Asyrandy búrkitter erkindikke jiberildi

Bes jyldan beri Almatydaǵy «Suńqar» jabaıy qustar tálimbaǵynda joǵalýǵa jaqyn qyran tektes qustardyń túrleri qoldan kóbeıtilip, jabaıy tabıǵat arasyna jiberilip keledi. Taıaý kúnderi kezekti ret osy tálimbaqtaǵy búrkit balapandary bosatyldy. Osymen jıyrmasynshy ret azattyqqa shyqqan qustar legi Bilim jáne ǵylym mınıstrligi Ǵylym komıtetiniń Zoologııa ınstıtýtynyń baqylaýynda bolady.  Iаǵnı árbir búrkit arnaıy ornatylǵan elektrondy chıp arqyly qaıda júrgeni, tiri-ólisi zerttelip otyrylady. Osy arada árbir chıptiń baǵasy 3 myń eýro turatynyn jáne ár qusty baqylaý, zertteý jylyna 30 myń AQSh dollaryna deıin baratynyn aıtýǵa bolady. Alaıda tabıǵatta sırep bara jatqan suńqar túrleriniń baǵasy joq. – Al tálimbaqta kóbeıtilgen qustar keıin jabaıy tabıǵatqa shyqqannan keıin adam kómeginsiz tamaǵyn taýyp jeý úshin munda kóp jumys júrgiziledi. Qustar keń qanat jaıa alatyn oryndarda tyshqan, qoıan, taýyqty óz betinshe alýǵa úıretiledi, – deıdi «Suńqar» tálimbaǵynyń dırektory Ashot Anzorov. Mundaı ǵylymı synaqty Zoologııa ınstıtýtynyń ǵalym­da­ry men «Suńqar» jabaıy qus­­­tar tá­limbaǵy 2012 jyl­dyń shilde­sinde bastaǵan bolatyn. Adam faktory baryn­sha azaı­­­­tylǵan ǵylymı synaq­tar búrkit­terdiń jabaıy tabıǵat­taǵy ómirsheń­di­gine anaǵurlym jaq­­sy áser ete­tin­digine kóz jet­ki­zilýde. Sonymen 1989 jyldan beri jumys istep kele jatqan «Suń­qar» tálimbaǵynda, búrkit, qy­ran, ıtelgi sııaqty 450-deı qus bar.  Bul qustardy azyqtandyryp, túr­lerin kóbeıtýge bul kúnde «Efes Qazaqstan» kompanııasy «О́z úlesińdi qos. Tabıǵatty saqtap qal» atty búrkitterdi qorǵaý baǵdarlamasy aıasynda  qarjylyq qoldaý kórsetip otyr. Osy joly erkindikke bes balapan búrkit jiberildi. «О́z úlesińdi qos. Tabıǵatty saq­tap qal» jobasynyń júzege asy­rylyp jatqanyna bıyl bes jyl boldy.  Bul jumystar jurtshylyqtyń nazaryn sırek qustar men janýarlardyń azaıý máse­lesine aýdartýǵa kómektesedi dep oılaımyz. Bizdiń kompanııa korporatıvtik áleýmettik ja­ýap­kershilikke úlken mán bere­tin­dikten, biz bul jobaǵa ári qa­raı da qoldaý kórsetýdi jos­parlap otyrmyz. Bizdiń ulttyq ta­bı­ǵı brendimizge aınalǵan búrkitterdi saqtap, olardyń ári qaraı da Qazaqstannyń maq­tanyshy jáne ulttyq nyshany bol­ǵanyn qalaımyz, – dedi «Efes Qazaqstan» ShS AQ korporatıvtik qatynastar departamentiniń dırektory Shyńǵys Qaskeev. Aınash ESALI, «Egemen Qazaqstan» ALMATY