Islamdyq qarjylandyrýǵa baıypty baǵdar

«Astana» halyqaralyq qarjy ortalyǵynyń (AHQO) delegasııa­sy Saýdııa Koroldigi Jıdda qalasynda ornalasqan Islam damý bankiniń (IDB) shtab-páterinde IDB prezıdenti D-r Bandar Muhammed Ál-Hadjarmen jáne Islam zertteý jáne oqý ınstıtýty (IRTI), jeke sektordy damytý Islam korporasııasy (ICD), Halyqaralyq ıslam saýda-qarjy korporasııasy (ITFC), Investısııa men eksporttyq nesıelerdi saqtandyrýdyń ıslamdyq korporasııasy, Halyqaralyq vakýf-qor (WWF) sekildi IDB-nyń enshiles kompanııalarynyń basshylarymen kezdesti. Kezdesýlerdiń nátıjesinde AHQO men ICD aralyǵynda О́zara túsinistik pen yntymaqtastyq týraly memorandýmǵa qol qoıyldy. Memorandým aıasynda ıslam qarjy­lan­dyrý qyzmetteri, bank isi, kapıtal naryǵy, aktıvterdi basqarý, qarjy tehnologııalary jáne adam kapıtalyn damytý boıyn­sha tájirbıemen jáne bilimmen almasý, yn­tymaqtastyqty damytý kózdelgen. Bul – bi­rlesken kásibı qarjylyq jáne aǵartý baǵ­darlamalary, zertteýler, semınarlar, kvalıfıkasııany arttyrý jáne qyzmetkerlerdi almastyrý boıynsha oqý issaparlar uıymdastyrýdy jáne yntymaqtasyp jumys isteýdi qamtıdy. ICD basshysy Haled Ál-Abýdı «Memo­ran­dýmnyń maqsaty – qarjylyq taýarlar men qyzmetterdi keńeıtý, ony jeke sek­torǵa usyný, ICD-ge múshe elderdiń ıslam qarjy qyzmetteri ındýstrııasyn damytýǵa yqpal etý arqyly AHQO-men aradaǵy qatynastardy nyǵaıtý», – deıdi. AHQO basqarýshysy Qaırat Kelimbetov «AHQO-nyń maqsaty aǵylshyn quqyǵy negizinde álemdik qarjy ortalyqtaryndaǵy halyqaralyq talaptarǵa saı Qazaqstandaǵy jáne aımaqtaǵy qarjy qyzmetteriniń damýy men ósimine yqpal etý», – dep atap ótti. Sonymen qatar, ol ıslamdyq qar­jy­landyrýy aımaqtyq ortalyq retinde jáne ıslam qarjylandyrý ınstı­týttarynyń damýy men jumys isteýi úshin jaǵymdy jaǵdaı jasaý da AHQO basty baǵyttarynyń biri ekendigine toqtaldy, dep habarlady AHQO-nyń baspasóz qyz­meti.