ShQO Qatonqaraǵaı aýdanynda Eýropalyq odaqtyń «Altyn Altaı - bizdiń óńirimizdiń baılyǵy» jobasy aıasynda «Altyn Altaı» biregeı baǵdary ashyldy. Bul baǵdar týrısterge, týrıstik operatorlarǵa jáne saıahatty jan súıetinderge arnalyp jasalǵan jáne paıdalanýǵa daıyn.
QazAqparat tilshisiniń habarlaýynsha, aqparattyq ortalyqtyń erejesi boıynsha, bir qonaq úıden ekinshi qonaq úıge, bir aýyldan ekinshi aýylǵa aýysyp, jolaı tabıǵı, mádenı jáne tarıhı jádigerlermen tanysý múmkindigi bar. Kórshiles ornalasqan «Samaı» (О́skemennen 390 shaqyrym) nemese «Iаsnaıa polıana» qonaq úılerinen О́ril aýylyndaǵy «Isataı» nemese «Shákárim» qonaq úılerine kelýge bolady, ary qaraı Vera Klımovanyń omartasyna nemese Qaıyńdy aýylyndaǵy qonaq úıler kórinip tur.
Ár qonaq úıdiń ózindik ereksheligi bar jáne týrısterge usynatyn ártúrli qyzmetter jıyntyǵyna ıe. Odan bólek, qonaq úı ıeleri atpen nemese jaıaý serýen, Berel qorǵandaryna, Iаzevoe kóline nemese Rahmanov bulaqtaryna radıaldy ekskýrsııalar uıymdastyra alady. Aıtpaqshy, jýrnalıster men týrıstik fırma ókilderi osy baǵyttyń alǵashqy týrıster toby boldy.
Qonaq úıler týrısterge qonaq úı keshenderine balama bıýdjettik baǵa usynady. Sondaı-aq osy baǵyt arqyly Qatonqaraǵaı jerinde jyldan-jylǵa damyp kele jatqan maral sharýashylyǵymen, aýyl sharýashylyǵymen, ata-babalardyń ómir saltymen tanysýǵa múmkindik beredi. Mundaı usynysty eshqandaı «juldyzdy» qonaq úı bere almaıdy.
Jergilikti sheberlermen tanysý aýyl týrızmin damytýdyń basty alǵysharty jáne mundaı shyǵarmashyl sheberler Qatonqaraǵaı aýdanynda bar.
О́skemennen Úlken Naryn aýylyna kele jatyp, Qaınysh Mánkeıqyzyna, al Eńbek aýylynda Gúlnar Qojamjarovaǵa qonaqqa barýǵa bolady. Sheberler ejelgi qazaq óneri «keste», shıden jasalǵan sándik kilemsheler, kıiz ben júnnen buıym jasaý boıynsha sheberlik saǵattaryn ótkizedi jáne qonaqtarǵa kádesyılar tartý etedi.
«Altyn Altaı» baǵdary boıynsha otbasymen tabıǵatta demalýdy qup kóretinder, avtokólik, motosıkl, velosıpedpen saıahattap júrgender saıahattaı alady jáne oqýshylar men zeınetkerlerge tanymdyq týr ótkizýge bolady.
