Qazaqstan Respýblıkasy Úkimetiniń qaýlysy №33

2011 jylǵy 26 qańtar                            Astana, Úkimet Úıi Memlekettik mádenıet uıymdaryna, jekelegen kásibı kórkem jáne shyǵarmashylyq ujymdarǵa «Akademııalyq» mártebesin berý qaǵıdasy men sharttaryn bekitý týraly «Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Memlekettik mádenıet uıymdaryna, jekelegen kásibı kórkem jáne shyǵarmashylyq ujymdarǵa «Akademııalyq» mártebesin berý qaǵıdasy men sharttary bekitilsin. 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy 26 qańtardaǵy № 33 qaýlysymen bekitilgen Memlekettik mádenıet uıymdaryna, jekelegen kásibı kórkem jáne shyǵarmashylyq ujymdarǵa «Akademııalyq» mártebesin berý qaǵıdasy men sharttary 1. Jalpy erejeler 1. Osy Memlekettik mádenıet uıymdaryna, jekelegen kásibı kórkem jáne shyǵarmashylyq ujymdarǵa «Akademııalyq» mártebesin berý qaǵıdasy men sharttary (budan ári – Qaǵıda) «Mádenıet týraly» Qazaqstan Respýblı­ka­synyń 2006 jylǵy 15 jeltoqsandaǵy Za­ńyna sáıkes ázirlengen jáne memlekettik mádenıet uıymdaryna, jekelegen kásibı kórkem jáne shyǵarmashylyq ujymdarǵa «Akademııalyq» mártebesin berý tártibi men sharttaryn aıqyndaıdy. 2. Memlekettik mádenıet uıymdaryna, jekelegen kásibı kórkem jáne shyǵarmashylyq ujymdarǵa «Aka­demııalyq» mártebesin berý sharttary 2. «Akademııalyq» mártebesi óz salasynda jetekshi bolyp tabylatyn, Qazaqstan Respýb­lıkasynyń ulttyq mádenıeti men ónerin qalyptastyrýǵa, damytýǵa jáne nasıhattaýǵa eleýli úles qosqan jáne mynadaı talaptarǵa saı keletin memlekettik mádenıet uıym­da­ryna, jekelegen kásibı kórkem jáne shyǵar­mashylyq ujymdarǵa beriledi: keminde jıyrma bes jyl turaqty jáne tıimdi qyzmetti júzege asyrady; óz qyzmetinde kásibılikti, jumystyń tıimdiligi men sapasyn arttyrý úshin ınnovasııalar engizedi; talantty jas kadrlardy anyqtaýdy jáne tárbıeleýdi júzege asyrady; shyǵarmashyl qyzmetkerleriniń keminde seksen paıyzy mádenıet pen óner salasyndaǵy joǵary bilimi bar mamandardan quralǵan kásibı bilikti quramy bar; shyǵarmashyl qyzmetkerleriniń keminde jı­yr­ma bes paıyzy KSRO-nyń jáne (nemese) Qa­zaqstan Respýblıkasynyń memlekettik nagra­da­larymen marapattalǵan jáne shyǵarmashyl qyzmetkerleriniń ishinde jıyrma bes paıyzy respýblıkalyq jáne halyqaralyq konkýrstar men festıvaldardyń laýreattary men dıp­lomanttary bolyp tabylady; jańa qoıylymdardy qosa alǵanda, jylyna keminde eki júz spektakldi kórsetýdi júzege asyrady nemese jylyna keminde alpys konsert ótkizedi. 3. «Akademııalyq» mártebesin berý tártibi 3. Respýblıkalyq memlekettik mádenıet uıymdarynyń, sondaı-aq oblystardyń, res­pýb­lıkalyq mańyzy bar qalanyń, astananyń jergilikti atqarýshy organdarynyń basshy­lary mádenıet salasyndaǵy ortalyq ýákiletti organǵa (budan ári – ýákiletti organ) «Aka­demııalyq» mártebesin berý týraly qoldaýhat usynady. Qoldaýhatqa mynadaı qujattar qosa beriledi: 1) «Akademııalyq» mártebesin berýge usyný týraly memlekettik mádenıet uıymy, jekelegen kásibı kórkem jáne shyǵarmashylyq ujym qyzmetkerleriniń jalpy jınalysynyń hat­tamasynan úzindi kóshirme; 2) dıplomdarynyń kóshirmeleri qosa berilgen mádenıet pen óner salasyndaǵy joǵary bilimi bar shyǵarmashyl qyzmetkerler týraly málimetter; 3) KSRO-nyń jáne (nemese) Qazaqstan Respýblıkasynyń memlekettik nagradala­ry­men marapattalǵan shyǵarmashyl qyzmetkerler týraly málimetter; 4) Qazaqstannyń mádenıeti men óneriniń damýyna qosqan úlesin kórsetetin memlekettik mádenıet uıymynyń, jekelegen kásibı kórkem jáne shyǵarmashylyq ujymnyń qyzmeti týraly anyqtama; 5) qyzmeti týraly respýblıkalyq deń­geı­degi buqaralyq aqparat quraldarynda jáne sheteldik buqaralyq aqparat quraldarynda jarııalanǵan materıaldardyń kóshirmeleri (keminde on jarııalanym); 6) mádenıet salasyndaǵy is-sharalarǵa (respýblıkalyq jáne halyqaralyq mańyzy bar konkýrstarǵa, festıvaldarǵa) qatysqanyn jáne (nemese) júldeli oryndar alǵanyn kýálandyratyn qujattardyń kóshirmesi. 4. Qoldaýhattar aǵymdaǵy jyldyń 1 qyr­kúıegine deıingi merzimde ýákiletti organnyń meken-jaıyna jiberiledi. Kórsetilgen merzimnen keshiktirip jiberilgen qoldaýhattar kelesi jyly qaralady. 5. Qoldaýhattardy qaraý úshin ýákiletti organ arnaıy komıssııa (budan ári – Komıssııa) qurady. 6. Komıssııa kórnekti mádenıet pen óner qaıratkerlerinen qalyptasady. Komıssııanyń quramy men erejesin ýákiletti organnyń basshysy bekitedi. 7. Komıssııanyń otyrystary qajettiligine qaraı ótkiziledi jáne eger oǵan Komıssııa músheleriniń jalpy sanynyń keminde úshten ekisi qatyssa zańdy bolyp sanalady. 8. Komıssııanyń sheshimderi Komıssııa múshe­leriniń jalpy sanynyń qarapaıym kópshilik daýysymen qabyldanady. Komıssııa múshele­riniń daýystary teń bolǵan kezde tóraǵanyń daýysy sheshýshi bolyp tabylady. 9. Komıssııanyń sheshimi usynymdyq sıpatta bolady. 10. Ýákiletti organ Komıssııanyń usynysy negizinde Qazaqstan Respýblıkasynyń Úkime­tine 1 qarashaǵa deıin memlekettik mádenıet uıymdary men jekelegen kásibı kórkem, shyǵarmashylyq ujymdarǵa «Akademııalyq» mártebesin berý týraly usynys engizedi. 11. «Akademııalyq» mártebesi ýákiletti or­gannyń usynysy boıynsha Qazaqstan Respýb­lıkasy Úkimetiniń qaýlysymen beriledi.