QR Din isteri jáne azamattyq qoǵam mınıstri Nurlan Ermekbaev Qazaqstandaǵy Eýropalyq odaq ókildiginiń basshysy Traıan Laýrensıý Hrısteamen kezdesti, dep habarlaıdy egemen.kz primeminister.kz saıtyna silteme jasap.
Kezdesý barysynda N. Ermekbaev 2015 jylǵy 21 jeltoqsanda qabyldanǵan Astanada QR men EO arasyndaǵy keńeıtilgen áriptestik jáne yntymaqtastyq týraly Kelisimge basa nazar aýdardy.
Mınıstr vedomstvo qyzmetiniń negizgi baǵyttary týraly aıta kele, mınıstrlik memleket pen dinı birlestikter, azamattyq qoǵam arasyndaǵy áriptestik jáne ózara túsinistik qatynastardy damytýdy qamtamasyz etetinin aıtty. Sonymen qatar úkimettik emes uıymdardyń memlekettik qoldaý boıynsha qabyldanyp jatqan sharalary týraly, olardyń damýy úshin ózge de qolaıly jaǵdaılardy jasaý jóninde habarlady. Qazaqstanda ortaq áleýmettik jobalardy iske asyrý máselesin pysyqtaýdy, konsýltasııalar júrgizip, jahandyq jáne óńirlik qaýipsizdikti qoldaý sharalaryn qoldanýdy usyndy.
EO ókildiginiń basshysy Qazaqstanda óńirlik yntymaqtastyq aıasynda júrgizilip jatqan jumystar týraly habarlady. О́z josparlarymen bólisip, mınıstrlikpen ózara is-qımyldy damytýǵa nıetti ekenin aıtty.
Qorytyndy boıynsha azamattyq qoǵamdy damytý men azamattardyń quqyǵyn dinı senim bostandyǵymen qamtamasyz etý maqsatynda yntymaqtastyq týraly ýaǵdalastyqqa qol jetkizildi.
