«Qaırat» Pele oınaǵan «Santosty» jeńdi

«Tórteýdiń fınaly» dep atalatyn 2011 – ÝEFA kýbogynyń fýtzal boıynsha fınaldyq kezeńi alǵash ret Almatyda ótkeni jankúıerler úshin aıta júrerlikteı oqıǵa boldy.  Sheshýshi matchtardyń jerebe tas­taýynda almatylyq «Qaırat» ańyzǵa aınalǵan brazılııalyq «Santos» komandasymen joldastyq oıynda básekege túsip, jeńiske jetti. «Qaırat» álemdik fýtbolda baıa­ǵy­­dan beri kele jatqan myqty klýb «Santospen» joldastyq match­ta oı­na­dy. «Santos»  «úl­ken» fýtbolda ótken ǵasyrdyń eń myqty fýtbol oıynshysy Pele oınaǵan klýb. Al qazir onyń fýtzaldy komanda­sy­nyń namy­syn eki márte álemniń fýt­zal boıynsha eń jaqsy oıyn­shysy atanǵan Falkao qorǵady. Aty jer jarǵan brazılııalyq komandamen kezdesý aldynda «Qaı­rattyń» bas jattyqtyrý­shysy Joao Karlos Barboza: – «Santos» – uly komanda! Álem­dik fýtbol qaýymynyń kóp­tegen súıiktileri osy klýbtyń túlekteri nemese oıynshylary. О́z Otanynda osyndaı komandamen oınaý árkimge berile bermegen múmkindik,– degen bolatyn. Kezdesý bastalmaı turyp-aq, «Qaırat» basshylyǵy baspasóz máslıhatynda «Santospen» kezdesý qazaqstandyq fýtbolshylar úshin mańyzdy oqıǵa bolady dep sanaıtynyn málimdedi. Eýropa­lyq fýtzaldyń qurmetti koman­dasynda ÝEFA Kýbogyn jeńip alý­dy maqsat tutqan osyndaı qar­sylaspen kezdesý – «Tórteýdiń Fınaly» aldyndaǵy jaqsy da­ıyn­dyq bolady dep kútilgen edi. Osylaısha, úmit artqan «Qaı­ratymyz» 8 naýryz kúni alǵashqy  matchty jankúıerlersiz ótkizip, 5:3 esebimen jeńilse de, ekinshi match tikeleı efırden kórsetilip, jerlesterimiz 3:1 esebimen jeńis­ke jetti. Jankúıerlerdiń qol­daýy degen osy bolar?! Qarsylastaryna ońaılyqpen des bermeıtin brazılııalyqtar «Qaı­­­rattyń» óz alańynda kezdesý «qonaq­qa» kelgennen ózgeshe bolǵanyn mo­ıyndady. Tuńǵysh ret qazaqstandyq komanda óz tarıhynda brazılııa­lyqtardy tize búktirdi dep qýandy «Qaı­rattyń» prezıdenti Qaırat Orazbekov. «Qaırat» týraly endi áńgime bólek. «Qaırat» Eýropanyń fýtzal boıynsha basty jarystyń sheshýshi bóliginiń turaqty qaty­sý­shysy bolyp kele jatqanyna, mine 7 jyl boldy. Osy jyly tarıhta alǵash ret Almatynyń Balýan Sholaq atyndaǵy Sport saraıynda qurlyqtyń eń jaqsy tórt klýby shaǵyn-fýtbol degen atpen belgili sporttyń tanymal túrinde «Tór­teýdiń Fınalyn» oınady. Al matchtar osy jyldyń 29 sáýirinen 1 mamyryna deıingi aralyqta ótedi. Týrnırdiń sheshýshi kezeńin qabyldaý mártebesine Qazaqstan almatylyq «Qaırat­tyń» eýroarenalardaǵy kóp jyl­ǵy jetistikteriniń arqasynda ıe bolyp otyr. Eýropalyq fýtbol elıtasyna enetin, ÝEFA reıtınginde tórtinshi oryn alatyn klýb, birneshe jyl boıy elimizdiń eń jaqsy klýby atynan aıyrylmaı keledi. Túrli deńgeıdegi jarys­tar­da almatylyq komanda óz jetistikterimen qazirgi qazaqstan­dyq sporttyń múmkindikterin kór­sete bilýde. Sonyń nátıjesinde  «Qaı­rattyń» qanjyǵasynda ÝEFA Ký­bogynyń qola nagradalary jáne qurlyqtyń eń jaqsy 8 komandasy quramynda pleı-ofqa turaqty túsip otyrý bar. Aınash ESALI, Almaty.