Yqpaldastyqqa yntaly sapar

Májilis Tóraǵasy Nurlan Nyǵmatýlın bastaǵan Parlament ókilderi resmı saparmen Fınlıandııa Respýblıkasyna bardy, dep habarlady Májilistiń baspasóz qyzmeti.  Helsınkı qalasynda qazaq­stan­dyq májilismender Fınlıandııa Parlamentiniń Spıkeri Marııa Lohe­lamen kelissózder júrgizdi jáne saýda-ekonomıkalyq yntymaq­tastyq jónindegi Qazaqstan Fın­lıan­dııa parlamentaralyq komıssııa jetekshilerimen kezdesip, «Ota­nıe­mı» tehnoparkine bardy. N.Nyǵmatýlınniń aıtýynsha, Elbasy Nursultan Nazarbaevtyń eń damyǵan 30 eldiń qataryna kirý jo­lyndaǵy aýqymdy reforma­laryn júzege asyrý baǵytynda fın­lıan­­dııalyq áriptesterdiń ınnova­sııalyq damýdy zańnama­lyq qamtamasyz etý, bilim salasyn jetildirý, aqparattyq-kom­mý­nı­ka­sııalyq teh­­no­logııany damytý, ǵylymı jáne isker ortamen yq­pal­dastyq salasyn­daǵy tájirıbeleri óte mańyzdy. M.Lohelamen áńgime barysynda Májilis Tóraǵasy ekijaqty qarym-qatynasty turaqty nyǵaıtý jolyndaǵy ózara baılanys óte joǵary deńgeıde qarqyn alyp kele jatqanyn atap ótti. M.Lohela óz kezeginde qos memlekettiń áriptestigin joǵary baǵalaı kele, parlamenttik komıtetter arqyly yqpaldastyqty arttyra túsýge yntalylyq bildirdi. Májilis Tóraǵasy halyqaralyq par­lamenttik uıymdar aıasynda kún tár­ti­bindegi ózekti máselelerdiń sheshi­min tabý jolynda da kúsh-jigerdi úı­les­tirýge daıyn ekendigin bildirdi. Qazaqstan Táýelsizdiginiń 25 jyl­dy­ǵy jáne keler jyly Fınlıandııa táýel­sizdiginiń 100 jyldyǵy, sonymen birge, dıplomatııalyq qatynas ornaǵanyna 25 jyl to­latyn ataýly kúnderdi alǵa tart­­­qan Má­jilis Tóraǵasy áriptesin biz­diń eli­mizge resmı saparmen kelýge shaqyr­dy. Fınlıandııa bıznes ókilderimen kez­desý barysynda óndirisshiler kon­fe­dera­sııasy, fın eksportyna yqpal­das­tyq, tehnologııa men ınnovasııany qar­jylandyrý jónindegi ókildermen kezdesti. Júzdesý barysynda eki memlekettiń ekonomıkalyq ózara is-qımylyn keńeıtý máseleleri talqyǵa salyndy. N.Nyǵmatýlın óz sózinde  Qazaqstan Prezıdenti Nursultan Nazarbaev usyn­ǵan «qazaqstandyq damý jolynyń» erek­shelikteri týraly baıandady. Májilis Tóra­ǵasy atap ótkendeı, Qazaqstanda táýel­sizdik alǵan jyldar ishinde IJО́ dollar­men eseptegende 20 ese, ortasha jalaqy 17 ese artyp, 2 mln jumys orny ashyldy. N.Nyǵmatýlın fın kompanııalaryn 2015-2019 jyldarǵa arnalǵan ın­dýs­trııa­lyq-ınnovasııalyq damý baǵdar­lama­syn birlese júzege asyrýǵa shaqyryp,  agro­ónerkásiptik keshendi jańǵyrtý sala­syndaǵy múmkindikterdi basa atap ótti. «Qazaqstanda basym baǵyttarda jumys isteıtin ınvestorlar úshin ujym­dyq tabys salyǵynan, 10 jyl merzim­ge jer salyǵynan, 8 jylǵa múliktik salyqtardan bosatý sekildi artyqshy­lyqtar qarastyrylǵan. Sonymen birge, nysandar paıdalanýǵa berilgennen keıin ınvestorlarǵa kúrdeli shyǵyndardyń 30 paıyzy qaıtarylady. Sondaı-aq, ótken jyly álemniń 35 eli boıynsha ınvestorlar úshin vızasyz rejimniń tizimi keńeıtildi. Keler jylǵa deıin ol tizimniń kólemi 54 elge deıin jetýge tıis. Olardyń qatarynda Fınlıandııanyń da bar ekeni óz-ózinen túsinikti», dep atap ótti N.Nyǵmatýlın. Tóraǵa atap ótkendeı, halyqaralyq sarapshylardyń moıyndaýynsha, álem boıynsha úzdik fıskaldyq saıasattyń biri Qazaqstanda. Dúnıejúzilik Bank «Doing Business» reıtınginiń (bıznesti júrgizýdiń jeńildigin anyqtaıtyn reıtıng) kórsetkishi boıynsha Qazaqstan 41-orynǵa kóterilgen. «Salyq salý» kórsetkishi boıynsha 189 memlekettiń ishinde 18-orynda. Májilis Tóraǵasynyń aıtýynsha, Qa­zaq­stan EKSPO-2017 halyqaralyq kórmesine fın áriptesteriniń qatysýyn asyǵa kútedi. Sebebi, Fınlıandııa – Sol­tústik Eýropa elderiniń qataryn­da Qa­zaq­stannyń negizgi saýda-ekono­mı­kalyq árip­testeriniń biri. Bul memleket ınves­tısııa kólemi boıynsha Soltústik Eýropa elderi arasynda ekinshi orynǵa ıe. Qazaqstanda energetıka, telekommý­nıkasııa, kólik, ken orny, aýyl sharýa­shylyǵy, saýda, basqa da salalar boıynsha 70-ke taıaý fınlıandııalyq kompanııalar jumys isteıdi. Aıta keteıik, Qazaqstan Fınlıan­dııanyń Ortalyq Azııadaǵy eń iri saýda jáne ekonomıkalyq áriptesi. Kezdesý kezinde fınlıandııalyq iri kásipkerler Qazaqstandaǵy jumys táji­rıbelerimen bólisti. Olardyń qata­rynda taý-ken, metallýrgııa jáne munaı-hımııa salalaryna qondyrǵylar jetkizý men servıstik qyzmet kórsetýge baǵyttalǵan kompanııa ókilderi bar. Bul – qazaqstandyq kásipkerler úshin ınnovasııalyq tehnologııalarmen tany­sýdyń erekshe múmkindigi.  Sebebi, Eýro­pa boıynsha eń ınnovasııalyq aımaq ta­nylǵan ǵylymı-zertteý klasteri Fın­lıandııanyń Espoo qalasynda ornalasqan. Resmı sapar barysynda Nurlan Nyǵ­ma­týlın Helsınkı ýnıversıtetiniń stý­dentterimen jáne ustazdarymen kez­desti. Eki kúnge sozylǵan kezdesýlerdi qory­tyndylaı kele, Májilis Tóraǵasy Nurlan Nyǵmatýlın yntymaqtastyqty kúsheıtýge eki jaqtyń da ózara yntaly ekenin basa aıtty. «О́tken barlyq kezdesýler Elba­sy­myzdy jáne onyń barlyq bastama­laryn Fınlıandııada óte jaqsy bile­tinin kórsetti. Sonymen birge, Qazaq­stannyń 25 jyl ishindegi tabystaryn da óte joǵary baǵalaıdy. Osy jol­da bizdiń parlamentterdiń negizgi mindeti – eki memleket prezıdentteriniń strate­gııalyq kelisimderin sapaly zańdarmen qam­tamasyz etý», dedi N.Nyǵmatýlın.