý, sondaı-aq jańa ǵylymı bilimderdi jetildirý, óndiriste jańa tehnologııalardy paıdalaný maqsatynda «Atameken» UKP ótkizýde. Sondaı-aq «Agrobiliktilik ortalyǵy» JShS janynan qurylǵan www.fermers.kz saıty men 88000808010 telefon nómiri jumys istep tur. Onda aýyl sharýashylyǵy taýarlaryn óndirýshiler barlyq mazalap júrgen suraqtaryna jaýap ala alady», - dedi Kásipkerler palatasy jobalardy súıemeldeý bóliminiń sarapshysy Alma Pirmanova.