Júrekte ıman, júzinde nur shalqyǵan

Zara apany Kereký óńirinde bilmeıtin adam joq Jıyrma jyldaı ýaqyt óńir­degi musylman áıelderi lıgasy oblystyq bólimshesin basqaryp kele jatqan, «ana tilimiz, sabyrly dilimiz, ulyq dinimiz jańǵyrsyn, oıý-ór­nek­ti salt-dástúrimiz oraldy, oıa­nyń­dar, qazaq bolyńdar» dep qaı jerde bolmasyn aı­nala­syna aıtyp júretin ja­ny da, kelbeti de kelisken Zara Qab­dysh­qyzyn Kereký óńi­rinde bil­meıtin jan joq shy­ǵar, sirá. Darhan peıil, para­saty mol ájelik baspaldaqqa aman-esen jetkizgen ma­ǵy­na­ly ǵu­myr Zara apaǵa ádemi qar­taıý­dy, aınalasyn jyly shýaqqa, meıirimdilikke bólep júrýdi osylaı syılasa kerek. Jetpis jyldyq mereı­toıynda elimiz­diń Mádenıet mınıstri Muh­tar Qul-Mu­ham­med, oblys áki­mi Ba­qyt­jan Saǵyntaev jáne Almaty men Astanada turatyn kóp­tegen qoǵam qaıratkerleri, zııaly qaýym ókilderi nurly sózderge toly quttyqtaý hat­taryn joldapty. Qazaqstan hal­qy Assambleıasy oblys­tyq bólimshesiniń tóraǵasy Idaıat Ábdihalyqov As­sam­bleıa­nyń kún­delikti jumy­syn­da Zara apa­nyń elimizdegi dostyq pen tatýlyqqa, ult­tyq má­denı or­ta­lyqtar ara­syndaǵy jarqyn baı­la­nys­ty nyǵaıtýǵa qos­qan eń­begi orasan zor, bá­rimizge úlgi-ónege, – dese, oblys­tyq evreı etnomádenı bir­les­tigi­niń tór­aıy­my Faına Svechınskaıa me­niń qur­bym, Zara apa­la­ryń ol birinshiden eliniń pa­trıo­ty, na­ǵyz qazaq áıeli, ol ylǵı da jaı­dary, jar­­qyn minezde jú­redi, sol úshin de onyń jany jas der edim. Dos­tary ártúrli ult ókil­deri, biz bári­miz de, ol kisini árqa­shan qur­met tuta­myz, deıdi. Zara apa basqara­tyn lıganyń qura­my­nan «Arý-Ana» at­ty áje­ler ansambli qu­rylyp, repertýa­rynda jıyny júzge jý­yq pa­trıottyq taqyryp­taǵy já­ne ha­lyq ánder aıtylyp, oblys ómi­rindegi búkil mereke, jıyn-toı­dyń máni men sánine aınalýda. Ájeler jylyna 30-ǵa jýyq konsert uıymdastyryp, aýyl-aý­dan­­darǵa baryp turady. Al, jalpy apamyz basqaratyn mu­syl­mandar áıelder lıgasy jer­gilikti jerdegi ártúrli ult ókilderiniń basyn qosqan As­sambleıanyń bir túp qa­zyǵy ispetti. О́zge ulttyq orta­lyq­tar­dyń barlyǵy da Zara apa­nyń para­sattylyǵyna, keń peıildi minezine, otanym, elim, qaza­ǵym, jerim degen asqaq patrıot­ty­lyǵyna súısinip, tánti bolyp keledi. Al, bul kisiniń týǵan ana tilinde sóılegen sózderin es­tiseńiz, tań­ǵalasyz. Eki­niń birine darymaǵan bul da bir jaqsy qa­sıet. Elge, halyqqa, onyń ishinde ózgege de oı salatyn sóz bastaý, sóz aıtý bárinen de qıyn ekeni taǵy belgili. Negizinde, apamyz­dyń týys­tary arǵy atalaryn qazaqtyń ór­shil aqyny Sul­tan­mahmut Toraı­ǵy­rovpen baı­la­nys­tyrady. Aqyn­nyń úrim-bu­taǵy ekenin apa­myzdyń shabyt­tanyp, kóp­shi­liktiń aldynda jarq etip, sharyq­tap, ishtegi oı­la­ryn ǵajap sóz­dermen tógip-tó­gip jibergende anyq baıqaısyz. Áser­le­nip, kóp­ke deıin toqtaı almaı­dy. Ba­synan aq oramaly túspe­gen, ult­tyq kıimi jarasqan mu­syl­man­dyq salt-dástúrlerge saı minez-qulqy, bolmysy aı­nalasyn erekshe nurlandyryp tu­ratyn apa­myz­dyń júris-tu­rysy da, sóı­leý máneri de qyz-kelinshek­ter­ge, áı­el­derge úlgi-óne­ge. Hal­qynyń qa­sıetti dás­túrlerin ózge­lerge ta­nys­tyra, uqtyra biledi. Ol kezinde oblys ortalyǵynda ashylǵan Abaı atyn­daǵy jalǵyz qazaq mektebinde oqypty. Al­ma­ty­daǵy Qyz­dar pedago­gıkalyq ınstı­tý­tyn geografııa páni bo­ıynsha bitirip, osy mektebine qaıta oral­ǵan. Ol osy qazaq mektebinde 35 jyl us­tazdyq etipti. Osy mektep qa­byr­ǵasynda júrip, óziniń ómir­lik jary, nemere­le­riniń atasy Qajyken aǵamen ta­ny­sypty.Taǵ­­dyr degen qandaı, qazir, mine, ekeýi elý jyldaı ýaqyt birge ómir súrip keledi. Farıda BYQAI, Pavlodar.