Qazaqstan Respýblıkasynyń Ishki ister mınıstrliginiń buıryǵy №538

2010 jylǵy 31 jeltoqsan           Astana qalasy Ýchaskelik polısııa ınspektorlaryn ákimshilik ýchaske turǵyndarynyń pikirin eskere otyryp taǵaıyndaý erejesin bekitý týraly Ýchaskelik polısııa ınspektorlary jumysynyń tıimdiligin arttyrý, sondaı-aq turǵyndarmen ózara is-qımyl jasasýyn nyǵaıtý maqsatynda buıyramyn: 1. Qosa berilip otyrǵan Ýchaskelik polısııa ınspektoryn ákimshilik ýchaske turǵyndarynyń pikirin eskere otyryp taǵaıyndaý erejesi (budan ári – Ereje) bekitilsin. 2. Oblystar men Astana, Almaty qalalary ishki ister departamentteriniń bastyqtary ýchaskelik polısııa ınspektorlary laýazymdaryna taǵaıyndaý kezinde Erejeniń saqtalýyn qamtamasyz etsin. 3. Qazaqstan Respýblıkasy Ishki ister mınıstrliginiń Ákimshilik polısııa komıteti (I.V.Lepeha) osy buıryqty Qazaqstan Respýblıkasynyń Ádilet mınıstrliginde memlekettik tirkeýden ótkizýdi jáne onyń resmı jarııalanýyn qamtamasyz etsin. 4. Osy buıryqtyń oryndalýyn baqylaý Ishki ister mınıstriniń orynbasary, polısııa general-maıory A.V.Kýlınıchke, Qazaqstan Respýblıkasy Ishki ister mınıstrliginiń Ákimshilik polısııa komıtetine (I.V.Lepeha) jáne Kadr jumysy departamentine (Á.A.Janseıitov) júktelsin. 5. Osy buıryq alǵash resmı jarııalanǵan kúnnen bastap kúntizbelik on kún ótken soń qoldanysqa engiziledi. Mınıstr S.BAIMAǴANBETOV

Qazaqstan Respýblıkasy Ishki ister mınıstriniń 2010 jylǵy 31 jeltoqsandaǵy № 538 buıryǵymen bekitilgen

Ýchaskelik polısııa ınspektorlaryn ákimshilik ýchaske halqynyń pikirin eskere otyryp taǵaıyndaý erejesi

Jalpy erejeler

1. Osy Ereje ákimshilik ýchaske halqynyń úmitkerdi ashyq talqylaýyn eskere otyryp, ishki ister organdarynyń ýchaskelik polısııa ıns­pek­torlary laýazymyna taǵaıyndaý sharttary men tártibin belgileıdi. 2. Ákimshilik ýchaske turǵyndarynyń pikirin eskere otyryp, ishki ister organynyń ýchaskelik polısııa ınspektory laýazymyna taǵaıyndaý rásimin engizý maqsaty: qoǵamdyq qaýipsizdikti qamtamasyz etý jónindegi sharalardy ázirleý jáne iske asyrý prosesinde polısııa men halyq arasyndaǵy seriktestik qarym-qatynastardy ornatý men damytý; ýchaskelik polısııa ınspektorlarynyń aza­mat­tardyń aldynda jaýapkershiligin kúsheıtý; ishki ister organdarynyń qyzmetine degen halyqtyń senimin arttyrý bolyp tabylady. 3. Ákimshilik ýchaskeniń aýmaǵynda káme­let­ke tolǵan, turǵylyqty jeri boıynsha turaq­ty turatyn jáne tirkelgen adamdar qatarynan jergilikti qaýymdastyq jınalysynyń (jıyny­nyń) sheshimi ýchaskelik polısııa ınspektorynyń bos laýazymyna taǵaıyndaý ne bolmasa laýa­zymǵa taǵaıyndaýdan bas tartý úshin negiz bolyp tabylady. 4. Negizgi krıterııler: 1) «Qazaqstan Respýblıkasynyń Ishki ister organdary týraly» Qazaqstan Respýblıkasy Zańynyń 15-babyna sáıkestigi; 2) oń minezdeme; 3) áriptesteri men basshylyqtyń usynym­dary (keminde ekeý).

2. Ýchaskelik polısııa ınspektorlaryn taǵaıyndaý tártibi

5. Qalalyq, aýdandyq ishki ister organy (budan ári – QAIIO) kadr apparattary arqyly ýchaskelik polısııa ınspektorlarynyń bos laýazymdary jáne baıanat qabyldaý merziminiń bastalýy men aıaqtalýy týraly aqparatty jeke quramnyń nazaryna jetkizedi. 6. Ýchaskelik polısııa ınspektorlary laýa­zymyna taǵaıyndaý týraly baıanat tapsyrǵan polısııa qyzmetkerleri medısınalyq kýálan­dyrý úshin áskerı-dárigerlik komıssııalarǵa jiberiledi, sondaı-aq normatıvtik quqyqtyq aktilerdi bilýine, jaýyngerlik jáne dene shynyqtyrý daıarlyǵynyń deńgeıine synaqtan ótkiziledi. 7. Baıanat qabyldaý aıaqtalǵan kúnnen bastap on kún ótken soń kadr apparaty baıanat tapsyrǵan qyzmetkerlerdiń jeke isterin zerdeleıdi jáne QAIIO-nyń basshysyna aqparat engizedi. Organ basshysy úsh kún ishinde qyz­metkerlerdi ýchaskelik polısııa ınspektorynyń bos laýazymyna úmitker retinde bekitý týraly sheshim qabyldaıdy, ol týraly baıanat tapsyrǵan árbir qyzmetkerdi habardar etedi. 8. Ýchaskelik polısııa ınspektorynyń bos laýazymyna úmitker retinde bekitilgennen keıin kúntizbelik on kún ishinde ishki ister organynyń basshylyǵy tıisti ákimshilik aýmaqtyq birliktiń jergilikti atqarýshy organdaryna úmitkerdi ákimshilik ýchaskeniń halqymen ashyq talqylaý úshin jergilikti qaýymdastyqtyń jınalysyn (jıynyn) ótkizý qajettiligi, ony ótkizý orny men ýaqyty týraly qoldaýhat joldaıdy. О́tkiziletin jınalys pen úmitkerler týraly aqparat turǵyndardyń nazaryna túsetin jerlerge (habarlandyrýlar stend, BAQ, Ishki ister departamentiniń (budan ári – IID) saıttary jáne basqa da qoljetimdi tásilder) ornalas­tyrylady. 9. Jergilikti qaýymdastyqtyń jınalysyn (jıynyn) uıymdastyrý jáne onyń sheshimin qabyldaý jınalys (jıyn) ótkizý jáne ony «Qazaqstan Respýblıkasynyń jergilikti memlekettik jáne ózin-ózi basqarý basqarmalary týra­ly» Qazaqstan Respýblıkasy Zańynyń 39-3-ba­by 2-tarmaǵyna sáıkes oblystyq (respýb­lıkalyq mańyzy bar qalalar men elorda) máslıhattar belgileıtin sheshim qabyldaý tártibine sáıkes júzege asyrylady. 10. Jergilikti qaýymdastyqtyń jına­lysynda (jıynynda) QAIIO basshylyǵy ýchaskelik polısııa ınspektorynyń bos laýazymyna úmitkerlerdi tanystyrady, sondaı-aq ákimshilik ýchaske halqy olardyń qyzmettik tizimimen, qyzmettik minezdemelerimen tanysady. 11. Jergilikti qaýymdastyq jınalysynyń (jıynynyń) sheshimi negizinde QAIIO-nyń bastyǵy IID-niń bastyǵyna ýchaskelik polısııa ınspektoryn taǵaıyndaý týraly usynymhat engizedi. 12. Ishki ister departamentiniń bastyǵy ýchaskelik polısııa ınspektoryn laýazymǵa taǵaıyndaý týraly buıryq shyǵarady. Buıryq Qazaqstan Respýblıkasynyń Ádilet mınıstrliginde 2011 jylǵy 9 aqpanda Normatıvtik quqyqtyq kesimderdi memlekettik tirkeýdiń tizilimine №6770 bolyp engizildi.