Týveni túsiný

Beıneleý ónerin túsinýdiń bir ereksheligi – boıaý arqyly uǵysýda. Boıaý «tiline» eshqandaı aýdarmashynyń keregi joqtyǵynda. «Mádenıet arqyly únqatysý» halyqaralyq jobasynyń aıasynda ótkizilgen shved sýretshisi Týve Krabonyń jeke kórmesi Semeı ıadrolyq synaq polıgonynyń jabylýynyń 25 jyl­dyǵyna arnaldy. ­­Týve Krabo «Túzelmeıtin qa­telik: Alǵashqy jarylys» atty kórmesine ıadrolyq qarýdan zar­dap shekken oryndardy beı­neleıtin jumystaryn qoıdy. Dúnıe júzinde pıǵyly buzyq, nıeti qaraý adamdardyń kesirinen kún saıyn tehnogendi apattardyń oryn alatyny názik jandy sýretshini qatty tolǵandyrǵan syńaıly. Shved sýretshisiniń Tuń­ǵysh Prezıdent mýzeıinde ashylǵan kórmesi solaısha barlyq zulymdyqtardyń artynda jekelegen adamdar ne qatal rejim tu­rady degen oıdy aıǵaqtap turdy. Kórmeni Shvesııanyń Qazaq­standaǵy elshisi Hrıstıan Ka­­mıll ashty. Ol óz sózinde Shvesııa uzaq jyldar boıy qa­rýsyzdaný salasyndaǵy bel­sendi is-qı­myldarǵa óz tarapynan kúsh salyp kele jat­qanyn, Qazaqstannyń ıadro­lyq qarýsyzdanýǵa baǵyt­talǵan bastamalaryn joǵary ba­ǵa­laıtynyn jetkizdi. «Bıylǵy jyly Shvesııa jáne Qazaqstan mem­leketteri 2017-2018 jyl­darǵa Birikken Ulttar Uıy­mynyń Qaýipsizdik Keńesiniń turaqty emes múshesi bolyp saılandy. Qazaqstanmen birge biz de BUU-nyń Qaýipsizdik Keńesinde qarýsyzdaný jáne qarýdy taratpaý bastamalaryn qoldaımyz. Astanada osy biregeı kórmeni usyný arqyly ıadrolyq qarýdyń jáne ıadrolyq synaqtardyń zardaptary jaıly aqparat berý jumysyn júrgizemiz degen úmit­temiz», – dedi elshi. Al kórme barysynda sýret­shiniń ózi mátinmen jetkizý múm­kin emes nárseni akvarelmen, boıaý­men aıtýǵa barynsha kúsh salatynyn áńgimeledi. «Meniń ónerim kıno sııaqty. Onda drama, kóńil kúı, sezim, jaryq pen túnek bar. Kóbine óz obrazdarymdy ınternet jelisinen alamyn. Olardyń basym bóligi – adamzat tragedııa­sy men ekologııalyq zardap shekken jerler. Qazirgi qoǵamdaǵy apatty oqıǵalar aǵy­my adamzatty meıirimsiz ete me dep qorqamyn», – dedi ol. Týve Krabo kıno, proza, beıneleý óneri tárizdi ónerdiń túrli salasyn meńgergen jan. Bir basyna ónerdiń birneshe túrin toǵys­tyrǵan Týve adamzatqa qasi­ret ákeletin qubylystar men oqı­ǵalardy boldyrmaý úshin óneri arqyly adamdarǵa janashyrlyq, túsinistik sezimderin syılaǵysy keledi. Aıgúl SEIILOVA, «Egemen Qazaqstan» Sýretti túsirgen Erlan OMAROV, «Egemen Qazaqstan»