Zań jobasynyń negizgi erejeleri talqylandy

Keshe «Qazmedıa ortalyǵynda» «Qazaqstan Respýblıkasynyń keıbir zańnamalyq aktilerine aqparat jáne kommýnıkasııalar máseleleri boıynsha ózgerister men tolyqtyrýlar engizý týraly» zań jobasyn ázirleý jónindegi jumys tobynyń alǵashqy otyrysy ótti. Toptyń jumysyna Parlament depýtattary, memlekettik organdardyń, úki­mettik emes uıymdardyń, buqara­lyq aqparat quraldarynyń jáne qoǵam­das­tyqtyń ókilderi qatysty. Is-shara barysynda zań jobasynyń negizgi erejeleri talqylandy, ol 1 qara­shada mınıstrliktiń resmı saıtyna ornalastyryldy. Otyrysty ashý barysynda Aqparat jáne kommýnıkasııalar mınıstri Dáýren Abaev zań jobasyn ázirleý basynda mı­nıs­t­rlik barlyq múddeli tulǵalar qatys­­qan kezde ony talqylaýdyń ashyq­ty­ǵy men qoljetimdigin qamtamasyz etý maq­­satyn alǵa qoıǵanyna nazar aý­dar­dy. Ol, sondaı-aq, aqparat, baılanys já­ne aqparattandyrý salasy búginde shyn máninde, jahandyq deńgeıde bolyp jat­qan tehnologııalyq jáne qoǵamdyq qaıta qurylý avangardynda aýqymdy ózgeristerge ushyrap jatqanyn atap ótti. D.Abaev qoǵamdastyqqa usynylǵan zań jobasy mınıstrliktiń pikiri bo­ıyn­sha qazirgi kezeńde talap etetin ózge­ris­terdiń kórinisi bolyp tabylatynyn atap ótti. Mınıstr osy jumysqa belsendi qa­tys­qan Jumys tobynyń barlyq múshe­leri­ne rızashylyǵyn bildirdi jáne bar­lyqtaryna tabysty eńbek tiledi. Is-sharada, sondaı-aq, Aqparat jáne kommýnıkasııalar vıse-mınıstri A.Ájibaev pen Jumys tobynyń basqa da músheleri sóz sóıledi. Otyrysta aıtylǵan barlyq usy­nys­tar mı­nıstrlik tarapynan eskerilip, odan ári ju­mysta paıdalanylatyn bo­lady. Zań jobasynyń maqsaty buqaralyq kommýnıkasııanyń tehnologııalaryn da­mytýǵa sáıkes BAQ, teleradıo habarlaryn taratý, aqparattandyrý jáne baılanys salasynda qoǵamdyq qatynastardy quqyqtyq retteý bolyp tabylady. Qujatta 200-ge jýyq túzetýler qam­tyl­ǵan jáne 4 kodeks pen 12 zańǵa óz­ge­ris­ter men tolyqtyrýlar engizý kóz­dele­di. Jumys tobynyń quramyna 60-qa jýyq adam kirdi. «Egemen-aqparat»