«Byltyr 700 shaqyrym sý arnasy qaıta jańǵyrtylsa, bıyl taǵy 986 shaqyrymda kúrdeli jóndeý jumystary júrgiziledi. 4 sý qoımasy jańartyldy, osy jyly taǵy da tórt nysandy jańartý jumystary jáne 3 jańa sý qoımasynyń qurylysy bastalady.
Sý resýrstaryn keshendi basqarýdyń bas josparyna negiz bolatyn segiz basseındik jospardy ázirleý aıaqtalady», dep atap ótti Oljas Bektenov.
Memleket basshysynyń Ulttyq quryltaıda bergen tapsyrmasyna sáıkes, jyl sońyna deıin elimizdiń sý-energetıka resýrstarynyń kartasy ázirlenedi.
Sýdy únemdeý máselesi basym baǵyt bolyp qala beredi. Búginde sýarmaly jerlerdiń úshten birinen astam bóligi sý únemdeý tehnologııalarymen qamtylǵan. Nátıjesinde ótken jyly 847 mln tekshe metr sýdy únemdeý múmkin boldy. Aldaǵy ýaqytta jyl saıyn qosymsha 150 myń gektarǵa jýyq alqapty qamtý josparlanyp otyr. Bul rette Sý resýrstary jáne Aýyl sharýashylyǵy mınıstrlikteriniń aldynda kórsetkishterdiń ádeıi burmalanýyna jol bermeý mindeti tur.
Sondaı-aq týrıstik salany damytý úshin Úkimet qabyldap jatqan sharalarǵa nazar aýdaryldy. Aǵymdaǵy mindetter men basymdyqtardy eskere otyryp, týrıstik salany damytýǵa arnalǵan Keshendi jospardyń ózektiligin arttyrý boıynsha júrgizilip jatqan jumystar da atap ótildi.
Salada birqatar iri joba júzege asyp jatyr. Máselen, Almaty taý klasteriniń qoldanystaǵy ınfraqurylymyn jańǵyrtý jáne jańa nysandar salý jumystary, sonyń ishinde zamanaýı shańǵy kýrortynyń jobasy bastaldy. Qazirgi tańda 17 kóterme jol jáne 53 shaqyrym trassa jumys istep tur. Qosymsha 46 kóterme jol men 221 shaqyrym trassa iske qosylady. Qurylys-montaj jumystary kóktemde bastalady.
40 paıyzdyq meje: Úkimet halyqtyń naqty tabysyn qalaı ósirmek?
Bıyl Katonqaraǵaı, Zaısan jáne Kendirlide jańa áýejaılardyń qurylysy aıaqtalady. Ol osy óńirlerde týrızmdi damytýǵa qosymsha serpin beredi.
