Qaıyrymdy jandar qamqorlyǵy

Aǵa býyn ókilderin qoldaýǵa baǵyttalǵan úlkendi-kishili sharalardan máslıhat depýtattary shet qalǵan emes. Olar aılyq barysynda turmysy tómen otbasylar men jalǵyzilikti jandarǵa 5 mıllıon teńge kóleminde materıaldyq kómek kórsetti Tegin dastarqan jaıý, azyq-túlik paketterin tapsyrý, áleýmettik muqtajdyqtaryn sheshý júıeli túrde uıymdastyryldy. Iýrıı Shol, Seıilbek Mahmetov, Erlan Alpysov, Sergeı Tımofeev, taǵy basqa halyq qalaýlylary erekshe iltıpat bildirdi. Petropavl aýyr mashına jasaý zaýytynyń bas dırektory Qýanysh Bıshimov asyraýynda balalary bar «Asyl ana» múgedek áıelderdiń qoǵamdyq uıymynyń esepshotyna 100 myń teńge aýdardy. Taıynsha aýdandyq aýrýhanasynyń bas dárigeri Anatolıı Rafalskıı medısınalyq mekemelerde «ashyq esik kúnin» ótkizip, 200-den astam adamnyń densaýlyǵyn tekserdi. Birneshe zeınetkerge tonometr syılady. Izgilik aksııa barysynda depýtattardyń bas bolýymen aýdandarda, eldi mekenderde de merekelik is-sharalar ótkizilip, soǵys ardagerleri, tyl eńbekkerleri keńinen qamtyldy. Kóp jylǵy qajyrly eńbekteri baǵalanyp, túrli tartýlar jasaldy. Zýrásh AHMETOVA, oblystyq máslıhattyń  baspasóz hatshysy Soltústik Qazaqstan oblysy