Qutqarýshyǵa qurmet

Erlik eshqashan umytyl­maıdy. Bıyl 30 mamyrda ob­lystyq tótenshe jaǵdaılar de­partamentiniń qutqarýshysy Jomart Sársenbekov Tóle bı aýdanyndaǵy Aqmeshit shat­qalynda adasyp ketip, izdeý ja­rııalanǵan týrısti taýyp, kezekshi bólimge habarlaǵannan keıin abaısyzda 100 metr shamasyndaǵy bıiktikten qulap qaza tapqan edi. Bireýdiń ómirin saqtaımyn dep júrip ózi mert bolǵan Jomarttyń artynda jary, shıetteı bes ul-qyzy qalǵan. Taǵdyr-aı deseńizshi, tótenshe jaǵdaılar departamentinde qyz­met istegenine 13 jyl bolǵan Jomart jary Uljan Sabazovamen otasqanyna da 13 jyl tolyp, dál shańyraq kótergen 30 mamyrda qaza boldy. Jary Uljan sońǵy sábıin qarashanyń ortasynda dúnıege ákeldi. Jomart shaqalaǵynyń mańdaıynan súıip te úlgermegen. Bireýdiń ómirin saqtaımyn dep ajal qushqan qutqarýshy úı salýdy armandap júredi eken. О́zi ketken soń ańyrap qalǵan jary men úlkeni segizge ǵana tolǵan kishkentaı balalarynyń áke armanyn iske asyra almaıtyndyǵy belgili edi. Sondyqtan, tótenshe jaǵdaılar departamenti bas bolyp, demeýshiler esebimen jańa úıdi bastap ketedi. Osylaısha, quny 11 mln teńgege alty bólmeli úı eki jarym aı shamasynda salynyp bitedi. Úıdiń kiltin Jomarttyń jary Uljanǵa oblys ákimi Janseıit Túımebaev tabys etti. Jańa úıge kórimdik retinde teledıdar men tońazytqysh tartý etken oblys basshysy: – Jomart baýyrymyz naǵyz azamat eken. О́zine qaterli qaýip tónip turǵanyn bilse de adasyp júrgen týrıstiń ómirin saqtap qaldy. Jomarttyń erligi umytylmaıdy. Endi osy úıde onyń otbasy ósip-ónsin, baqytty bolsyn, – degen aqtileý aıtty. – Armany asqaq jan edi, – deıdi kózi jastan qurǵamaǵan jary. – Otbasyna adal, jaıly azamat bolatyn. Biz ony eshqashan umytpaımyz, júregimizde saqtap ótemiz. – Qutqarýshy mamandyǵy qıyn da jaýapty, ekiniń biriniń qolynan kele bermeıdi. Baýy­rymyzdaı bolyp ketken Jo­mart Orynbasaruly qazir ara­­myzda joq. Jomart kez kelgen ýaqytta jumysqa belsene kirisip, mindetin tııanaqty atqa­ra­tyn qyzmetker edi, – deıdi Oń­tústik Qazaqstan oblystyq tótenshe jaǵdaılar departamenti bas­shysynyń mindetin atqarýshy, pol­kovnık Batyrǵalı Sopbekov. Árıne, qansha jerden jaıly úı degenimen ol otaǵasy ornyn almastyra almasy anyq. Áıtse de, qyzmettesteri Jomarttyń kózi tiri­sinde oryndaı almaı ket­ken armanyn júzege asyryp, tama­sha úı salyp bergeni naǵyz aza­mattyq is boldy. Baqtııar TAIJAN, «Egemen Qazaqstan» Ońtústik Qazaqstan oblysy