Turǵyn úıler qurylysynyń 90%-y aıaqtaldy

EKSPO-2017 halyqaralyq mamandandyrylǵan kórme aýmaǵyndaǵy turǵyn úılerdiń qurylysy 90 %-ǵa aıaqtaldy. Keshe «Báıterek» ulttyq basqarýshy holdıngi» AQ basqarma tóraǵasy Erbolat Dosaev qurylys barysymen tanysty.   «Báıterek» holdıngi óziniń en­shiles uıymy «Báıterek develo­p­ment» AQ arqyly Astana qalasynda EKSPO-2017 halyqaralyq maman­dandy­rylǵan kórme aýmaǵyndaǵy tur­ǵyn úılerdiń, saýda-oıyn-saýyq orta­ly­ǵynyń qurylysyn ınvestısııalaıdy. Aýdany 107 myń sharshy metr (1374 páter) 42 turǵyn úı salyndy. Úılerge syrtqy jáne ishki jeliler jetkizildi, páterlerdi ishki árleý, úılerdiń qasbetterin árleý aıaqtaldy, aýmaqty kóriktendirý jumystary júrip jatyr. Turǵyn úı keshenderinde parkıngter, sondaı-aq, kommersııalyq úı-jaılarǵa arnalǵan aýdandar kózdelgen. Qurylys-montaj jumystary kestege sáıkes júrgizilýde. Halyqaralyq mamandandyrylǵan kórmeni ótkizý kezinde páterler halyq­aralyq qatysýshylardy ornalastyrý úshin kórmeniń uıymdastyrýshylaryna jalǵa beriledi. Kórme aıaqtalǵannan keıin naryq talaptaryna sáıkes tur­ǵyn úıler satýǵa shyǵarylatyn bolady. Jalpy aýdany 138 myń sharshy metrdi quraıtyn saýda-oıyn-saýyq ortalyǵynyń qurylysy aıaqta­lyp qaldy. Syrtqy kommýnıkasııa­lar jetkizildi, ishki jelilerdi salý, ǵımarattyń ishki jáne syrtqy árle­nýi, sondaı-aq, irgeles aýmaqty kórik­tendirý jumystary júrip jatyr. Turǵyn úı nysandary men saýda-oıyn-saýyq ortalyǵyn paıdalanýǵa berýdiń boljamdy kúni – 2016 jylǵy 1 jeltoqsan. Nysandardy salý kezinde 3,7 myń jumys orny quryldy. Osy ny­­sandar paıdalanýǵa berilgennen keıin shamamen 2,5 myń adam turaqty ju­myspen qamtamasyz etiletin bolady. «Báıterek» holdınginiń enshiles kompanııasy «Báıterek development» AQ qarjylandyratyn taǵy bir nysan – bul «Aýra» bıznes ortalyǵy. Jalpy aýdany 38 086 sharshy metr iskerlik keshen EKSPO-2017 kórmesiniń janynda ornalasqan. 2018 jylǵy 1 toqsanda paıdalanýǵa beriledi dep kútilýde. Arnur ASQAR, «Egemen Qazaqstan»