Úzdik áleýmettik jobalar anyqtaldy

Búgin Shymkentte «Qazaqstanda júzege asyrylatyn eń úzdik áleýmettik jobalar» kórme aıasyndaǵy baıqaý jeńimpazdary marapattaldy, dep habarlaıdy egemen.kz OQO oblysy ákiminiń baspasóz qyzmetine silteme jasap. Sharaǵa QR Densaýlyq saqtaý jáne áleýmettik damý mınıstri Tamara Dúısenova, oblys ákimi Janseıit Túımebaev, Parlament depýtattary men memlekettik organdardyń,  qoǵamdyq birlestikterdiń ókilderi qatysty. Tamara Dúısenova Qazaqstanda áleýmettik jobalardy júzege asyrýdyń kómegimen ómirdiń qıyndyqtaryna tap bolǵan 250 myńnan astam azamatqa qoldaý kórsetilgenin atap aıtty. Al Janseıit Qanseıituly elimizdegi múmkindigi shekteýli jandardyń 17 %-dyq úlesi Ońtústik Qazaqstan oblysyna tıesili ekenin  jetkizdi. Bıylǵy jyly aımaqtyq komıssııa 178 ótinishti qarastyryp, 32 áleýmettik joba irikteý kezeńiniń jeńimpazdary atandy. Júldeli oryn alǵan jobalar: 1-oryn. «Onlaın sýrdoaýdarma qyzmeti» jobasy 2-oryn. «Kókshetaý qalasynda jáne Krasnyı Iаr aýylynda turatyn, qozǵalysta qıynshylyq kóretin 1 toptaǵy múgedekterge, 18 jasqa deıingi múgedek balalarǵa úıde pallıatıvti kómek kórsetý ortalyǵyn uıymdastyrý» jobasy 3-oryn. «Adam saýdasynyń qurbandaryna arnaýly áleýmettik qyzmetter kórsetý» áleýmettik jobasy.