Keshe…

...kedenshiler ımıdji týraly keńesti Kedenshiler ımıdjin qa­lyp­tastyrý ońaı emes. Ásirese, Keden odaǵy qurylǵaly beri tipten kedenshiler jaýapkershiligi je­ńil­degen joq. Olardyń jumy­syn buqaralyq aqparat qural­da­rynda qalaı nasıhattaǵan jón? Mine, osy máseleler jóninde el kedenshileri keshe Atyraýda bas qosyp, respýblıkalyq semınarda ózara pikir almasty. Semınarda sóz alǵan Kedendik baqy­laý komıtetiniń resmı ókili Erjan Baıtana keden organdaryn­da qurylymdyq ózgerister bo­latyny josparlanǵanyn málim etti. Semınarda kedenshi ımıdji týraly pikir bildirýshiler az bolmady. «Habar» agenttigi «Bet­pe-bet» baǵdarlamasynyń júrgizýshisi B.Ýálıdiń pikirinshe, kez kelgen mekeme jurtshy­lyq arasynda jaqsy pikir qa­lyptastyrý úshin BAQ-pen ty­ǵyz baılanys ornaǵany jón. Al 7-arnadaǵy «Nysana» baǵdarla­masyn júrgizýshi M.Nıkolaev aldymen memlekettik tilde, qa­jetinshe úsh tilde aqparat usy­nylǵanyn qalaıdy. Burynǵydaı tek resmı tilde usynylǵan aq­pa­ratty qazaqshaǵa jýrnalısterdiń ózderi aýdaryp alady delinetin ústirt oıdan arylý qajettigin de ortaǵa tastady. Joldasbek ShО́PEǴUL, Atyraý oblysy. ...dástúr týraly leksııa bastaldy Y.Altynsarınniń Qostanaı qalasyndaǵy memorıaldyq mýzeıi qyzmetkerleri orys mektepterinde Naýryzdy, halqymyz­dyń salt-dástúrlerin tanys­ty­ratyn leksııalar oqýdy bastady. Murajaı qyzmetkerleri ózderi jasaǵan «Ańyzben jetken áz Naýryz» atty beıneleksııada Naý­ryz merekesi, kelin túsirý, qyz uzatý, súndet, músheltoı sııaq­ty halyqtyń tumystaǵy dástúri men túrli salttary tý­raly aıtylady. ­Mundaı leksııany mádenı oshaq ujymy bıyl birinshi ret bastap otyr. Olar jas urpaqty qazaq halqynyń dástúrimen ja­qynyraq tanystyrýdy maqsat etip qoıdy. Sonymen qatar, mektepterde «Aýyzsha jýrnal» lek­sııasy da ótedi. Leksııa bary­synda oqýshylarǵa halqymyz­dyń turmys-saltyna baılanys­ty ótken ǵasyrlardan jetken jádigerler de kórsetiledi. Názıra JÁRIMBETOVA, Qostanaı. ...zaǵıptar úshin mádenı kesh ótti Qazaqstanda kózi kórmeıtin jáne álsiz kóretin jandar taǵ­dyr tálkegin jeke ózi kóter­meı­di. Asqar taýdaı Otany, qasynda júrgen azamattardyń qıyn taǵ­dyryna qanatymen sý sepken qar­lyǵashtaı kómektesýge daıar turatyn jany izgi adamdar kóp. Zaǵıp kisilerdiń eń úlken ju­banyshy – kitap. Shymkentte osyndaı azamattarǵa arnalǵan oblystyq mamandandyrylǵan kitaphana bar. Keshe elimiz Táý­el­sizdiginiń 20 jyldyǵyna arna­lyp osy kitaphanada “Eselensin eńbegiń eliń úshin” atty mádenı kesh ótti. Jıynda burynǵy temirjol­shy Asylbek Bektursynov, ardager ustazdar Mádet Tuıaqbaeva men Halıma Kúletova kópshi­lik­ke óz ómirlerindegi eleýli oqı­ǵa­lardy áńgimelep berdi. El Táýel­sizdigine baılanysty paıymdaý­laryn ortaǵa salyp, jarqyn ómir týraly oılarymen bólisti. Baqtııar TAIJAN, Shymkent.