Jalaǵa jol joq

Keshe Syrtqy ister mınıstrliginiń resmı ókili Asqar Abdrahmanovtyń buqaralyq aqparat quraldary ókilderi­men dástúrli aptalyq brıfıngi bolyp ótti. Onda elimizdiń syrtqy saıasatynda taıaýda júzege asyrylatyn sharalar týraly aqparat berildi. Brıfıngte 17 naýryzda Qa­zaqstan Respýblıkasynyń Pre­zıdenti N.Nazarbaevtyń Reseı Federasııasynyń astanasy Más­keýge jumys saparyn jasaı­tyny aıtyldy.  Kórshiles memleket basshylyǵymen ótetin kelis­sóz­der barysynda taraptar Qa­zaq­stan men Reseı arasyndaǵy ekijaqty jáne kópjaqty pishindegi yntymaqtastyqtyń ózekti máselelerin talqylaıdy dep kútilýde. Resmı ókil, sondaı-aq 17 naý­ryzda Astanada Shanhaı ynty­maqtastyq uıymyna (ShYU) Qa­zaqstannyń tóraǵalyǵy sheńbe­rin­de uıymǵa múshe memleketter qorǵanys mınıstrleriniń kezekti keńesi ótetinin atap kórsetti. Jıynǵa ShYU Hatshylyǵynyń jáne Aımaqtyq terrorızmge qar­sy qurylymnyń basshylary qa­ty­satyn bolady. Aldaǵy otyrys barysynda halyqaralyq jáne aımaqtyq qaýipsizdik máse­le­le­rin, ShYU-ǵa múshe memleket­ter­diń qorǵanys vedomstvolary arasyndaǵy yntymaqtastyqty ári qaraı damytý joldaryn tal­qylaý josparlanǵan. Brıfıng barysynda jýrnalıster tarapynan resmı ókilge Qazaqstan men Qytaı arasyndaǵy «qupııa kelisimderge» qatysty suraq qoıyldy. Oǵan Asqar Abdrahmanov  bylaı jaýap qaı­tar­dy: «Birqatar buqaralyq aqparat quraldary men Internette ta­ra­tylyp otyrǵan Qazaqstan jaǵy Qytaı tarabymen «áskerlerdi engizý» men «jerdi jalǵa berý» jóninde jasyryn kelissózder jasapty-mys degen sózderge baılanysty mınıstrlik atalǵan aqparattyń shyndyqqa múldem janaspaıtyndyǵyn resmı túrde málimdeıdi. Osy tektes aqparat­tyń taratylýy qoǵamdyq pikirge belgili bir maqsatpen teris yqpal etýdi jáne arandatýdy kóz­deıdi. Biz BAQ ókilderin mundaı aqparat kózderi men osyndaı jalǵan málimetterdi jarııalaýda asa jaýapkershilik pen ustam­dy­lyq tanytýǵa shaqyramyz. Prezıdent saparynyń barysynda Qazaqstan men Qytaı arasynda qol qoıylǵan qujattardyń tolyq tizimimen mınıstrliktiń veb-saıtynda tanysýǵa bolady». Kórshi elge taıaýdaǵy resmı sapar barysynda qandaı qujat­tar­ǵa qol qoıylǵany týraly «Egemen Qazaqstan» gazetiniń betinde de jan-jaqty jazylǵanyn qaperge salǵandy jón kórip otyrmyz. Ol kelisimder eki eldiń de múddesine sáıkes keledi. Muny bir desek, ekinshiden, memleket basshylary deńgeıindegi kelis­sózder barysynda eshqandaı da qupııalyq bolmaıtynyn erekshe atap kórsetkimiz keledi. Mundaı jalǵan, shyndyqqa úsh qaınasa sorpasy qosylmaıtyn aqparat taratýdyń ózin satqyn­dyqtyń eń soraqy túri dep aıyptaǵan jón. «О́tiriktiń quıryǵy bir-aq tutam», deıdi halyq danalyǵy. Jalaǵa jol joq ekendigin Syrt­qy ister mınıstrligindegi atal­ǵan brıfıng barysynda qaı­ta­rylǵan jaýap taǵy da  kórsetip berip otyr. «Egemen-aqparat».