Olımpıada chempıony ataǵynan aıyrylǵandar memlekettik syıaqyny qaıtarmaıdy

Olımpıada chempıony ataǵynan aıyrylǵan sportshylardan memlekettik syıaqy qaıtaryp alynbaıdy. Bul týraly búgin QR Mádenıet jáne sport vıse-mınıstri Sáken Musaıbekov aıtty. «Sporshy jarysqa shyǵar aldynda eń birinshi kezekte Olımpıada hartııasymen jáne WADA kodeksimen tolyqtaı kelisedi. Mine, sportshy osy eki negizgi qujatty qabyldaı otyryp, Olımpıada oıyndaryna qatysady. Olımpıada oıyndaryna qatysatyn sportshy qandaı da bir dopıngtik oqıǵaǵa tap bolar bolsa, onda medaldi qaıtarý týraly shartqa qol qoıady»,-  dedi vıse-mınıstr. Osy rette ol buǵan deıin de dopıng daýyna urynǵan sportshylardyń bolǵandyǵyn atap ótti. Máselen, onyń sózine qaraǵanda, dopıng daýyna ilikken AQSh-tyń 15 sportshysynyń 4-eýi ǵana medaldaryn qaıtaryp bergen. Al 14 reseılik, 11 bolgar medaldaryn qaıtarmaǵan. «Bul naqty aqparattar. Sondyqtan da bul sportshynyń óz sheshimi bolmaq. Eger HOK mundaı talap qoıatyn bolsa, onda mundaı sheshimge narazylyq tanytýǵa 20 kún bar. Al eger sportshy (narazylyq tanytýdan) bas tartsa, onda medaldi qaıtarý-qaıtarmaý onyń ar-ojdanyna baılanysty. Biraq, onyń eshqandaı da qundylyǵy bolmaıdy. Tek Londondaǵy nemese Beıjińdegi Olımpıada oıyndarynan estelik medal bolyp qana qalmaq. О́ıtkeni, qalaı bolǵanda da ony ataǵynan aıyrady», - dedi  Musaıbekov. Sonymen qatar ol BAQ ókilderiniń Olımpıada chempıondaryna memleket tarabynan berilgen syıaqyǵa qatysty saýaldaryna da jaýap berdi. «Mundaı jaıt oryn aldy, ne isteımiz, endi? Oǵan kóný qajet. Al syıaqyǵa, páterge qatysty aıtar bolsam, bizdiń zańnamamyzda sportshy dopıngke iligetin bolsa, onda buǵan deıin berilgen syıaqy nemese páter qaıtaryp alynady degen norma joq», - dedi ol. Aıta keteıik,  Halyqaralyq Olımpıada komıteti dopıng synamada tyıym salynǵan zattar tabylǵan 2012 jylǵy Olımpıada chempıondary Svetlana Podobedova, Maııa Maneza, Zýlfııa Chınshanlonyń kórsetken nátıjeleri joqqa shyǵarylǵanyn resmı habarlaǵan bolatyn.