Nasıhat jumystary qyza tústi

El prezıdenttiginen úmitkerler qatarynda Qazaqstannyń Kommýnıstik halyqtyq par­tııa­synan Jambyl Ahmetbekovtiń tirkelýi bizdi jańa isterge qulshyndyryp otyr. Bizdiń óńir­de partııanyń 4,5 myń múshesi bar. Biz prezıdenttikke kandıdattardy qoldaýshylardyń qol­daryn jınaýda jınaqylyq tanyttyq, bul iste partııa múshe­le­rine kom­somoldar kóp qol­ǵabys jasady. QKHP-dan prezıdenttikke kan­dıdat Jam­byl Ah­metbekovtiń ob­lystyq shtaby qurylyp, saı­laýal­dy jumystary­nyń jos­pary jasal­dy. Shtab­ty ózim bas­qaramyn, 6 adam ju­mys isteıdi. Kandı­dat­tyń senim bil­dirilgen ókilderi anyq­talyp, qandaı ju­mystar atqara­tyn­dary tanystyryldy. Búginde bizdiń kandı­dat­tyń saılaýaldy úgit-nasıhat ju­mys­taryna qajetti materıaldar tolyq qoly­myzda. Bul mate­rıal­dardy saılaýaldy úgit-nasıhat jumys­ta­rynda tıimdi jáne yqpaldy paıdalana bastadyq. Sondaı-aq, osyndaı pármendi ju­­mystardy ha­lyq­tyń qa­­lyń ortasynda júr­gizý úshin «GAZEL» shaǵyn avto­bý­syn úgit poıyzy etip jaraqtandyrdyq. Prezıdenttikke kandıdat Jambyl Ahmet­bekovtiń saılaýaldy baǵdarlamasy halyqtyń kókeıindegi máselelerdi qozǵaıdy. Saılaýaldy kúreske túsken bizdiń partııa aradaǵy bes jylda halyq úshin taýar ımportyn 25-30% kemitýge, energetıka, munaı, taý-ken baıytý, temir jol, áýe kóligi salalaryn memlekettik menshikke qaıtarýǵa, maqtany, terini, teri ónimderin, aǵashty syrtqa shyǵarýdy toqtatyp, tústi jáne qara metaldy syrtqa shyǵarýǵa kvota engizýge, halyqtyń ál-aýqatynyń artýyna jáne ekonomıkalyq áleýettiń ósýine áserin tıgizetin shıkizattyq jáne tabıǵı resýrstardy paıdalanýdyń tıimdi jolyn tabýǵa, Qazaqstan halyqtarynyń birligin nyǵaıtýǵa jáne basqa baǵyttarda jumystanatyn bolady. Shynaıy halyq bıligin qurýdaǵy saıası kúshterdiń róli  bıikteýi tıis. Al jalpy, bizdiń partııanyń óńirdegi bedeli joǵary. Jergilikti bılik oblystyq komıtettiń usynystaryna qulaq asyp, qozǵalǵan másele­ler­di sheship júr. Mysaly, «Ońtústik Batys» aýdanyn­daǵy Keńes Odaǵynyń Batyry Idiris Úrgenishbaev atyndaǵy kóshege batyrdyń eskertkish taqtasyn ornatýǵa, qatty jamylǵy tó­seýge biz muryndyq boldyq. Sondaı-aq, par­tııanyń tanymdylyǵyn jaqsartý úshin halyqty tolǵantqan máseleler boıynsha túrli aksııalar ótkizdik. Aqtóbelikterdiń saıası belsendiligi joǵary ekenin bilemin. Bul joly da halyqtyń prezıdenttik saılaýǵa túgeldeı kelip, durys tańdaý jasaıtynyna senemin. Qazirgi kezde saılaýal­dy úgit-nasıhat jumystarynyń «qyzýy» kóterile tústi. Bul baǵytta biz de óz kandıda­týramyzdyń báıgeden ozyp kelýiniń qoldan keler múmkindigin jasap jatyrmyz. Janat MOLDAShEV, QKHP Aqtóbe oblystyq komıtetiniń hatshysy,  oblystyq shtab bastyǵy.