2011
*1 mamyrda Almatyda Qazaqstan halqy dostyǵynyń festıvali bastaldy. Táýelsizdiktiń 10 jyldyǵy aıasynda ótken bul sharany Elbasy Nursultan Nazarbaev ashyp, barshaǵa bereke, birlik, tatýlyq tiledi. «1995 jyldan memlekettiń mártebeli merekesi bolyp kele jatqan 1 mamyr – barshamyzdyń yntymaǵymyz ben ózara túsinistigimizdi, dostyǵymyz ben baýyrmaldyǵymyzdy jarqyratyp kórsetetin kemel kúnimiz. Qazaqstan – tatýlyǵy jarasqan shańyraq», dedi Memleket basshysy.
*6 mamyrda qazaq ǵaryshkeri Talǵat Musabaev basqarǵan «Soıýz-TM-32» korabli Jerge qaıtyp oraldy. Tikushaqpen Astana áýejaıyna jetkizilgen ekıpaj múshelerimen Elbasy Nursultan Nazarbaev kezdesti. Ekıpaj quramynda bort ınjeneri Iýrıı Batýrın men tuńǵysh ǵaryshker-týrıst Dennıs Tıto bar bolatyn.
*9 mamyrda Astanada «Otan qorǵaýshylar» memorıaldyq kesheni ashyldy.
*11 mamyrda elordada qazaq halqynyń táýelsizdigi jolyndaǵy uly kúresker – Kenesary hannyń eskertkishi ashyldy. Bul týraly «Egemen Qazaqstan» gazetiniń 12 mamyr kúngi nómirinde «Qazaqta Kenekeme er jetpegen...» taqyrybymen maqala jarııalandy.
*18 mamyrda L.N.Gýmılev atyndaǵy Eýrazııa ulttyq ýnıversıtetinde Kúltegin eskertkishiniń ǵylymı kóshirmesi ornatylyp, Qazaqstan táýelsizdiginiń 10 jyldyǵyna arnalǵan «Baıyrǵy túrki órkenıeti: jazba eskertkishter» taqyryby boıynsha halyqaralyq ǵylymı-teorııalyq konferensııa ótti. Oǵan Elbasy qatysyp, sóz sóıledi.
*23 mamyrda Prezıdent N.Á.Nazarbaevtyń Armenııaǵa resmı sapary bastaldy. Erteńinde Erevan qalasynda Ujymdyq qaýipsizdik keńesiniń sessııasy ótkizildi. Sapar barysynda Elbasy Armenııa Prezıdenti R.Kocharıanmen kelissóz júrgizdi.
*31 mamyrda Prezıdent Nursultan Nazarbaev Eýrazııalyq ekonomıkalyq qoǵamdastyq memleketaralyq keńesiniń jáne TMD-ǵa múshe elder basshylary keńesiniń májilisterine qatysý úshin Belarýs astanasyna keldi. Onda negizinen aldyn ala maquldanǵan 18 qujat qaraldy. Erteńine Mınskide EýrAzEQ-qa qatysýshy memleketter basshylarynyń májilisi ótti.
*5 maýsymda Qazaqstanda Reseı Federasııasy mádenıetiniń kúnderi bastaldy.
*7 maýsymda Qazaqstan sýdıalarynyń sezi ótti. «Bizdiń elimizdiń sýdıalary eń basty máselege negizdelgen jańa kózqarastardy taldap jasaıdy degen senimdemin: máseleni adamdar ózderiniń quqyqtaryn qorǵaý úshin sheneýnikterge emes, ákimderge emes, Úkimetke emes, Prezıdentke emes, sizderge keletindeı etip qoıyńyzdar», dedi Prezıdent sýdıalar aldynda sóılegen sózinde.
*12 maýsymda Qazaqstan Premer-mınıstri Q.Toqaev azamattardyń aqshany jarııa etýi jónindegi aksııaǵa baılanysty málimdeme jasady. «Raqymshylyq nátıjesinde azamattar úshin eshqandaı keleńsiz saldar bolmaıtynyn málimdeımin. Quqyq qorǵaý organdary tekserý, shuǵyl-izdestirý sharalaryn júrgizý úshin aqshany jarııa etý faktilerin paıdalanbaıtyn bolady», dedi Úkimet basshysy.
*13 maýsymda Elbasy N.Á.Nazarbaev Eýropalyq qaıta qurý jáne damý bankiniń prezıdenti J.Lemerdi qabyldady. Kezdesý barysynda elimizdegi ekonomıkalyq reformalar, Qazaqstan men Eýropalyq qaıta qurý jáne damý banki arasyndaǵy yntymaqtastyq máseleleri talqylandy.
*14-15 maýsymda Qytaıda «Shanhaı bestigi» elderiniń altynshy sammıti ótti. Shanhaı qalasynda Qazaqstan, Qytaı, Qyrǵyzstan, Reseı, Tájikstan men О́zbekstan memleketteriniń prezıdentteri kezdesip, onda uıymnyń atyn ózgertý kelisildi jáne memleketter basshylary О́zbekstandy «Shanhaı yntymaqtastyq uıymyna» qabyldaý týraly Birlesken málimdemege qol qoıdy. Osylaısha, О́zbekstannyń múshe bolýyna baılanysty, uıymdy «Shanhaı yntymaqtastyq uıymy» retinde qaıta qurý týraly sheshim qabyldandy.
*19 maýsymda 184,5 shaqyrymdyq «Aqsý-Degeleń» temir joly iske qosyldy. Prezıdent Nursultan Nazarbaev jańa joldyń ashylýyna arnaıy qatysyp, sóz sóıledi. Bul týraly «Egemen Qazaqstan» gazetiniń 20 maýsym kúngi nómirinde Elbasy atap kórsetkendeı, «Aqsý-Degeleń» temir jolynyń iske qosylýy – táýelsizdik toıyna tamasha tartý» taqyrybymen maqala jarııalandy.
*24 maýsymda Astana qalasyndaǵy «Qazaqstan» sport kesheninde Qazaqstan Respýblıkasynyń I spartakıadasynyń ashylý saltanaty ótti.
*29 maýsymda Elbasy Jarlyǵymen 2007 jylǵa deıingi kezeńge «Astana – jańa qala» arnaıy ekonomıkalyq aımaǵy quryldy.
*1 shildede elde qosymsha qun salyǵy 20-dan 16 paıyzǵa, áleýmettik salyq 26-dan 21 paıyzǵa tómendetildi. Bul elimizde júrip jatqan reformalardyń jarqyn jetistigi edi.
*5 shildede Astanaǵa eki kúndik resmı saparmen Túrikmenstan prezıdenti Saparmurat Nııazov keldi. Kelissózderden keıin Qazaqstan men Túrikmenstan prezıdentteri memlekettik shekarany aıqyndap alý máseleleri týraly kelisimge, basqa da qujattarǵa qol qoıdy.
*16 shildede Prezıdent Nursultan Nazarbaev Grekııa Respýblıkasyna resmı saparmen bardy. Nursultan Nazarbaev pen Grekııa Prezıdenti Konstantınos Stefanapolýstyń áńgimelesýinde, keńeıtilgen quramda ótkizilgen kelissózderde ekijaqty yntymaqtastyqtyń mańyzdy máseleleri talqylandy. Nursultan Nazarbaev grek eliniń eń joǵary nagradalarynyń biri – Qutqarýshy ordenimen nagradtaldy.
*18-19 shilde kúnderi Prezıdent N.Á.Nazarbaevtyń Horvatııa Respýblıkasyna tuńǵysh ret resmı sapary ótti. Sapar barysynda Qazaqstan Prezıdenti men Horvatııa basshysy Stepan Mesıch eki eldiń ózara qarym-qatynasynyń prınsıpteri týraly deklarasııaǵa qol qoıdy. Al Syrtqy ister mınıstrleri yntymaqtastyq týraly memorandým bekitti.
*23 shildede Prezıdent Nursultan Nazarbaevtyń Qyrǵyz Respýblıkasyna resmı sapary bastaldy. El basshylary – Nursultan Nazarbaev pen Asqar Aqaev mańyzdy úsh qujatqa – ekijaqty qarym-qatynasty odan ári damytýǵa baǵyttalǵan birlesken málimdemege, 2001-2005 jyldardaǵy ekonomıkalyq yntymaqtastyq týraly kelisimge, Qazaqstan men Qyrǵyzstan arasyndaǵy shekarany delımıtasııalaý týraly kommıýnıkege qol qoıdy. Osy kúni Bishkektegi Emen saıabaǵynda memleketter basshylarynyń qatysýymen Muhtar Áýezovke eskertkish ashyldy.
*2 tamyzda Elbasy Nursultan Nazarbaev TMD elderi basshylarynyń Qara teńiz boıyndaǵy beıresmı kezdesýlerine qatysty.
