О́ner ishindegi órnektisi

Qazaqstan prezıdenttiginen úmitker Ǵanı Qasymovtyń kınoǵa yqylasy erekshe Partııalyq paıym-pikirine saı Ǵanı Qasymov óziniń saılaý aldyndaǵy saıası tuǵyrnamasynda óner-mádenıetti órkendetý máselelerine úlken kóńil bólgeni belgili. Naq sonyń aıǵaǵyndaı, áıelder merekesi qarsańynda prezıdenttikke kandıdat Sháken Aımanov atyndaǵy «Qazaqfılm» kınostýdııa­syn­da ótip jatqan derekti kıno festıvalinde boldy. Patrıottar partııa­sy­nyń kóshbasshysy kınonyń óner ishindegi eń mańyzdysy degen qaǵıdattyń eskirmeıtindigin eskerip, halyq máde­nıe­ti men tarıhı murany qaıta jań­ǵyr­tý oraıynda shuǵyl sharalar qol­daný qajettigin aıtyp ótti. Qazaqstandyqtardyń óz-ózine, eldiń úzdiksiz ósý múmkindigine senýi, naǵyz otanshyldar bolýy óte mańyzdy. Memlekette dostyq, tatýlyq pen kelisim, barlyq ulttar men ulystardy qoldaý, sondaı-aq olardyń mádenıeti men ult­tyq dástúrlerin qolpashtaý qamtamasyz etilýi tıis, dep atap kórsetti Ǵ.Qasy­mov kınostýdııada bolǵan kezinde. Sońǵy jyldary Qazaqstannyń kıno óndirisi alǵa basyp keledi. Alýan janr­ly kórkem fılmderdi shy­ǵarý qaı­ta­dan bel alyp, jyl saıyn má­de­nıetke, mý­zy­­kaǵa, ǵylym­ǵa jáne basqa ta­qyryptarǵa arnalǵan 30-40 shaqty derekti taspalar túsirilýde. Prezıdenttikten úmitker kelip otyrǵan jańa derekti kıno festıvali Qazaqstan men Ortalyq Azııa elderinde tuńǵysh ót­ki­zilip otyr. Apta boıy kórermender asa kórnekti qazaq ǵalymdarynyń, jazý­shy­larynyń, saz­ger­leriniń qyzmetimen tanysýǵa múm­kindik aldy. Muhtar Áýezov, Ábish Kekilbaev, basqa da belgili tulǵalar, son­daı-aq respýblıka mádenıeti men óne­ri­niń qaıratkerleri jaıyndaǵy kıno­týyn­dylar yqylaspen tamashalandy. «Sezar» kınoteatrynda kórermen­der­men kezdesýge fılm keıipkerleri men kınogerlerdiń ózderi keldi. Osyndaı bir áredikte Ǵanı Qasymov ataqty ǵalym, akademık T.Sharmanovpen kezdesti. Densaýlyq saqtaý isine qos­qan zor úlesi úshin oǵan Dúnıe­jú­zi­lik densaýlyq saqtaý uıymynyń jo­ǵa­ry marapaty tabys etilgen. Rejısser Baqyt Qaıyrbekov jasaǵan «Álem aza­ma­ty» fılminde osy jaǵdaı pash etilgen. Prezıdenttikke kandıdat fılmdi kórgennen keıin: «Bizdiń elimizde maq­tan tutýǵa laıyqty álemdik deńgeıdegi zańǵar tulǵalar eńbek etedi. Solardyń ishinde Tóregeldi Sharmanov, Oljas Sú­leımenov, Salyq Zımanov, Ábdijámil Nurpeıisov jáne basqalaryn atar edim. Olar – ulttyń maqtanyshy. Olardyń qyzmeti bizdiń árqaısymyzdy shyǵar­ma­shylyq turǵydan ósýge talaptan­dyryp, qııaǵa qanat sermetedi», dedi. Sondaı-aq, Ǵanı Qasymov Qazaq­stan­nyń el dańqyn asyratyn daryn­darǵa baı ekendigin atap kórsetti. Osyndaı zańǵar tulǵalar eldi órken­de­tip, ǵylym men mádenıette, qoǵamnyń basqa salala­ryn­da jaýhar qundy­lyq­tar jasaıdy. Mine, bizdiń elimizde bo­la­shaqta osyndaı adamdar tárbıelenýi tıis. Qorǵanbek AMANJOL. Sýretti túsirgen Borıs BÝZIN.