Din isteri jáne azamattyq qoǵam mınıstrliginde atalmysh vedomstvo basshysy Nurlan Ermekbaevtyń tóraǵalyq etýimen QR Úkimetiniń «Daryn» memlekettik jastar syılyǵyn taǵaıyndaý jónindegi komıssııanyń qorytyndy otyrysy ótti, dep habarlady Din isteri jáne azamattyq qoǵam mınıstrliginiń baspasóz qyzmeti.
«Daryn» memlekettik jastar syılyǵy jemisti ǵylymı, shyǵarmashylyq jáne qoǵamdyq qyzmeti úshin daryndy jastardy memlekettik qoldaý maqsatynda eki jylda bir ret ártúrli nomınasııalar boıynsha beriledi.
Ústimizdegi jyldyń 4 tamyzynda Qazaqstan Respýblıkasy Úkimetiniń «Daryn» memlekettik jastar syılyǵyn berý jóninde konkýrs jarııalanǵan bolatyn. Úmitkerlerden ótinimder aǵymdaǵy jyldyń 12 qyrkúıegi men 25 qazany aralyǵynda qabyldandy. Nátıjesinde barlyǵy 126 ótinim kelip tústi. Onyń ishinde «Teatr jáne kıno» nomınasııasy boıynsha - 20, «Jýrnalıstıka» - 9, «Ádebıet» - 6, «Sport» - 13, «Estrada» - 13, «Klasssıkalyq mýzyka» - 11, «Halyq shyǵarmashylyǵy» - 9, «Dızaın jáne beıneleý óneri» - 9, «Ǵylym» - 23, «Qoǵamdyq qyzmet» 13 ótinim.
2016 jylǵy 1-9 qarasha aralyǵynda atalǵan nomınasııalar boıynsha («Estrada, klassıkalyq mýzyka, halyq shyǵarmashylyǵy», «Dızaın jáne beıneleý óneri», «Ǵylym jáne qoǵamdyq qyzmet», «Sport») seksııa otyrystary ótkizildi.
